Юз териси парвариши: ёшликни сақлашнинг самарали усуллари
03.05.2018
Аёлнинг жозибалилиги ички сифатлари билан биргаликда, парваришланган ташқи кўриниши билан ҳам белгиланади: гўзал сочлари, келишган қадди-қомати, ўзига ром қилувчи нигоҳлари ва, албатта, соф ёқимтой юзи билан. Нозик хилқат эгалари тери ёшлигини узайтиришни орзу қиладилар, ахир бу ўзига бўлган ишонч ва баҳони белгилаб беради.
Ҳозирда ихтисослашган дўконлар ва дорихоналарда юз териси парвариши учун кремлар, зардоблар, мазьлар ва бошқа воситалар тақдим этилган. Аммо, афсуски, улар ҳар доим ҳам ёрдам беравермайди ва юқори нархлар ҳамма аёлга ҳам мос келавермайди. Одатда, косметик муолажалар ва жарроҳлик операциялари ижобий натижалар кўрсатади, аммо бунда ҳам ҳар бир аёлнинг ҳамёнига улар тўғри келмайди. Шунга қарамасдан, тушкунликка тушиш ярамайди, ахир бугунги кунда таъсир кўрсатувчи қиммат бўлмаган воситаларни танлаб ҳам латофатли кўринишга эга бўлиш осон. Ва уларни қандай олишингизнинг аҳамияти йўқ: хоҳ дўкондан сотиб олинг ёки ўзингиз мустақил равишда яратинг.
Уй шароитидаги ёшартирувчи воситалар
Ўзингиз мустақил юзга ниқоб ва кремлар тайёрлашингиз учун кўп ҳаракат талаб қилинмайди. Шунингдек, ингредиентларни сотиб олиш учун ҳам айтарли маблағ сарфлаш шарт эмас. Эҳтимол, музлатгичингизда юз териси парваришида самарали воситани тезда ва осон тайёрлаш учун маҳсулотлар топилар.
1. Тери таранглигини сақлашда юзни оқартирувчи ва намлантирувчи оддий сметана ёрдам беради. Ёғли маҳсулот танлаб, яхши эффектга эга бўлинг. Сметана ўрнида оддий қаймоқ ишлатса ҳам бўлади. Терига хона ҳароратидаги сметана ёки қаймоқ суринг ва ушбу ниқобни юзда ярим соат давомида ушлаб туринг. Мазкур вақт тугагач, теридан воситани сутга ботирилган, стерилланган пахта билан артиб ташланг.
2. Алоэ — ёшликни сақлаш учун ажойиб восита. Ушбу ўсимлик терининг қайта тикланишини оширувчи ва коллаген синтезини тезлатувчи моддаларни ўзида сақлайди. Шундай қилиб, алоэ баргларидан олинг, уларни тоза пахтали матога ўранг ва совуққа қўйинг. Икки ҳафтадан сўнг баргларнинг қорайган қисмларини олиб, уларнинг сувини сиқиб чиқаринг. Ниқобни тайёрлаш учун алоэ суви ва асалдан фойдаланинг, бунда уларни бир хил мутаносибликда олинг. Юзга ҳосил бўлган воситани суринг ва 15 дақиқа ушлаб туринг. Ниқобни мойчечакдан қилинган илиқ эритма билан ювиб ташланг.
Ҳаёт суръати
Ҳаётда содир бўладиган шиддатли ҳодисаларга қарамасдан, тўғри овқатланиш, кун тартиби, спорт билан шуғулланиш ҳақида ҳам унутманг. Сизга соғлом, яшнаб турувчи кўриниш ва қувноқ кайфият бағишловчи қоидаларга амал қилиб яшанг. Қуйидаги тавсияларни ёдда тутинг ва уларга риоя этишга ҳаракат қилинг:
• кечаси соат 12 гача ухлашга ётинг ва суткасига 8 соатдан кам бўлмаган вақт давомида ухланг;
• дам олинг, ўзингизни оғир ишлар ва ҳаддан ташқари жисмоний оғирликлар билан қийнаманг;
• эрталаб жисмоний машқлар қилинг, бассейнга боринг, шейпинг ёки аэробикага аъзо бўлинг;
• кунига кам-кам миқдорда 5-6 марта тановул қилинг;
• юз терисини мунтазам парвариш қилинг, уйқудан олдин косметикани ювиб ташланг, юзни ёрқин қуёш нурлари ва қишки совуқдан ҳимоя қилинг.
Ушбу қоидаларга риоя қилиб, сиз терингизнинг соф кўринишини кўп йиллар сақлай оласиз. Албатта, кексаликдан қутулиш имконсиз, аммо жозибадорликни сақлашга бемалол эришиш мумкин. Ёдда тутинг, ётган тош остидан сув оқмайди. Кичик уринишларга қўл уриб, ёшлигингизни узайтирасиз ва атрофдагиларнинг ҳайратга тўла нигоҳларини ҳис қиласиз, бу, албатта, ёқимли.