Интервью: шахсий стилист ва дизайнер Лидия Андре

27.10.2016

У жамоатчиликка дизайнер ва лол қолдириш эксперти сифатида машхур, унинг дефилесида моделлар пуантларда чиқишган, унинг услубига мамлакатимизнинг ва чет элнинг машхур медиа шахслари амал қилишади, у ўзига ишонган аёллар сумкасида нима олиб юришларини ва услуб қиёфаси қандай кўринишда бўлиши кераклигини билади, унинг исми Лидия Андре. У – шахсий стилист, шопер, визажист ва дизайнер.

Макияж ва грим бўйича стилист, дизайнер ва рассомлик карьерангиз қандай бошланган?

Ҳаммаси мен бадиий мактабга ўқишга кирган чоғимдан бошланган. Макияжлар, образларнинг турли вариацияларини чизар эдим. Сўнгра Бадиий институтнинг кийимлар дизайни бўлинмасига ўқишга кирганман. Москвада визажистликка ўқиб келганман ва шу соҳада ишлай бошлаганман. Мен рассом бўлганим учун, бунга киришиш қийин бўлмаган.

Қайси юулдузлар билан ишлашга муяссар бўлгансиз?

Бугунги кунда мен ватанимиздаги ва чет эл давлатларидаги кўплаб юлдузлар билан – ўзбек эстрадаси ичида Юлдуз Усмановадан тортиб то Уммон гуруҳигача ишлашга муяссар бўлдим. Чет элларнинг машҳур юлдузларидан эса мен Максим, Нюша, Леонид Агутин, Елена Есениналар, ҳамда «Отпетые мошенники», А-Студио гуруҳлари билан ишладим. Менга Арманд Асанд билан стилист сифатида намоён қилиб ишлаган давримни унута олмайман. Шунингдек форсий тилда қўшиқлар куйлайдиган қўшиқчи Ариана Саид билан ишлаш ҳам мароқли бўлган.

Сизнинг ишингиздаги энг мураккаб ва қизиқ нарса нима?

Ишонмайсиз, агар мураккаб бўлмаса, ишлаш ҳам зерикарли бўлади. Мен макияжда ҳам, кийим борасида ҳам ноодатий нарсалар яратишни яхши кўраман. Оддийликни ёқтирмайман.

Ўзингизнинг ташқи қиёфангизни қандай сақлайсиз? Сизнинг саломатлигингиз ва стилингизнинг сири нимада?

Ўзимнинг сеҳрли косметологимга мурожаат қиламан. Шахсий мураббий билан доимий спорт машғулотларига ва йогага қатнайман – йога нафақат равшанлик бағишлайди, балки ёшартиради ҳам. Балки мен ўзимни шундай қилиб ишонтирарман холос.

Аёлларга кундалик ҳаётларида ўз гўзалликларини сақлаш учун нималарни маслаҳат берган бўлардингиз?

Аёллар доимо гўзал бўлиб кўринишларини ҳоҳлар эдим. Пошналар – бу муваффақият ва жозибадорлик гарови. Шунингдек, қизил рангли лаб бўёғи, ва албатта маникюр. Агар табассум ва хушчақчақликни ҳам “ишга солса”, гўзаллик ўз борлиғи билан таъминланган бўлади.

Ўзбекча фэшн ва бьюти индустрия қанчалик ўзгарди?

Аслида, бу ўта риторик саволдир. Бугун биз маълум йўналишларда олдинга сурилганимиз, баъзиларида эса – йўқ. Дадиллик ва креатив кўпроқ бўлишини истар эдим.

Сиз соғлом турмуш тарзи кечирасизми? Ўз қоматингизни тренажёр залида шуғулланиб сақлайсизми?

Ҳаракат қиламан, бироқ баъзан бундай машғулотлар “узилиб қолади” ва мен йўқ бўлиб кетаман. Бундай ҳолларда мураббийимнинг ўзи менга қўнғироқ қилади ва «семириб кетишим» ҳақида эслатиб қўяди 

Биринчи бўлиб нима билан шуғуллангансиз – кийим яратиш биланми ёки стилистлик қилганмисиз?

Бунинг ҳаммаси бир вақтнинг ўзида содир бўлган, ахир look яратаётганда, дарҳол makeup ҳам кўриниб қолади. Ўйлайманки, кийимни ҳам, сочларни ҳам, макияжни ҳам бир одам қилиши керак, шунда образ яхлит бўлиб чиқади. Шунинг учун уларнинг ҳаммасини биргаликда олиб борганман.

Сизга стилистнинг ишида кўпроқ нима ёқади?

Мендан кейин одамларнинг ўзгаргани. Ойнага қараб, улар «вой!» дейдилар. Бу энг катта мақтов.

16-17-йилларнинг куз-қиш мавсумидаги асосий Бьюти-трендлар қандай?

Ўйлайманки, бу нюд стилидаги макияж, бироқ мен уни ёқтирмайман.

Сизнинг назарингизда нима ҳеч қачон модадан чиқмайди?

Классика доимо долзарб бўлади, шунинг учун қизил рангли лаб бўёғини ҳеч қачон ҳисобдан чиқариб ташламаслик керак.

Сайтимизнинг ўқувчиларига қандай тилакларингиз бор?

Бу ёвузлик қанчалик янграмасин, бироқ мен орзу қилишдан тўхташни ва баҳоналар қидиришни тўхтатиб, ўз устида ишлашларини бошлашларини тилайман.

Ўзига қарайдиган аёл ёнида нималарни олиб юриши керак эканликлари ҳақида қандай фикрдасиз?

Менимча упа. Менинг шахсий сумкачам косметика билан тўлдирилмаган бўлса ҳам. Ўзига ишонган аёллар фақат парфюм олиб юришлари керак, деб ўйлайман.

Сиз учун стилингизнинг санами ким?

Менинг назаримда энг ёрқин намоёнда , бу - Гвен Стефани.