Тўй соч турмакларида учта асосий тренд
22.09.2016
Тўй мавсумлари қанча тезлик билан алмашса, тўй турмаклари ҳам шунчалик алмашади. Бу соҳадаги тубдан ўзгарувчан трендлар билан биргаликда тўй турмакларини яратишда ҳам кутилмаган йўналишлар содир бўлиб туради. Уларнинг энг асосийлари ҳақида қуйида сўзлаб берамиз.
Соч ўриш
Ишонишингиз қийин, аммо шуниси аниқки, фигурали ва қалин соч кокиллари соҳадаги ёш вакиллар фикрида шунчалик қаттиқ ўрнашиб қолган, бу эса тўй мавсуми учун ўйлаб топилган ечимларда ҳам ўз аксини топган. 2016 йил куз мавсумида айниқса бош атрофига ўзига хос чамбарак қилиб ўрилган соч ўримлари оммалашди. Бундай мураккаб соч турмаклари сочларнинг оқишроқ тусларида жуда ҳам гўзал кўринади, лекин қорамтир сочларда ҳам ярашиб туради. Тўй турмаги яратишдан олдин сочларни ҳўллаб олишни унутманг, бу уларни катта қилиб кўрсатади ва жило бағишлайди. Шунингдек жило берувчи махсус воситалардан ҳам ишлатиш мумкин.
Мураккаб бабетталар
Соч турмагининг бу тури ҳаётимиздаги байрамларни ҳеч қачон четлаб ўтмаса керак. Аммо ҳозир стилистлар бабетта соч турмагининг тантанаворлиги ва ҳашаматини йўқ қилишмоқда. Ҳозир ушбу соч турмагини яратишда гажак сочлар, соч турмагининг юмшоқроқ шакллари ва ҳаводек енгил турмаклар ишга солинмоқда. Стилистлар бабеттани нафақат фата билан, балки тиара, диадема, ингичка занжир ва гуллардан ясалган безакли элементлар билан бойитишни тавсия қилмоқдалар. Айниқса юқорида тилга олинган барча безакларнинг ўрнини босувчи метал ва тошлардан ясалган улкан зеб-зийнатлар урфга кирмоқда. Бундай соч турмагини яратишдаги асосий вазифа – “конструкция”нинг енгиллиги, соч учун лакларнинг минимал миқдори ва сочларнинг ёпишиб қолмаслигидир.
Ёйилган гажак сочлар
Бу мавсумда айнан ёйилган гажак сочлар энг яхши тўй соч турмаклари қаторига киради. Бунда энг асосийси – соч ҳажмининг тўғри танланишидир. Агар келин либоси тўғри ва ёпишиб турган бўлса, ҳаддан ташқари катта соч ҳажми ҳақида унутиш мумкин. Агар тўй либосининг этаги ҳашаматли бўлса, соч турмагининг ҳажмини ҳам худди шундай ҳашамдор тарзда яратиш мумкин. Яна шуни эсда тутингки, гажак сочлар иложи борича ўз шаклини сақлаб қолиши учун тўй либоси, ёпқич ёки фата кабилар ёрдамида соч ва бадан орасини ажратиб туриш керак.