Полина Ненашева билан интервью
27.07.2017
Катта тажрибага эга визажист, ёш она ва макияж йўналиши бўйича бир қатор нуфузли мукофотларнинг соҳибаси Полина Ненашева бизнинг блогимизга берган эксклюзив интервьюсида аёллик латофатининг уч устуни, севимли туши ва оналик бахти ҳақида сўзлаб берди.
Қандай қилиб визажист бўлгансиз? Сизнинг меҳнат фаолиятингиз қандай бошланган?
Ўйлашимча, барчаси икки ёшимда холам мени аква-грим қилган вақтда бошланган. Уни мен жуда ёқтириб қолган эдим. Умуман олганда, косметика воситалари мен учун доим қизиқ бўлиб келган, ушбу воситалар орқали инсонларда намоён бўладиган “мўъжиза” га ҳамиша ишонганман. Мен доимо ўзимда ва яқинларимда уларни синаб кўрардим. Аммо бир куни синовларим мени машҳур пойтахт фотосуратчиларидан бирининг тасвирга олиш майдончасига етаклади. Ўша вақтда профессионал ривожланишга барча кучимни сарф этган эдим: Москвага ўқишга бордим, маҳорат мактаблари ва тренингларда иштирок этдим.
Ишингиз ва оналик вазифангизни қандай қилиб биргаликда бажарасиз?
Она бўлгач, барча чегаралар йўқолади ва амалга ошиши мумкин бўлмаган нарсалар умуман қолмайди. Менга фарзандимни тарбия қилишда онам ёрдам беради.
Қайси ютуқларингизни ўзингиз учун кўпроқ аҳамиятга эга, деб ҳисоблайсиз?
Макияж билан йигирма йилдан ортиқроқ вақт давомида бирга “яшаётганим” ни ва у билан ҳали “урф”га кирмасдан туриб, шуғуллана бошлаганимни омад, деб биламан. Менга бу, жамиятимиз тенденцияларига қарамасдан, доим қизиқ бўлиб келган. Шунингдек, меҳнатим орқали ўзимни намоён эта олишимни муваффақиятим, деб ҳисоблайман. Ишим туфайли Гоар Аветисян, Алёна Моисеева ва бошқа ўз ишининг усталари билан елкама-елка туриб ишлаш бахтига муяссар бўлганман. Ва албатта, 2016 йили тўй макияжини яратиш бўйича Ўзбекистон чемпиони бўлганимдан ғурурланаман.
Трендларга муносабатингиз қандай? Уларга доим эргашасизми?
Макияжни либос ва аксессуарлар билан биргаликда кенг оммалашган тўлдирувчилар қаторига киритиш мумкин. Ҳар бир таклиф долзарб ва қизиқарли бўлиши учун трендларни танлаш ва синаб кўрган ҳолда ўрганиб, оммага тарқатиш муҳим. Албатта, ҳозирда ҳеч ким 90-йиллар макияжи билан замонавий либос кийиб юришни хоҳламаса керак. Замонавий руҳда кийиниб туриб, йигирма йил олдинги макияжни қўллаш ғалати кўринса керак.
Макияжнинг қандай турларини ёқтирасиз?
Ўйлайманки, “севимли” макияж тури деб, менинг мижозларимга ярашадиганларини аташ мумкин. Албатта, мен исталган ғояни аёлларнинг юзига мослаштира оламан, аммо ҳамиша аёлларнинг юзида уларга ростан ҳам ярашадиган кўринишни ҳосил қилиш тарафдориман. Муҳими, қиёфа аёлга мос келиши ва ҳиссиётларга бой бўлиши керак.
Гўзалликнинг уч сири билан ўртоқлашсангиз.
Ҳаммаси оддий! Муҳаббат, соғлом уйқу ва тоза тери – аёл гўзаллигининг уч устуни.
Аёлни нима гўзал ҳолатга келтиради, деб ўйлайсиз?
Фикримча, аёлни унинг ички томонлама нур сочиши, жозибаси гўзаллаштиради.
Аёллар қайси косметик воситаларни четлаб ўтмасликлари керак?
Ҳеч бир аёл тонал асоссиз юра олмаслиги, шубҳасиз, у хоҳ ниқобловчи крем бўлсин, хоҳ SPF ли тонал.
Пардоз-андоз сумкангизда нима, албатта, бор?
Менинг пардоз сумкамни тушь, упа, корректор, макияж қилиш учун чўтка, қош учун қалам ва лаб учун блеск тарк этмайди. Улар билан кундалик пардозимни бажараман.
Агар сизда макияж учун 5 дақиқа вақт бўлса, нима қилган бўлардингиз?
Фарзандим дунёга келгач, шундоқ ҳам макияж учун беш дақиқадан ортиқ вақт қолмаяпти, аммо бу вақт мукаммал кундалик макияжни бажариш учун етарли.
Севимли косметика воситаларингиз ҳақида гапириб берсангиз.
Менинг алмаштириб бўлмайдиган севимли воситам бу - Maybelline New York дан Lash Sensational тушидир. Мен ундан нафақат ўз пардозимни амалга оширишда, балки ишим жараёнида ҳам фойдаланаман. Албатта, баъзан янада люкс маркаларга ўтишни ўйлаган пайтларим ҳам бўлган, аммо уларнинг аксарияти ушбу ёрдамчимдан ортда қолади. Айнан бу тушни эътироф этилган визажистларнинг пардоз сумкасида кўриш мен учун ёқимли кутилмаган янгилик бўлди.
Муштарийларимизга тилакларингиз.
Барча муштарийларга доимо ўзликни сақлашларини ва бу дунёга гўзаллик улашишларини тилайман.
Instagram:https://www.instagram.com/polina_nenasheva_makeup/
Facebook:https://www.facebook.com/polina.nenasheva.makeup/
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.