Макияжни ўз вақтида ўчирмаслик натижасида 80 % эҳтимол билан юзага келадиган 8 ҳодиса
11.10.2017
Барчага маълум, юзда макияж билан ухлаш тери учун ўта зарарли. Аммо ҳамма ҳам у қандай оқибатларга олиб келиши мумкинлиги ҳақида ўйлаб кўрмайди. Бугун биз улар ҳақида сўз юритамиз.
Яллиғланиш ва ҳуснбузарлар пайдо бўлади
Ҳар куни терида чанг, кир ва зарарли газларнинг бир қисми қолиб кетади. Макияж қолдиқлари ва тери ажратиб чиқарадиган ёғ қўшилиши натижасида тешиклар ёпилиб қолади, бу эса яллиғланишни юзага келтиради.
Аксарият тонал воситалар таркибида ёғ бўлади, унинг терига узоқ вақт таъсири тешикларнинг ёпилиб қолишига олиб келиши мумкин. Тун – мана шундай қалин текстуралардан дам олиш учун жуда қулай вақт. Макияжни тунда ҳам юзингизда қолдириб, сиз ўз юзингизни дам олишдан маҳрум этасиз.
Тери қуруқ бўлиб қолади
Агар сиз мунтазам макияжни ўчирмасликда давом этсангиз, тез орада тери жадал равишда ўз намлигини йўқотаётганини сеза бошлайсиз. Уйқу олдидан суриладиган намлантирувчи воситалар терининг тикланишига ёрдам беради, макияж қолдиқлари эса уларнинг сингишига қарши тўсиқ яратади. Тери ўз мувозанати ва соғломлигини тиклашга ҳаракат қилади, аммо озиқлантирувчи моддаларнинг йўқлиги сабабли ҳақиқий сувсизлик юзага келиши мумкин.
Лабларнинг усти кўчиб бошлайди, атрофида эса қора нуқталар пайдо бўлади
Каравотга бўялган лаблар билан ётиш – жуда номақбул ғоя, айниқса, агар у барқарор ялтирамайдиган лаб бўёғи бўлса. Бундай воситалар лабларни жуда қуритиб юборади, шунинг учун уйқу олдидан лаб бўёғи қолдиқларини ўчириш ва намлантирувчи бальзам суриш жуда муҳим.
Агар сиз ёғли лаб бўёқларидан фойдалансангиз, унинг таркиби узоқ таъсир натижасида лаб атрофидаги нозик тери тешикларини ёпиб қўйишини эътиборга олинг. Шунинг учун бу қисмда қора нуқталар жуда тез пайдо бўлиши мумкин.
Кўз атрофидаги тери янада ёмонроқ кўринади
Биринчидан, эрталаб ойнага қараганда, “панда кўзлар”, яъни сурилиб кетган тенлар ва тушни кўрсангиз керак, бу ҳеч кимни гўзал кўрсатмайди, албатта. Иккинчидан, озуқа ва намликнинг йўқлигидан ҳаммасидан кўпроқ юзнинг энг таъсирчан қисми – кўз атрофидаги тери зарар кўради. Ажинлар янада кўпроқ сезила бошлайди, шу билан бирга, янги ажинлар ҳам ўзини кўп куттирмайди.
Терининг эрта қариши бошланади
Агар юзда косметика билан ухлаш сизга одатга айланиб қолган бўлса, унда тери қаришининг тезлашишига, юз ранги хира бўла бошлашига тайёр туринг. Гап шундаки, тери тешиклари тунда фаоллашади, макияж эса бу жараёнга халақит беради.
Бундан ташқари, тунда юзда қолдирилган қалин тонал текстуралар ва упалар терини намликдан маҳрум этиб, уни қуритиб юборади, бу эса ажинларнинг юзага келишига олиб келади. Айниқса, шундоқ ҳам қуруқлашишга мойил бўлган ёши катта аёлларнинг териси учун бу жуда зарарлидир.
Киприклар сийрак бўлиб қолади
Кечаси кўзда қолдирилган тушь секин-аста киприкларни қурита бошлайди ва вақт ўтиши билан улар янада сийрак бўлиб қолади. Агар макияжни ўчиришга эътиборсизлик билан қаралса, киприклар синишни бошлаши ва ҳаттоки тушиши мумкин. 5 дақиқалик ортиқча уйқу учун жуда катта тўлов, шундай эмасми?
Уйқу ёмонлашади
Кўпгина аёллар макияжни ўчиришга улгурмаган кунлари анча ёмон ухлаганларини сезишган. Эҳтимол, бу ўзингизни уйқу олдидан амалга ошириладиган парваришдан маҳрум қилганингизга боғлиқдир. Бошқа салбий ҳиссиётлар каби бу ҳам сизни уйқу вақтида безовталанишга мажбур қилса керак. Шу билан бирга, бу қаторга юзда макияж билан ухлаганда сиз ҳис қиладиган ноқулайлик ва тўшагингизни кир қилиб қўйишдан безовталикни қўшиш мумкин.
Кўзга инфекция тушиш хавфи ортади
Тунда юзда қолдирилган қовоқ учун мўлжалланган тенларнинг озгина қолдиғи, подводка ва киприк учун тушь осонлик билан сизда нафақат қичишиш ва қизаришни, балки кўз инфекциясини ҳам чақириши мумкин. Шунинг учун кўздан энг майда қолдиқларни ҳам яхшилаб ўчириш жуда муҳим. Ўзимизни ва ўз саломатлигимизни синов остида қолдиришдан нима фойда?
Манба: https://www.adme.ru/svoboda-sdelaj-sam/8-veschej-kotorye-proishodyat-s-kozhej-esli-ne-snimat-makiyazh-1588965/ © AdMe.ru
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.
