Икки соат ичида қандай қилиб ўзни тартибга келтириш мумкин?
02.08.2017
Шундай кунлар бўладики, тайёргарлик учун умуман вақт қолмайди – тасодифий учрашув, кутилмаган кўришиш ёки орзуйингиздаги кутилмаган кеча... Аммо ҳар бир қиз ҳамиша тўлиқ тайёр кўринишда бўлишни хоҳлайди ва бунинг иложи бор. Бир неча соат ичида Сизнинг бошқалардан ёрқинроқ бўлиб порлаб туришингизни таъминлайдиган ва тайёргарликни осонлаштирадиган бир қанча сирли усулларни кўриб чиқамиз.
Тери дам олган кўринишда бўлиши керак – ахир айнан юзнинг бир текис ранги ва пушти ёноқлар бизнинг асосий таянчимиздир. Агар кечаси 8 соат ухламаган бўлсангиз-у, кўз остида эса “хиёнаткор” кўкаришлар ёки шишлар пайдо бўлса, тўғри ваннахона киринг.
Терини юмшатувчи ва сизга нафис ифор бағишловчи ароматик шарлар ёки эфир мойлари қўшилган тузлар билан бўшаштирувчи ванна қабул қилинг. Агар бунга вақтингиз бўлмаса, иссиқ ва совуқ душ қабул қилинг. Бу танани, руҳиятни тетиклантиради ва қувватни кўпайтиради.
Қотиб қолган тери тешикларини тозалаш ҳамда уни юмшоқ ва текис ҳолатга келтириш учун юз ва танага мўлжалланган скрабдан фойдаланинг. Юз учун Garnier дан кўмирли GSN Чистая Кожа Актив (Фаол тоза тери) скраби, тана учун эса Natura Siberica дан чаканда-асалли скраб мос келади.
Тери юмшоқ, тешикчалар эса очилган, энди ниқобларга вақт келди, қанча тезроқ бўлса, шунча яхши. Кўзлар учун ёпиштирмалардан фойдаланинг – улар нигоҳларингизнинг саноқли дақиқаларда порлашига сабаб бўлади. Агар бундай воситалар ёнингизда бўлмаса, бу муаммо эмас. Кўзларингизга бир неча дақиқа вақт давомида илиқ чой пакетчаларини қўйинг. Терини Garnier дан матоли ниқоблар аъло даражада юмшатади.
Ташқи тарафдан тетикланиб олгач, организмни ички тарафдан ҳаракатга келтириш керак. Бунинг учун аввалига бир стакан лимонли сув, мевали шарбат, катта кружкада иссиқ ширин чой ичинг ёки бир неча бўлак шоколад истеъмол қилинг. Ҳозир бизга тез сингадиган углеводлар керак, масалан бананлар таркибидаги углеводлар.
Енгил тамадди билан биргаликда таниш, “музлатилган” рецептлардан фойдаланиш мумкин – кўзларга бодрингнинг иккита думалоқ бўлаги ва юзга қирғичдан ўтказилган картошкани ишлатиш мумкин. Бунинг учун сизга 10 дақиқадан ортиқ вақт талаб қилинмайди. Ундан кейин барчасини ювиб ташлаб, макияждан олдин юз учун намлантирувчи крем суринг. Шунингдек, ташқи кўринишни тиклаш учун қисқа вақт талаб этадиган, аммо ажойиб фавқулодда услуб мавжуд: иссиқ қайнатилган картошка эзилади ва юзга 20 дақиқа қўйилади.
Қўллар ҳақида ҳам унутмаслик лозим: денгиз тузи ва лимонли шарбат томчилари қўшилган кичик ванна қўлларга нафислик бағишлайди, юмшатувчи крем эса қўлларни майин ҳолатга келтиради. Бунда Natura Siberica дан қўл учун чакандали крем аъло даражада мос келади. Агар маникюр учун вақт қолмаса, шаффоф рангли лакдан ёки силлиқлайдиган пилкадан фойдаланинг – бунда қўллар парвариш қилинган кўринишга келади.
Макияж қилаётганда, ортиқча ҳаракат қилишнинг ҳожати йўқ – бажарилган процедураларга қарамасдан, пардоздаги исталган камчилик бутун таассуротни бузиб қўйиши мумкин: ярим шаффоф тонал крем, кўз ости учун консилер, нейтрал лаблар, чизиқларга енгил урғу. Севимли атирларингиз орқали енгил ифор таратинг, уни ўмров суяги, қўлларнинг эгиладиган қисми, тизза остига суртинг ва сиз бетакрор кўринишга келасиз.
Либос танлашда иложи борича нейтрал рангларни қўллаган маъқул, чунки ёрқин ранглар кўзларнинг чарчоғини ёки ҳорғин юзни салбий жиҳатдан ажратиб кўрсатиши мумкин. Танловда, яхшиси, оч жигарранг, мовий, пушти ва кремли ранг турларида тўхтанг.
Энди бир неча соат ичида мукаммал қиёфа яратиш рецептини билиб олдингиз. Умид қиламизки, бизнинг мақоламиз сиз асқотади!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.