Интервью: психолог Диана Тян
03.02.2017
Кўпинча биз «Психологга мурожаат қилинг, ёрдам беради» деган иборани қанчалик кўп эшитганмиз? Сўнгги вақтларда руҳий ҳолат билан боғлиқ бўлган муаммоларни ўрганишда мутахассиснинг ёрдами борган сари долзарблашиб бормоқда. Биз ҳам мазкур трендни эътибордан четда қолдирмаган ҳолда, бизга ўзини қандай севиши, унинг ташқи кўриниши ҳаётни ҳис қилишига қандай таъсир кўрсатиши ва қандай косметика воситаларини яхши кўриши ҳақида сўзлаб берган психолог Диана Тян билан мулоқотда бўлдик.
Бизнинг назаримизда ташқи кўриниш инсоннинг руҳий ҳолатига қандай таъсир кўрсатади?
Психолог сифатида шу нарсани ишонч билан айта оламанки, биз ҳаёт ҳақида қандай ўйлашимиз, ичимизда нимани ҳис қилаётганлигимиз, шубҳасиз қандай ташқи кўринишга эга эканлигимизга, ва аксинча, ташқи кўринишимизни ўзгартириш орқали, ички ҳолатимизни яхшилашга таъсир кўрсатишга қодирмиз.
Софи Лорен айтганидек, «гўзаллик – бу ўзини ўзи ҳис қилиш», ва у сенинг кўзларингда акс этмайди. Ўзини чиройли одам сифатида ҳис қилиб, турли хил ҳаётий вазифаларни ҳал қилиш учун зарур мотивацияга эришиш мумкин, бунга эса яхши соч турмаги, муносиб макияж, кийим ва энг муҳим омил - «кўнгил саломатлиги» - ёрдам беради. Мазкур омил остида мен инсоннинг қулай ички ҳолатини, унинг ижобий фикрлаши ва кайфиятини тушунаман. Шу тарзда, ташқи кўринишни ҳам, организмнинг саломатлигини ҳам умуман олганда, соғлом кўнгилсиз тасаввур қилиб бўлмайди.
Аёлларга ўзини ўзи баҳолаш даражасини кўтариш учун қандай тавсиялар бера олишингиз мумкин?
Мен, бу дунёдаги ҳар бир инсон ноёб деб ўйлайман, айниқса аёл. Бизнинг ҳар биримизда, бошқалардан ажралиб турадиган қандайдир алоҳида «ўз»лигимиз бор, ва бу сизнинг юқоридаги фикрингизга кўра, сизда ҳамма нарса яхшироқ чиқади, ва мана шу кўникмаларни ривожлантиринг, мукаммаллаштиринг. Янги билимларга тайёр туринг, хато қилишдан қўрқманг, бугун кечагидан ҳам яхшироқ бўлиб, олға юринг.
Азиз Аёллар! Ўзингизни севинг ва ёдда тутинг: СИЗ БОРЛИГИНГИЗЧА ЯГОНАСИЗ!
Назарингизда аёл гўзаллигини нима шакллантиради?
Юқорида айтиб ўтганимдек, яна такрорлайман: менинг назаримда аёллик гўзаллигини биринчи навбатда аёлнинг ўзини ўзи ҳис қилиш ички ҳиссиёти, ўзини ўзи қандай бўлса, шундайлигича қанчалик севиши ва ҳурмат қилиши, яъни инсоннинг руҳий ҳолати шакллантиради. Лекин ушбу гўзалликни кундан кунга ўзгартириши мумкин бўлган, ҳамда аёлнинг афзалликларини қайд этиб ва унинг камчиликларини яшириб турадиган косметика, тўғри танланган кийим, турли аксессуарлар, соғлом тарзда овқатланиш, спорт билан шуғулланиш ва умуман ҳаёт тарзи ҳам муҳим ўрин тутишини ҳам инкор қилмайман.
Атрофдагилар бизнинг имиджимизни яратишга қандай таъсир кўрсатадилар ва имидж орқали атрофдагилар учун қизиқарлироқ бўлиб кўриниш мумкин?
