Makeup жамоасининг Янги йил табриги
31.12.2017
Қадрли юртдошлар! Мана яна бир йилимиз тарих зарварақларига муҳрланди. Ҳар бир йилни кузатар эканмиз, албатта, сарҳисоб қиламиз, нималарни қилдигу, нималарга улгурмадик...
2017 йил “Халқ билан мулоқот ва инсон манфаатлари йили” да юртимизда барча соҳаларда катта ўзгаришлар рўй берди. Янги қурилаётган бинолар шаҳримиз кўркига кўрк бериб турибди. Халқимиз учун қурилаётган арзон уй - жойлар эса юртдошларимизнинг неча йиллик орзуларини рўёбга чиқарди.
Дунё бизни Озод ва Обод Ватан, жаннатмакон юрт сифатида тан олди. Хорижлик меҳмонлар учун туризмни ривожлантириш, Ўзбекистоннинг тарихий обидалари билан яқиндан таништириш, “Тошкент Сити” нинг яратилиши, ҳамма – ҳаммаси ўзбек халқининг нималарга қодир эканлигини кўрсатишга қаратилган ишлардир.
Янги йилимиз Президентимиз Ш. Мирзиёев томонидан “Фаол тадбиркорлик, инновацион ғоялар ва технологияларни қўллаб – қувватлаш йили” деб эълон қилинди. Халқнинг фаровонлигини ошириш, уларга иш ўринларини яратишда юртимиз тадбиркорларининг ҳиссаси катта, дея таъкидлади юртбошимиз. Шу боис ҳам тадбиркорлик борасида бу йилимиз барчадан сидқидилдан меҳнат қилишни талаб қилади.
Қадрли юртдошлар! Ватанимиз равнақига, халқимизнинг эҳтиёжини қондиришда ўзининг кичик бўлса-да, ҳиссасини қўшиб келаётган Makeup жамоаси Сизларни кириб келган Янги йил билан самимий муборакбод этади! Янги йил уйингизга хотиржамлик, дастурхонингизга барака олиб келсин. Гуллаб – яшнаётган юртимизга кўз тегмасин! Шу юрт фарзанди эканмиз, уни кўз қорачиғидек асраб – авайлайлик! Кириб келган Янги йил – қадаминг қутлуғ бўлсин!
Makeup.uz командаси – доимо сиз билан бирга! Яхши кунларни бирга кутиб оламиз