VICHY Лабораторияси: 85 йилик экспертиза
17.02.2019
Франциянинг марказида, Auvergne [Овернь] вулқонли ҳудуд атрофида Виши шаҳри жойлашган –табиий ресурсларга бой замин. Виши шаҳри ер ости иссиқ булоқлари, Франциянинг марказий қисмида жойлашганлиги билан қадимий Рим давридан бери машҳур. “Термализм” атамасининг илк қўлланилган манбаларидан бири (иссиқ булоқ суви билан даволаш) эрамиздан аввалги 52 йилларга тегишли. Навбатдаги урушдан қайтаётган пайти, рим легионлари серсув дарё қирғоғидаги лагерни йўқ қилишди. Римликлар пайқашдики, иссиқ булоқ суви терапевтик хусусиятга эга ва кўпгина касалликлардан қутулишга ёрдам беради. Шифобахш хусусиятларга эга бўлган иссиқ сувли булоқлардан бири – Lucas 17 асрдаёқ шифокорлар даврасида тан олинган эди. Айнан у 85 йил олдин VICHY бренди яратувчиларини косметикада термал сувидан фойдаланишга ундади.
VICHY маркаси тарихи 1931 йилдан бошланади, Виши шаҳрида “Parfums Grenoville” парфюмер компанияси етакчи менежери Жорж Герен ва VICHY термал жамияти бошқарувчиси доктор Проспер Аллер учрашиб қолишди. Провинцияга Герен оёқ кафтидаги анчадан бери тикланмаган яранинг тузалмаётгани учун доктор Аллернинг Lucas булоғидан ярани термал сув билан ювишни маслаҳат бергани сабабли келди. Даволаш барча кутган эффектни берди, яра барчани ҳайратга солган ҳолда тезда битди. Гўзаллик дунёсида тажрибали бўлган уддабурон Геренда ажойиб ғоя туғилди: нима учун косметикада термал сувидан фойдаланмаслик керак?
ТАБИАТ КУЧИ ВА ИЛМИЙ ЁНДАШУВ БИРЛАШГАНДА
Тери турларини классификация қилишни таклиф қилган доктор Аллер ҳар бир тери тури учун ажойиб парваришлаш формуласини яратди. Машҳур “Секрет Виши” (Secret de VICHY) мана шундай пайдо бўлди – таркибида шифобахш термал суви бўлган қуруқ, ўта қуруқ ва ёғли юз терилари учун 8 восита.
Бу воситаларга энг илғор технологиялардан фойдаланган ҳолда ишлов берилган ва қатъий сифат назорати остида ишлаб чиқарилган. Ҳар хил терининг турлича парваришга муҳтожлиги ва истеъмолчиларнинг нимани хоҳлашини билишга интилиш илмий ёндашув ва хулосалар бу вақтгача ҳақиқий революция эди.
Бу жиҳатлар марка фалсафасига айлангач, айнан улар кўп томондан марканинг авваламбор Францияда, сўнгра бутун дунёда машҳур бўлишини таъминлади.
Аёллар ўзларининг индивидуал хусусиятлари ва эҳтиёжларига бўлган бундай нозик эътиборни муносиб баҳолашди. “Булоқ олдидаги аёл” ҳайкали узоқ йиллардан бери бренднинг рамзи бўлиб, у машҳур ҳайкалтарош Камю томонидан мармардан ишланган.
ҲАР БИР АЁЛГА ИНДИВИДУАЛ ЁНДАШУВ
VICHY нинг мақсади - бренд маҳсулотлари туфайли ташқи (масалан, ифлосланган ҳаво, қаттиқ сув ва совуқ ҳаво) ва ички (масалан, жинсий балоғат даври, ҳомиладорлик пайти ва менопауза даври) омиллар, шунингдек, турмуш тарзи хусусиятларидан қатъий назар, ҳар бир аёл терисининг парваришланган ва соғлом ҳамда узоқ вақт ёш кўринишда бўлишини таъминлашдан иборатдир.
Дерматолог, гинеколок ва диетологлар билан мунтазам ҳамкорлик туфайли VICHY лабораториялари аёллар ҳаётидаги ҳар бир босқичда терининг индивидуал эҳтиёжларини тушуниш учун зарур бўлган ноёб билимлар жамланмасига эга.
VICHY дерматокосметикаси муаммоларни юзаки тўғирламайди, балки уларнинг пайдо бўлиш сабабларини ҳисобга олиб, тери қиёфасини самарали ва хавфсиз равишда бутунлай ўзгартира олади, ҳаттоки энг таъсирчанларини ҳам.
БАРЧА НАРСАДА МУКАММАЛЛИК
VICHY фаол косметикаларининг асосий компонентлари – бу молекуляр биокимё, биотехнология ва бошқа кўплаб теридаги ўзгарувчан жараёнлар билан боғлиқ илмий соҳалардаги янги илмий ишланмалардир. Булар ҳам табиий, ҳам синтетик юқори таъсирга эга компонентлар бўлиб, улар тери ҳужайраларининг функционал фаоллигига таъсир кўрсата олади.
Тайёр маҳсулотнинг самарадорлигини тасдиқлаш учун VICHY экспертлари 50 хил турли методикалар қўлланган тестлар тўғрисида протокол тузишади. Кейин энг сўнгги инновацион илмий методларни қўллаган ҳолда маҳсулотнинг клиник синовини ўтказишади, масалан, тери биомаркерлари учун муҳим бўлган протеомик тадқиқотлар.
Пайдо бўлган вақтидан бошлаб, VICHY бренди ўз воситаларининг сифати ва хавфсизлиги билан ажралиб туради. VICHY минераллаштирувчи термал суви сингари барча воситалар кўпгина мезонлар бўйича пухта назоратдан ўтади, бу эса уларнинг ҳаттоки энг таъсирчан терилар учун юқори хавфсизликка эгалигини таъминлайди. Ҳар бир фаол компонент ва янги косметик восита лаборатория шароитида (in vitro), кейин клиник шароитда (in vivo) тестлардан ўтказилади.
Тайёр маҳсулот тизимли равишда эталон формула билан таққосланади, бу орқали эса у ташқи кўриниши, ранги ва ҳиди билан VICHY маркаси талабларига жавоб беришига ишонч ҳосил қилинади. Текстура сифати микроскоп остида текширилади, формуланинг мустаҳкамлиги махсус центрифугани қўллаш орқали тест қилинади. VICHY хавфсизлигининг қатъий қоидалари ўрам ва функционал назоратни баҳолашни ҳам ўз ичига олади.
Бундай қатъий назорат туфайли VICHY нинг асосий принципи, яъни 100 % лик хавфсизликни кузатишга эришилади. Бу аллергик реакцияларнинг келиб чиқиши хавфини минимум даражага келтиришга ёрдам беради. Шунингдек, VICHY лабораториялари мутахассислари воситаларнинг текстурасига катта эътибор қаратади. Улар терининг турли эҳтиёжларига мослашган бўлиши, қўллашда ёқимли бўлиши ва максимал самарадорликни намойиш этиши керак.
Барча формулалар дерматологлар назорати остида энг камида 100 нафар кўнгиллилар иштирокида ташқи ва ички омилларнинг ўзаро таъсири шароитида тестдан ўтказилади. Мақсад – ҳаттоки таъсирчан терилар учун ҳам гипоаллергенликни кафолатлашдир.
Манба : www.vichyconsult.ru
Соғлом ва гўзал бўлинг!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.