Хар битта қизни ильҳомлантирадиган гўзаллик ва мода ҳақида топ 5та фильм!
22.08.2017
Мода – бир вақтнинг ўзида ҳам абадий, ҳам ўткинчи бўлади. Муайян ташқи кўриниш, турмуш тарзи, ҳеч қаерда ёзилмаган исталган ўзни тутиш қоидаси аниқ вақтга боғлиқ равишда ўзгариб боради, лекин мода ҳар доим ўз–ўзидан мавжуд бўлаверган.
Мода саноатига алоқадор бўлган кўплаб фильмлар орасида энг қизиқарли тўла метражли фильмлар ҳақида сизларга сўзлаб берамиз. Уларни, албатта, кўринг!
5. «Тиффаниникида нонушта», 1961
(«Breakfast at Tiffany’s»)
Фильмнинг Труман Капоте қаламига мансуб худди шу номдаги романи асосида экранлаштирилганини эслатмасликнинг иложи йўқ. Энг бетакрор гўзаллик соҳибаси Одри Хепберн ижро этган – Холли ролидаги ўзига бой турмуш ўртоқ қидирувчи самимий қиз фильмнинг биринчи дақиқаларидаёқ ўзига мафтун этади. Кўпчилик бу фильмнинг қандай қилиб бизнинг ушбу рўйхатимиздан ўрин олганини тушунмаётган бўлса, айтиш керакки, “бу шунчаки мода энциклопедияси” дир. Фильмни яна бир бор томоша қилиб кўринг! Назокат ва стильнинг яққол намунаси Холли Голайтли буни ҳаммасидан яхшироқ исботлаб турибди.
4. «Кристиан Диор: афсонавий инсон», 2005
(«Christian Dior. The Man behind the myth»)
Фильм номи унинг нима ҳақидалигини кўрсатиб турибди. Баъзан инсонни тушуниш учун унинг ўтмишига назар ташлаб кўриш керак. Буюк Кристиан Диор ҳақидаги ҳужжатли фильм бу инсоннинг қандай қилиб юксак мода оламидаги машҳур шахсга айлангани тўғрисида билишга ёрдам беради.
3. «Шайтон Prada либосида», 2006
(«The Devil wears Prada»)
Таништириб ўтиришнинг ҳожати йўқ бўлган кино – бундай катта машҳурликни у сотувга чиқарилган пайтдаёқ қўлга киритди. Шаҳардан чеккада яшовчи журналист Андреа Нью-Йоркка келади ва тақдир тақозоси билан образи Анна Винтур (1988 йилдан энг асосий мода-нашри – Vogue нинг бетакрор муҳаррири) дан олинган, ялтироқ қоғозли журналнинг қайсар муҳарририга ёрдамчи лавозимига ишга олинади. Дунёнинг энг урфдаги нашрини чиқариш жараёнлари кўз олдимизда намоён.
2. «Ажойиб гўзал», 1957
(«Funny face»)
Стиль иконаси Одри Хёпберн ижросидаги томоша қилиш учун енгил мусиқали комедия асосан китоб дўконида ишловчи оддий қизнинг қандай қилиб юксак мода оламини эгаллашга уриниши ҳақида. Йўлида ялтироқ қоғозли журналнинг муҳаррири ва фотографини кўриб қолган Джонна катта шаҳар томон ўз бахтини синаш учун йўл олади ва ҳақиқий сенсацияга айланади.
1. «Chanelгача Коко», 2009
(«Coco before Chanel»)
Chanel — машҳур француз мода уйи бўлиб, унинг асосчисини, шубҳасиз, ҳамма яхши билади. Афсонавий аёл, замонавий модани ўрнатган Коко Шанель шундай нарсалар яратганки, улар ҳақида ҳар бир қиз орзу қилади – кичик қора либос, клатч-сумка, қоматга мос жакет. Фильм режиссёри Анн Фонтен бош ролдаги бетакрор Одри Тоту билан биргаликда ХХ асрдаги энг сирли аёлнинг ҳаёти ва унинг қандай қилиб бутун дунёга машҳур бўлгани ҳақида ҳикоя қилади. “Харобаликдан дабдабага” – шундай мавзудаги ҳикоялардан фақатгина ҳайратга тушиш мумкин.
Манба: https://timeforwoman.ru/vt/wts/top-17-filmov-o-mode.html
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.