Имидж, менинг фикримча – инсоннинг ташриф қоғози. «Имидж» тушунчаси инглизча «image» — «образ», «тасаввур» сўзидан келиб чиққан бўлиб, тегишинча инсон атрофидаги одамларнинг идрокида яратиладиган образ, инсон суратини билдиради. Имиджни шакллантириш кўпинча аёл ёки эркакнинг фаолият турига, уларнинг атрофидагиларга ва кўнглининг ички ҳолатига боғлиқ. Бахтга қарши ёки инсоннинг бахтига қараб, бу ерда нозик чегара бор, бироқ жамият турли вақтларда ҳар бир инсоннинг имиджини шакллантиришда рухсат этиладиган маълум чегараларни юклаб қўяди, ва бу билан унинг шахсий танловига таъсир кўрсатади. Мен эса, ҳар бир инсон, ўзига қандай керак деб ҳисобласа, ўз ҳаётига хатар солмасдан, шундай тарзда ўзини ўзи ифода эттиришга ҳақли, деб ҳисоблайман. Ўзлигингизни сақланг, ўз ҳаётингиздаги барча икир-чикирларни ҳисобга олган ҳолда, ҳаммага ўхшамай қолмасликдан қўрқмай, ўз образингизни шакллантиринг.
Қандай севимли косметик брендларингиз бор?
Мен синовлар ўтказишни яхши кўраман, шунинг учун менинг косметик арсеналимда турли хил косметика брендлари жуда кўп. Бироқ уларнинг ичида ҳаммага машҳур бўлган Shiseido, Clinique, L’Oreal Paris, Maybelline New York, Maxfactor, Make Up For Ever, NYX ва Bourjois брендларини менинг энг севимли брендларим деб айта оламан.
Косметика қутичангизда доимо нималарни олиб юрасиз?
Ўзим билан олиб юрадиган косметика қутичамда доимо упа, ялтироқ ёки лаб бўёғи, суртма ёки тўқ рангдаги тенларни топиш мумкин.
Беш дақиқада макияж қилишга тўғри келиб қолса, у қандай чиқади?
Агар макияж учун 5 дақиқа вақтим бўлса, унда албатта юзимнинг текис ранг-туси учун мусс ва упадан, контурлаш учун корректордан, ёғупадан ва тушдан фойдаланаман.
Услуб маъбудингиз борми? У ким?
Тўғрисини айтсам, мен ўзимни ҳар томонлама ва умуман бошқаларга ўхшамаган деб ҳисоблайман, шунинг учун ўзим учун ягона услуб маъбудини танлашим мумкин. Менга
Виктория Бэкхемдаги бир нарса ёқса, Софи Лоренда бошқа нарса ёқади, шу ўринда Мэрилин Монро ва Коко Шанель каби шахсларни ҳам эсламай ўта олмайман.
Психология ёрдамида ўзини қандай қилиб севиш мумкин?
Ўйлаб кўринг, ер юзида 7,5 миллиардга яқин одам бор, СИЗ эса – шундай ягона бетакрорсиз! Эрталаб уйғониб, сиз шунчаки уйғонганингиз учун, ўзингизга табассум қилинг, кун давомида эса қандай яхши нарса қилганингизни сезишга ҳаракат қилинг ва бунинг учун ўзингизни олқишлаб қўйинг, ўзингизни қувонтиринг, ва бошқаларни ҳам қувонтиринг, сиз ўзингизни қандай севишингиз ва қандай қилиб бахтли қилишингиз мумкин эканлигини, ва буни бошқа ҳеч ким қила олмаслигини тан олинг. Сизга севги учун керак нарса – сизнинг ўзингизда бор, ўз потеницалингизни кўра олишга эса, психология фани, ҳамда психолог каби мутахассис ёрдам бера олади. Психология туфайли, сиз ўзингизнинг фикр юритишингизни ўзгартиришингиз, янги имкониятлар очишингиз, ва охир-оқибат ўзингизни англашингиз ва бахтли бўлишингиз мумкин.
Одам ўзини севиш учун қандай адабиётлар ва фильмлар ёрдам беради?
Ҳозир миямга келган биринчи бўлиб М. Литвак, Л. Хей, Л. Ренар каби муаллифларнинг китоблари келди. Фильмларда тўхталадиган бўлсак, мен «Овқатлан, ибодат қил, сев», «Чунки мен шундай бўлишини ҳоҳлайман», «Ҳаёт ёки шунга ўхшаш…», «Оддий мураккабликлар» ва бошқа фильмларни маслаҳат берган бўлар эдим.
Бизнинг ўқувчиларимизга ўз тилакларингизни билдирсангиз
Бугун, ҳозир – бу сизнинг ҳаётингиз учун энг асосий кун! «Шу ерда ва ҳозир» яшанг, ўзингизни ва ўз ҳаётингизни қадрланг.