Косметиканинг яроқлилик муддатини қандай қилиб кузатиш керак
17.10.2016
Косметика ҳам барча яхши нарсалар каби қачонлардир тугаши ҳеч кимга сир эмас. Баъзилар у ёки бошқа косметика воситаларидан фойдаланиб,ушбу лаҳзаларни интизорлик билан кутсалар, бошқалар эса ўз косметикасининг ҳаётини синчковлик билан ўлчаб, ақллироқ иш тутадилар. Биз сизларга бюти маҳсулотлар қанча яшаши ҳақида ҳикоя қиламиз.
Албатта, косметик маҳсулотлар ҳарид қилганда уларнинг яроқлилик муддатини саноқли одамларгина ўрганиб чиқадилар, восита ўрами очилгандан сўнг қанча сақланиши мумкин эканлигига эса ундан ҳам кам одамлар эътибор берадилар.
Биз эса косметика танлашнинг биринчи қоидасини белгилаб берамиз: синчковлик билан яроқлилик муддатини ўрганинг (одатда у ишлаб чиқарилган вақтидан бошлаб неча ой сақланашини кўрсатувчи тарифда кўрсатилади). Халқаро маркировкаларда тўхталадиган бўлсак, рақам + «М» оммабоп саналади. Масалан «8М» ҳолатида - 8 ой сақлаш мумкин ва гўзаллигингиз сиздан миннатдор бўлади.
Барча сочилувчан нарсалар – тенлар, упа ва ёғупани уч йилгача сақлаш мумкин. Бунда сочилувчан косметиканинг чўткаси юз терисига ўзаро боғланади, демак теридаги ёғ безлари билан ажралиб чиқадиган ёғини ўзига сингдириб олади. Ушбу типдаги косметикани сақлаш учун, тенлар ёки ёғупаларнинг ёғли ялтираши билан ажралиб турадиган устки ёғли қатламини доимий тарзда олиб ташлаш маъқул саналади.
Лаб бўёғи – косметик қутичада узоқ яшайдиган восита, бироқ уни сақлаш учун ... музлатгич яхшигина хизмат қилади. Ақлга тўғри келмайди-ю, бироқ бу ҳақиқат. “Ўлаётган” лаб бўёғини у лабда энди аввалгидек сирпанмаслигидан, ҳиди эса одатдагига қараганда кескинроқ бўлиб қолганлигидан, одатий хусусиятлари тўламига эса ёпишқоқлик қўшилиб қолганидан билиб олса бўлади. Бу эса бундай лаб бўёғи билан хайрлашишнинг айни вақти келганлигини билдиради.
Кўзлар, қошлар ва лаб учун мўлжалланган қаламлар - қатъий яроқлилик муддатига эга бўлмайди, бироқ хусусиятларининг ўзгариб қолганлигига қараб, яъни уваланадиган бўлиб ёки қўполлашиб қолганда, уларнинг ҳаётини сақлаб қолиш мумкин эмаслигини англаш мумкин. Ишонинг, яхшиси бундай қалам билан хайрлашганингиз маъқул, бўлмаса у сизда аллергик рекцияни келтириб чиқариши ёки ҳатто юзингизни тимдалаб олиши мумкин. Қаламни бироз-бироз ўткирлаб, доимий равишда тозалаб туришни унутманг. Бунда қалам очадиган асбобни вақти-вақти билан спирт билан артиб туриш зарур.
Туш – косметик қутичангизда энг кам яшайдиган меҳмондир. Афсуслар бўлсинки, лекин тушдан уч ойдан ортиқ фойдаланиб бўлмайди. Бу қанчалик аянчли бўлмасин, бироқ айнан тушлар аллергияни, кўз инфекцияларини ва бошқа бир қатор касалликларни келтириб чиқариши мумкин. Агар кўзларингизда қичишиш пайдо бўлса – ҳамма гап айнан тушда эканлигини назарда тутинг.
Кремлар ва парваришлаш учун воситаларни назорат қилиш бошқа воситаларга қараганда осонроқ – бу айнан ўрамдаги яроқлилик муддатига эътибор беришнинг ўзи кифоя бўлган ҳолатдир. Ўзингизни хавфдан халос қилмоқчи бўлсангиз, қўлга (барча мавжуд бактериялар билан бирга) тегиб кетмаслиги учун бундай воситаларнинг тюбикка ёки банкачага дозатор билан солинадиганларини танлаш тавсия этилади.
Спондж, чўткача ёки бьюти-блендер каби ёрдамчи воситаларни танлашда тўхталадиган бўлсак, яхшиси ҳар галги макияждан сўнг аввал ювиб, сўнгра сутли восита ёки тоник-демакияж билан артиб тозалаб туриш зарур. Бу билан сиз уларнинг ҳаётини сақлаб қолган бўласиз, шунингдек улардан гигиеник тарзда фойдаланганлигингизга ишонч ҳосил қиласиз.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.