Пардоз учун 10та асосий чўтка ва анжомлар
17.04.2018
Кўпинча пардоз учун чўтка харид қилаётганда, улар қайси турдаги косметика учун мўлжалланганини ва улардан қандай тўғри фойдаланиш кераклигини билавермаймиз. Тушунган ҳолда харидларни амалга оширишингиз учун қандай қилиб анжомларни тўғри танлаш ва уларнинг ҳар бири пардознинг қайси босқичида зарур бўлиши ҳақидаги ушбу мақолани тайёрладик.
Дўкондаги пардоз учун мўлжалланган чўтка ва анжомларнинг кўпчилиги профессионал визажистларга мос келади, биз, яъни оддий гўзаллик шайдолари учун эса анча оддийроқ, соддароқ воситалар зарур. Аммо бетакрор пардозни яратиш учун зарур бўлган жуда қулай ва чидамли бир қанча чўткалар мавжуд. Уларни қандай қўллаш кераклигини тушунишингиз учун биз визажистдан 10та асосий инструментларни танлаб, уларни қандай ишлатиш ҳақида батафсил маълумот беришини сўрадик.
Дуофибра катта чўткаси
Тонал асос ёки хайлайтерни суриш учун ўта зарур must-have восита – бу Foundation Make Up Pinsel чўткасидир. Кўп вазифали ва чидамли, у ҳар қандай воситани терига текис суради. Жун таркибининг ярми табиий, унинг қолган ярми синтетик бўлгани туфайли чўтка суртилаётган воситани ўзига жуда кўп шимиб олмайди. У билан румяна, хайлайтер ёки упани чиройли ва текис суриш мумкин. Барчага мос келади. Пардоз учун яхши, қиммат бўлмаган намуна сифатида Foundation Make Up Pinsel LCN чўткасини кўрсатиш мумкин.
Дуофибра ўртача чўткаси
Ўртача ҳажмдаги чўтканинг қўлланилиши худди катта ҳажмлилиги билан деярли бир хил, аммо воситани суртиш майдони бироз кичикроқ бўлгани туфайли чўтка пардознинг майда қўшимча ишларини бажаришга жуда мос келади. Агар майда камчиликларни беркитиш ёки консилерни кўз остига суртиш керак бўлса, ушбу чўтка энг яхши ёрдамчига айланади.
Қошлар учун эгилган чўтка
Classic brush angled, synthetic fibres эгилган чўткаси – исталган текстурадаги воситалар билан қошларни бўяшга жуда мос келади, масалан, қошлар учун мўлжалланган бўёқ ёки теньларни суриш мумкин. Табиий жунли чўтка синтетикалиси билан солиштирганда, унчалик ҳам бўйсунувчан бўлмайди. Ўзингиз учун мос келадиган кенгликдаги чўткани танланг ва қалин қошларни бўяб, тушьланг ёки текис чизиқ ҳосил қилинг. NYX дан Pro Brush Dual Brow чўткаси сиз учун ҳақиқий топилмага айланади!
Smoky eyes учун чўтка
Бизнинг энг севимли чўткаларимиздан бири – бу Classic Eyeshadow brush large round, dark sable hair чўткасидир. Унинг ёрдамида исталган тўқлик ва мураккабликдаги смоки-айз услубини ҳосил қилиш мумкин. У алмаштириб бўлмас ёрдамчи! Ҳатто агар сиз нопрофессионал визажист бўлсангиз ҳам, бу мўъжизакор восита ҳаммасини сиз учун ўзи бажаради. Чиройли бўяйди, тень ёки бўёқлар қатламини ҳосил қилади, қуруқ ва кремли текстураларни бирдек эплай олади. Ушбу кичкинтой восита туфайли смоки мукаммал ҳолатга келади.
Консилер ва тонал асос учун спонж
Beauty Blender спонжлари – текис, кам сезиларли рангни ҳосил қилиш учун ажойиб анжом. Улар тонал асос енгил ва текис ёйилиши, тешикчаларни беркитиши учун яратилган. Beauty Blender ни қўллаётганда, артувчан эмас, балки секин-секин урган ҳаракатлар билан суртиш керак. Beauty Blender спонжи нинг оч яшил рангини консилерни пастки қовоққа, кўзларнинг ички учига ва бурун-лаб қисмига суртиш учун қўллайман.
Гелли ва суюқ сурма (подводка)ларни суртиш учун чўткача
Ҳар бир косметичкада гелли ва суюқ подводкаларни суриш учун чўтка бўлиши керак. Бундай ишнинг ярим муваффақияти, текис ва тўғри чизиқчаларнинг ҳосил бўлиши тўғри танланган анжомга боғлиқ. Бунда энг муҳими – тежамкорлик қилмаслик.
Упа учун чўтка
PROFESSIONAL Fan brush fine synthetic fibres кенг асосли чўткаси елпиғичга ўхшайди, упа суриш учун жуда мос келади. У жуда енгил ва юпқа қатлам ҳосил қилади. Шунингдек, ушбу чўткани визажистлар тана учун ҳам қўллашади – кўкрак ўртасининг юқори қисми ёки бўйинга упа уриш учун ўта қулай.
Тўғри пинцет
Мен ҳар қандай пардозни мукаммал равишда тўғирланган қошлардан бошлайман. Шунинг учун косметичкамдаги биринчи анжом – бу қошлар учун пинцетдир. Пинцетларнинг жуда яхши вариантлари - CC Brow и Vivienne Sabo дир. Агар сиз уларни асраб, зарар етказмасликка ҳаракат қилсангиз, улар сизга умрбод хизмат қилади.
Қошлар учун брашинг (айлана чўткалар)
Чўтка қошларингизни идеал шакл беради. У қошлар учун парвариш воситаси сифатида ҳам, якунловчи босқич – укладка ва шаклни мустаҳкамлаш учун ҳам асқотади.
Керлер
Керлер — бу киприкларни қайириш учун қисқичлардир. Агар сизга “очиқ нигоҳлар” эффекти керак бўлса, керлерсиз бунинг иложи йўқ. Яхшиси, тезда профессионал анжомга эга бўлиш, масалан NYX дан Eye Lash Curler га.
Хотима ўрнида...
Қўллар – визажистлар учун энг муҳим анжомлардан бири. Тоза, дезинфекцияланган бармоқлар ҳар қандай кремли текстура учун энг яхши инструмент ҳисобланади. Билакларнинг орқа томони эса қулай палитрадир, унда тонал асосни намлантирувчи крем билан аралаштириш ёки лаб бўёқларини уйғунлаштириш мумкин.
Косметичкангизда ҳар доим дезинфекцияланган воситалар, масалан, қўл ва шунингдек, чўткалар учун мос келадиган салфетка ёки спрейлар бўлиши шарт. Уларни ҳар сафар косметика воситаларини қўллаш олдидан ишлатишни унутманг, чўтка ва спонжларни эса ҳар қўллашдан сўнг ювиб олинг.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.
