Тирноқлар контуринги нима
19.10.2016
Бьюти индустрияда тинчлик бермаётган модадаги «контуринг» сўзини энди маникюрга ҳам қўллаш мумкин. Бу қандай қарор, у кимга керак ва ундан қандай фойдаланиш керак ҳақида - бизнинг обзоримизда.
Даставвал, контуринг тушунчасига изоҳ бериб ўтсак. Контуринг – ҳажмни ошириш ёки камайтириш учун контурлаш, скульптрлаш ёрдамида янги шакл яратиш ва воситалар тус-ранглари билан ўйинлар дегани. Тирноқлар контурингини визуал тарзда (аслича эмас) тирноқ шаклини ўзгартириш мумкин эканлигини ҳамманинг ҳам фаросати етса керак.
Буни нима учун синаб кўриш керак: ушбу турдаги маникюр ва педикюр айниқса, агар сиз ўстирилган тирноқларни ёқтирмасангиз, айни сизга мос келади, ва бунда ўзингизнинг тирноқларингиз унчалик узун ҳам бўлмайди. Кўз билан қаралгандаги таасурот тирноқларни “чўзинчоқ” қилиб кўрсатади ва қўлларингизга нафислик бағишлайди.
Буни модага ким киритган: АҚШда тирноқлар учун Jin SOON русумли лакларнин оммабоп дизайнери Джин Сун Чой муаллифи ҳисобланадиган ушбу янги трендни Vera Wang ва Tommi Hilfiger брендлари каби, ҳамма ҳам ёқтириб қолгани йўқ.
Бу қандай қилинади: биринчи ва энг муҳим қадам – тирноқлар бир теккис қилиб асосий ранг билан қопланади, теридаги ён томонлари ҳам яхшилаб бўялади. Бунда асос сифатида оч рангдаги ёки шаффоф рангли лаклардан фойдаланиш тавсия этилади. Сўнгра тирноқ пластинасининг ўртасига энли мўйқалам билан асосидан бошлаб учигача тўғри чизиқ чизамиз. Бу чизиқ контраст рангда ва (иложа бўлса) асосий тондан ёрқинроқ бўлиши керак. Энли чизиқ қуригандан сўнг, учинчи контрастли рангни танлаймиз. У билан чизиқни ингичкароқ қилиб, маркази бўйлаб эса энли қилиб чизамиз. Барча қатламларни қуритиб оламиз, сўнгра маникюрни шаффоф рангли қуритигич билан қотириб оламиз.
Бутун тирноқ пластинасининг сирти бўйлаб сочилган турли узунликдаги рангли ҳошиялар айниқса таасуротли кўринади.
Кимларга ярашади: бундай ечим тирноқ пластиналари кенг бўлган аёлларга кўпроқ ярашади - бу уларни сезиларли даражада ингичкалашгандек ва чўзинчоқ қилиб қўяди. Агар Сизнинг тирноқларингиз ўртача ва катта узунликда ўстирилган бўлса, унда бундай маникюр билан вазминроқ бўлганингиз маъқул – ўз бармоқларингизни узун ингичка спагеттига айлантириб қўйманг (таасуротини ўз тирноқларингизнинг шаклини ҳисобга олмаган ҳолда яратиш мумкин). Синаб кўринг ва сиз ҳам трендда бўлинг.