Интервью: Shadishaнинг имидж қоидалари
20.10.2016
Шади Тўйчиева – Shadisha тахаллуси билан машҳур бўлган – оммабоп қўшиқчи, қўшиқлар муаллифи ва ҳақиқий it-girl, ўзининг севимли косметикаси, макияжининг аҳамияти ва стилининг санамлари ҳақида сўзлаб берди.
Сиз мустақил равишда макияж қила оласизми ва ўзингизни чиқишларга тайёрлай оласизми?
Ҳа, буни мустақил тарзда бемалол қила оламан ва чиқишларда кўпинча ўзим бўянаман. Чунки, макияжни профессионаллар қилганларида, улар ҳатто максимал табиий бўлса ҳам, мен барибир умуман бошқача бўлиб чиқаман. Ўзимга ўзим макияж қилганимда эса, ҳатто у ўта мега ва ёрқин чиқсада, мен ўзлигимча қоламан. Мен учун зарурий бўлган косметик воситаларга тус берувчи крем, ёғупа ва лаб учун қалам киради, ҳар кунги ҳаётимда менинг образим катта миқдордаги косметикага муҳтож эмас.
Ўзингизнинг севимли макияж стилингиз борми?
Албатта. Улар менда иккита: биринчиси – ҳар кунги, табиий, нюд тонларда, иккинчиси эса – оқшомги, қошларим ва киприкларим қалин, шунингдек ёрқин лаб. Асосий эътиборни ҳоҳлаган нарсамга қаратаман, кўпроқ булар қошлар, ёноқлар ва лаб бўлади.
Косметик қутичангизда нималарни доимо олиб юрасиз?
Менинг косметик қутичамда доимо малина таъмли Nivea лаб ёғи, L'Оreal томонидан чиқариладиган Volume Millions Lashe сериясидан киприклар учун туш, Bourjois ёғупаси, нюд рангидаги жилосиз лаб қалами (ҳар хил русумлардаги) ва Maybelline Dream Satin Fluid ёки BB Cream от Garnier тус берувчи креми жой эгаллаган.
Сиз косметикани қандай қилиб харид қиласиз?
Аввал мен косметикага асосан буюртма берар эдим ёки саёҳатларга чоғида сотиб олар эдим. Ҳозир эса баъзи маҳсулотларни Тошкентда топаман, MAC, Make Up Forever ва бошқа профессионал русумдаги маҳсулотларга эса буюртма бериб оламан. Косметикани ўзимниниг теримнинг хусусиятларини, визажистларнинг баъзи маслаҳатларини ҳисобга олган ҳолда танлайман, баъзан эса рекламага ҳам эътибор бераманган ҳолда оламан.
Сизнинг назарингизда аёлнинг гўзаллиги нимадан иборат?
Аёлнинг ҳақиқий гўзаллиги биринчи навбатда аёлнинг хулқи-атворида, унинг муолмалаларида, имо-ишораларида, ҳатти-ҳаракатларида, қандай ва қаерда сўзлашишида, шунингдек саранжом-саришталигида, ўзига қарашида ва озодалигида намоён бўлади. Аёл оддий, кўзга ташланмай турадиган ҳолда кийинган бўлиши мумкин, бироқ албатта ўзига қараган бўлса ва озода юрса – бу унга кўнгилли муносабатда бўлиш ва завқли боқишларга кафолат бўлади.
Агар макияж қилиш учун бир дақиқагина вақтингиз бўлса, нима қиласиз?
Тон ва ёғупа суртаман.
Саҳна ва ҳаёт учун учун қандай образлар ярата оласиз? Нималарга таянасиз?
Албатта мен трендларни кузатиб бораман. Glamour, Vogue, Elle саҳифаларини ўқийман. Етакчи жаҳон брендлари косметик воситаларининг янги коллекцияларини кузатиб бораман, бироқ ҳеч қачон модага кўр-кўрона риоя қилмайман. Доимо юз типига, кийимга, соч турмагига, кайфиятга, об-ҳавога ва боришим лозим бўлган тадбирларга қараб иш тутаман.
Сизнинг стилингиз нимага асосланади?
Менинг стилим фақат менга ёқадиган нарсага асосланади! Мен, агар инсон кўчага нима кийиб чиққан, унга нима қулай бўлган бўлса ва бу унинг ўзига ёқса – унда буларнинг ҳаммаси атрофдагиларнинг барчасига ҳам ёқади! Масалан, мен baby doll кўйлаги билан кроссовкалар ва кедалар кийиш трендга кирмасдан ва модага кирмасдан туриб, уларни кийишни бошлаганман, ва худди шу нарсаларни баланд пошнали туфли ва пайпоқ билан ҳам кийдим. Мен ўзимга қандай ёқса, шундай кийинаман, ҳатто бу сўнгги мода тенденцияларига мос келмаса ҳам. Стилимнинг асосий қоидаси – биринчи ўринда максимал тарзда қулай бўлиши керак! Бирозгина эпатаж ҳам керак.
Стилингизнинг санами борми?
Менинг стилимнинг бир маънодаги санами – бу Виктория Бэкхем! Шунингдек менга Джей Ло, Бейонсе ва Глюкозанинг стили ҳам жуда ёқади. Мен яна турли блоггерларнинг саҳифаларини тез-тез варақлаб ўқиб тураман, уларнинг ичида бизнинг Dodosaid ҳам бор.
Мода дунёсидаги ва гўзаллик индустриясидаги фаворитларингиз кимлар?
Мен Chanel, Marc Jacobs, Kenzo, Delpozo, Zara каби мода уйлари ижодларини жуда севаман. Косметик русумлардан Bobbi Brown ва L'Оreal жуда ёқади.
Сиз стилистга исталган образингизни яратишини буюрасизми ёки ўзингизни профессионалларнинг қўлига топширасизми?
Мен стилистларимни кам алмаштираман, анчадан буён Miss Di make-up studio билан ҳамкорлик қилиб келмоқдаман. Агар мени Дининг ўзи бўянтирмаса, унда сўзсиз ишонаман, у менинг юзимни ва кайфиятимни аниқ ва нозик ҳис қилади. Агар мен бошқа визажистга тушиб қолсам, унда нимани истаётганлигимни аниқ айтаман, фотос уратларни кўрсатаман, “ўзбилармонлик” билан қилинган ишни эса ёқтирмайман.
Бизнинг ўқувчиларимизга қандай тилаклар билдирсиз?
Ҳамма қизларга ва аёлларга доимо ўзликларини сақлаб қолишларини тилайман! Улкан лаблар, нотабиий киприклар ва қошлар кетидан қувмасдан, фақат ҳар бир қиз ўзига берилган табиий гўзалликдан моҳирона фойдаланишларини истар эдим. Асосийси – доимо тоза, озода ва ўзига қараб юришларига тилакдошман.
