Терига зарар бермасдан чиройли офтобда қорайиш рангини ҳосил қилиш
11.07.2017
Ёз вақтида чиройли ва бир текис офтобда қорайиш – кўпгина дам олувчиларнинг орзуси. Аммо бу орзуни амалга ошириш муайян тайёргарликларни талаб қилади. Чунки бу жараёнда терини ультрабинафша нурларидан сақлаш ҳам керак. Бунинг учун нималар керак?
Табиий бўёқ ва витаминлар
Кучли қуёш нурларига тайёр бўлиш учун, ҳеч бўлмаганда, дам олишга чиқишдан бир ой олдин менюга бета-каротин моддаси билан бойитилган маҳсулотларни қўшиш лозим. Ушбу антиоксидант терининг ҳаддан ташқари нурланиш натижасида келиб чиқадиган зарарланишидан сақлашда жуда муҳим. Шунингдек, у бир текисда офтобда қорайиш рангини ҳосил қилишга ёрдам беради.
Бета-каротиннинг керакли миқдорини сабзи, қовоқ, помидор, лавлаги, қизил қалампир, шафтоли, ўрик, шу билан бирга, тухум сариғи ёки лосось балиғи гўштидан топиш мумкин. Маҳсулотларнинг рўйхатидан ҳам кўриниб турибдики, уларнинг барчаси малла, сариқ ёки қизил рангда ва бу рангларни маҳсулотларга бета-каротин моддаси беради. Шунингдек, сабзавот ва меваларда жуда кўп хилма-хил витаминлар бор.
Гидратация муҳим
Офтобда қорайиш вақтида терининг намланиши ҳақида унутмаслик керак. Доимий сув йўқотиш ва ультрабинафша нурларининг таъсири натижасида эпидермиснинг ҳимоя қавати кучсизланади. Бу эса терининг қуришига, майда ёриқларнинг келиб чиқишига сабаб бўлади, шунингдек, тери қуёшда тезроқ қораяди. Шунинг учун уни турли тана учун лосьон ва ёғлар билан кучли парвариш қилиш ўта муҳим.
Ёзда тана ва тери учун суюқлик истеъмол қилиш совуқ мавсумдагига қараганда, кўпроқ аҳамият касб этади. Оддий тоза сувни ичган маъқул.
Пилинг (терини тозалаш)
Агар Туркияга саёҳат қилиш учун йўлланма олинган бўлса, косметологлар турист аёлларга ушбу мамлакатга келиш билан, энг аввало, ҳаммомга боришни тавсия қиладилар. Шундан кейингина офтобда қорайишни бошлаш мумкин. Ҳаммомда ўзига хос микроиқлим мавжуд: бу ерда нафақат ўзни бўш қўйиш, балки қувватга тўлиш учун ҳам имкон бор. Массажчи ёрдамида ёки мустақил равишда терини пилинг қилиш мумкин. Бундай тозалашдан кейин қуёшда қорайиш ранги ҳам бир текис чиқади, терида ҳеч қандай ёрқин ёки тўқ рангли доғлар юзага келмайди.
Мустақил пилинг учун терига мўлжалланган пилинг ва юз учун майда доначали скраб керак бўлади. Хоҳишга қараб, воситалар табиий бўлгани маъқул (масалан, майдаланган қаҳва, жигарранг шакар, денгиз тузи). Пилингдан сўнг тирсак ва тиззага косметик ёғ суртиш зарур, чунки бўртиб турган тери қисмлари қуёшда тезроқ қораяди (бўлмаса, куйиб кетади).
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.