Учрашувга 10 дақиқада тайёр бўламиз
05.07.2017
Ҳойнаҳой, ҳар бир қиз ҳаётида бир марта бўлса ҳам, ортиқча дақиқа сарфламасдан, гўзал кўринишга эришиши керак бўлган фавқулодда ҳолатларга дуч келган бўлса керак. Масалан, муҳим учрашув белгиланди-ю, сизни бу ҳақда жуда кеч огоҳлантиришди. Айнан бу вазиятларда ушбу тавсиялар ёрдамга келади.
Агар сиз кутилмаганда юзингизда ҳуснбузар борлигини сезиб қолсангиз, ваҳима қилманг ва уни оғриқли усуллар билан йўқотишга шошманг. Кичик муз бўлакчасидан малҳам тайёрланг, у билан терингизнинг ўша қисмини совутинг, кейин исталган кўз томчиларидан фойдаланинг (бу воситалар томирларни торайтиради, демак, қизаришдан ҳам халос қилади). Ана энди кичик камчиликни тонал крем ёки упа ёрдамида енгилгина яшириш мумкин.
Совуқлик ва қуруқлик ўз кучини кўрсатади ва натижада, лабларингиз қуруқлашиб ёки ёрилиб кетади. Уларга вазелин ёки лаблар учун махсус бальзам суртинг, у сингиб кетгач, уқаланг – улар юмшоқ ва нафис ҳолатга келади. Уйдан чиқишдан олдин гигиеник лаб бўёғи ёки лаблар учун блескдан фойдаланинг.
Пардоз учун вақт етмаяптими?
Кўзларингизни янада ифодалироқ ҳолатга келтиринг, қора сурма ёки тўқ кўк қаламдан фойдаланинг – уларни юқори қовоқда чизиқ бўйлаб юргизинг, чизиқ узилмасин, аниқ, ингичка бўлсин. Бу кўзлар рангини ажратиб кўрсатади. Тушь билан ҳар киприкни бўяш учун тушь чўткасини 45 градусда буринг, бунда ҳаттоки кўзларнинг чеккалари ҳам бўялади, қарашларингиз эса жозибали кўринишга келади.
Албатта, яхшилаб бажарилган турмак билан ажралиб туришни хоҳлайсиз, аммо афсуски, бунга вақт умуман етмайди.
Фен, дазмол ёки плойка ҳақида унутинг ва кўпроқ фантазияни ишга солинг, шунда сизга турли аксессуарлар – чамбар, бир неча кичик қисқичлар ёрдамга келади, синаб кўринг! Агарда сизнинг сочларингизга ҳажм, софлик етишмаётган бўлса, фавқулодда чора сифатида фарқингизни янги томондан очишни синаб кўринг, ҳаттоки мавжуд чизиқдан узоқ бўлмаса ҳам. Бу усул яқин атрофда ҳеч қандай турмакловчи воситалар умуман бўлмаганда, анча яхши.
Қўлларингиз, ҳақиқатан, маникюрга муҳтож эканини сездингизми? Уларни лимон пўчоғи билан артинг, тери юмшоқроқ ҳолатга келади, севимли кремингизни уқалаш ҳаракатлари билан суртинг, тирноқларингизни пилка билан бироз текисланг ва рангсиз лак суринг. Чиройли, тўғрими?
Умид қиламизки, гўзал қиёфа яратиш учун берилган ушбу тавсияларнинг баъзилари ёки барчасини қўллаш сизнинг ҳар қандай вақтда жуда гўзал кўринишингизга ёрдам беради!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.
