2016 – куз учун маникюрдаги асосий трендлар
13.10.2016
Бир мавсум бошқаси билан алмашиниб, йўналишлар ва трендларни ҳам янгилайди. Ўзига етарли даражада бир бирига зид бўлган позициялар - 2016 йилнинг куз фаслида маникюрнинг энг орзиқиб кутилган ғояларига айланади. Биз ҳар бир трендни ўрганиб чиқдик ва булар ҳақида сизларга сўзлаб берамиз.
Тупроқ сувлари
Маникюр модасидаги сўзсиз трендлардан бири – ер жинслари руҳидаги маникюр бўлди. Сферик жеодалар, коинотнинг портрети ва ер жинсларининг қатламланиши - булар ҳаммаси долзарблик чўққисидаги ноодатий ечимларга айланди.
Моҳияти нимада?
Тирноқларда бирданига бир рангга яқин бўлган бир неча туслар аралаштирилади. Фаворда – индиго рангидан бошлаб то осмонли-ҳаво ранггача бўлган кўк рангли палитра. Бироқ фокка ўхшаб қизил, зумрад ва сиёҳ тусдаги ранглар тўпламларини ҳам такрорлаш мумкин. Танлаб олинган 5-6 тусдаги палитра тирноқ пластинасига бир биридан кейин суртилади, сўнгра баъзи қатламларга очроқ тусдаги ёки ҳатто ялтироқ лакларни ҳам қўшиш мумкин. Тирноқларда коинотга боқиш ва ер қобиғининг кесими оралиғидаги ўртача кўриниш пайдо бўлади.
Геометрия
Геометрия – энди сиз ёмон кўрадиган нарса эмас, геометрия – тирноқлар модасидаги ўзига хос тренд. Оддий чизиқлар, минимализм ва контраст ранглар – жиддий, бироқ ўзига хос стилга эга бўлган аёллар учун талаб этилади.
Моҳияти нимада?
Геометрик маникюрнинг моҳияти шундан иборатки, севимли ранглардан уч жуфтини танлаб олиб (улар албатта контраст бўлиши керак), тирноққа асосий тон (асосий ранг) суртилади, унинг устидан геометрик ижод бошланади – тўғри ва айланасимон чизиқлар, ҳошиялар ва нуқталар, учбурчаклар ва ярим айланалар чизилади. Асосий қоида – контраст ҳақида унутмаслик.
Бошловчилар учун французча
Ушбу турдаги маникюр ҳеч қачон ўзининг долзарблигини йўқотмайди шекилли – узун ва калта тирноқларда ҳаммага машҳур бўлган французча маникюр жуда чиройли кўринади.
Айниқса, оқ-нюдли классика билан биргаликда, унинг эгаси трендларга мурожаат қилганида, френч (ёки французча маникюр) ўта гўзал кўринади.
Моҳияти нимада?
Тирноқ учидаги икки ранг бирикмаси - французча маникюрда ушбу кузнинг асосий трендига айланди. Бунда ранглар контраст бўлиши ҳам, шунингдек асосий ранглардан бирининг иккиламчи туслари ҳам бўлиши мумкин. Бундай маникюрнинг яхши томони шундан иборатки, у турли хил образларга бир хилдай ярашаверади. Бироқ офисларда ишлайдиган жиддий аёллар мазкур тренднинг ўта ёрқин вариантларидан воз кечганлари маъқул.
Ойли чошгоҳ
Ойли маникюр кетма-кет бир неча мавсум давомида долзарб бўлиб келмоқда, шунинг учун уни мавсум фаворитларидан чиқариб бўлмайди. Бироқ одатий овалсимон ярим сфералардан ташқари, энди маникюрга томчиларни, айланаларни ва ҳатто геометрик фигурачаларни ҳам қўшиш мумкин.
Моҳияти нимада?
Одатий ўйиқли маникюрдагидек, аввал ранг ва ўйиқнинг асосий қатлами яратилади, сўнгра ўйиққа томчидан бошлаб геометрия билан тугайдиган – исталган барча ҳийла-найранглар ва дадил ечимларни қўшиш мумкин.
Қоплонсимон ҳашам
Ҳайвонлар пинтасига бўлган мода нафақат подиумларни, балки бутун бошли гўзаллик индустриясини ўзига бўйсундириб олди. Худди шу тарзда, машҳурлик чўққисини, кузнинг ноодатий тренди – қоплон тусидаги маникюр забт этди.
Моҳияти нимада?
Хонимларнинг юрагига яхшилаб ўрнашиб оладиган доғчалар, энди нафақат зерикарли малла – қорамтир тусга эга бўлади. Бундан буён қоплон тусидаги маникюрни ҳар қандай исталган рангларда бажариш мумкин. Асосий қоида – доғларни кўпайтиришга беҳуда зўр берманг!
