Стилист Дмитрий Сакурин
08.04.2020
Дмитрий Сакурин – макияж бўйича стилист, рассом ва сочлар бўйича мастер. Дмитрийнинг креслосида Асал Шодиева, Зарина Низомитдинова каби машҳур шахслар бўлиб ўтганлар. Дмитрий Гоар Аветисян билан ёнма-ён ишлашга муваффақ бўлган. Бизнинг блогимизга берган интервьюсида у лаб бўёғининг аҳамияти, табассумлар ва севимли таоми ҳақида ҳикоя қилиб берди.
Стилист бўлиб ишлашни нимадан бошлаганлигингиз ҳақида сўзлаб берсангиз?
Ҳаммаси тахминан 8 йил аввал бошланган. Модел бўлиб ишлаган вақтимда, мен бир куни суратга тушириш жараёнлари бошланмасдан туриб ўзимга мустақил равишда гримм қилиб олганман. Шунда менга модел қизлар уларнинг образларини яратишда ёрдам сўраб мурожаат эта бошладилар, ва мен бепул макияж ва соч турмаклари қила бошладим. Ҳаммаси шундан бошланган, ва ўша вақтдан бошлаб шу иш билан шуғулланиб келмоқдаман.
Касбингизда сизга айниқса нима кўпроқ ёқади?
Гўзаллик яратиш, ташқи қиёфани мукаммаллаштириш жуда ёқимли деб ўйлайман. Ҳақиқий мамнунликни мен қиёфанинг ўзгариш жараёнидан оламан.
Сиз нима деб ўйлайсиз, нима учун одамлар ўз ташқи қиёфаларини сизга ишониб топширадилар?
Мен билан узвий ишлаганлар менинг ҳеч қачон ялтоқланмаслигимни биладилар. Ўйлайманки, муваффақиятларимнинг сири – менинг самимийлигимда. Мен инсонни кўкларга кўтаришга ёки танқид қилишга уринмайман, мен холисона хулосалар қиламан, истакларни тинглайман ва ўз ишимни бажараман холос.
Машҳур шахслар билан ишлашнинг сири нимада?
Бунинг ҳеч қандай сири йўқ. Асосийси - мижозлар билан рўйрост ишлаш керак. Аёлларнинг ҳаммаси ҳам бир нарсани – гўзал бўлишни истайдилар. Ва бунда стилистнинг бурчи - ҳар бир аёлни, унинг машхурлигидан қатъий назар, янада гўзал қилиб қўйишдан иборат.
Сиз ўз ташқи кўринишингизни қандай сақлайсиз?
Спорт билан шуғулланаман ва ўзимнинг диетолог-мураббийим томонидан тузиб берилган жадвал бўйича ишлайман. Ким нима деса десину, лекин инсоннинг овқатланиш рациони унинг ташқи қиёфасида билиниб туради. Кичикроқ порцияларда овқатланишга ҳаракат қиламан, лекин кўпинча бунинг иложи бўлмай қолади.
Нимадан ҳеч қачон воз кечмаган бўлар эдингиз?
Ўйлайманки, агар менга қаҳва, аччиқ шоколад ёки денгиз маҳсулотларини таклиф этишса, мен “йўқ” дея олмасам керак. Буларнинг ҳаммаси менинг заиф томонларим! Мен яна кўпроқ сув ичишга ҳаракат қиламан, уни ҳеч қачон рад этмайман – бу айниқса тери учун жуда фойдали.
Ўз қиёфангизни қандай қилиб шакллантирасиз?
Ҳаммаси менинг кайфиятимга боғлиқ. Эпатажлик даражасига қараб, бирорта ноодатий нарса кийиб олишим мумкин. Асосийси инсон ўзига мутаассибликларсиз қараш керак – баъзида «ҳазиллашиш», баъзан эса қиёфага бироз «драма» қўшиб қўйса ҳам бўлади. Ўз кайфиятини тинглаш ва синаб кўриш керак.
Нима деб ўйлайсиз, одатий кундалик ҳаётда аёл образини нима «қутқара» олади?
Туш ва лаб учун ялтироқ ҳақли равишда мутлақ асосий ёрдамчилар саналади – уларсиз шунчаки уйдан чиқиш тақиқланган! Ва энг асосийси – аёл табассуми.
Ўзига қарайдиган аёл ўзи билан нималар олиб юриши лозим?
Нам салфеткалар, термал сув, тус берувчи восита, лаб учун бўёқ (ялтироқ), бир жуфт запас чулкилар – мана шундай «аёллар тўпламини» олиб юрсалар кифоя. Қарабсизки - бутун дунё унинг қўлида!
Нима деб ўйлайсиз, қандай тренд ушбу кузнинг оммабоплик чўққисида бўлади?
Smokey-eyes ҳар доим модада. Бироқ мен тус бергичлар палеткаси билан тажриба ўтказиб кўришни тавсия этган бўлар эдим. Масалан, тилла заррачали бинафша-сиёҳ ранг ёки сарғиш-жигар рангли гаммалардан фойдаланиш мумкин.
Сизнинг назарингизда нима ҳеч қачон модадан чиқмайди?
Албатта чиройли лаб бўёғи. Асосийси – ўзининг “тўғри” қизил рангини топиш керак. Шунингдек порлаб турувчи, милтираб турувчи, лекин ялтирамайдиган тери ҳар доим ёқимли кўринади.
Дунё стилистлари ичида сиз ёқтирган фаворитларингиз борми?
Шундайлар бор. Мен уларнинг ишини кузатиб бораман, кимларнидир шахсан биламан. Лекин уларнинг ичида менга кўпроқ ёқадигани бу - Джеймс Калиардос. Мазкур стилист Анжелина Жоли и Линда Евангелиста каби машҳур юлдузлар билан ишлайди, ва назаримда иккала аёл чиндан ҳам гўзал кўринади.
Бизнинг ўқувчи аёлларимизга қандай тилаклар билдирган бўлар эдингиз?
Мода тенденциялари, трендлари, брендлари ортидан қувиб, ялтироқ нашрлар эталонларига мос келиш пайида юрган кўпгина аёллар, уларнинг нусхаларига айланиб олиб, ўзларини йўқотиб қўядилар. Барча ўқувчиларга менинг тилагим – ўзингизнинг мафтункорлигингизни ва ўз МЕНингизни сақлаб қолинг.
https://www.instagram.com/dmitriysakurin/
https://www.facebook.com/mandarin.sakurin