Валерия Ахмедова билан интервью
01.08.2020
Валерия Аҳмедова — визажист, Valerie тахаллуси билан машҳур. У Babor номли таниқли косметика бренди билан ҳамкорлик қилиб келади, чин гўзалликка ишонади ва трендлар мавзусида қизиқарли мулоҳаза юритади. Валерия Makeup.uz билан бўлган эксклюзив интервьюда ўзининг сирлари билан ўртоқлашди.
Иш тажрибангиз ва қандай қилиб ўз ишингизнинг устаси бўлиб етишганингиз ҳақида гапириб берсангиз. Барчаси қандай ва қачон бошланди?
Менинг визажист бўлиб етишишга қадар йўлим анча олдин, профессионал модель сифатида ишлаб, турли мода намойишларида қатнашиб, хорижий журналлар учун суратга тушган пайтларимдан бошланган. Мен учун бизни бир зумда тартибга келтириб қўядиган қўлларнинг сеҳрли ҳаракати доимо қизиқ туюлган. Ўша пайтда менда визажист бўлиш орзуси пайдо бўлган.
Professional Beauty Awards Uzbekistan 2016 танловидаги иштирокингиз ва ғалабангиз тўғрисида сўзлаб берсангиз.
2016 йилнинг ноябрь ойида мени Tashkent Fashion Week да иштирок этишга таклиф қилишди. Бу лойиҳа устида катта визажистлар гуруҳи ишлаган. Роппа-роса 7 кун эрталабдан кечгача ҳар бир намойишдан сўнг моделларнинг образини ўзгартириш устида ишладик. TFW нинг биринчи кунида ташкилотчилар биз мастерлар учун танлов эълон қилишди. Танловнинг шартлари шундан иборат эдики, ҳар бир визажист подиум учун 4та қиёфа тайёрлаши керак, уларнинг ҳар бирининг фотосуратларини ташкилотчиларга жўнатиш керак эди. Танлов модалар ҳафталигининг якунигача давом этди.
Тўғрисини айтганда, мен барча ишларимни чин юракдан бажарган эдим ва биринчи ўринни олишимни кутмаган эдим. Мен билан бир қаторда кўпгина профессионал, катта тажрибага эга визажистлар ҳам беллашаётган эди. Фамилиям эълон қилинганда, мен сўзсиз, гангиб қолдим. Айтиш мумкинки, бу мен учун жудаям ёқимли – изоҳга ҳожат йўқ! Шу пайтда кубок менинг қўлимда эди. Tashkent Fashion Week 2016 ташкилотчиларига ўзимизни намоён қилишга, танловда иштирок этиш ва мана шундай ғалабаларни қўлга киритишда берган имкониятлари учун катта раҳмат!
Доимо олдинда бўлиш учун визажистлар ишида нима муҳим?
Муваффақиятларга эришиш учун визажистларга ҳамма нарса муҳим: меҳр ва одамларга нисбатан сабр – тоқатда бўлиш, касбига бўлган муҳаббати, сифатли назарий билим, яхши қўл ва яна бир бор, одамларга ва ишга бўлган муҳаббат. Бусиз агар сизнинг қўлларингиз олтин бўлса ҳам, ҳеч кимга керак эмассиз.
Трендларннг доимий алмашиб туришига қандай қарайсиз? Уларга сўзсиз эргашиш керак, деб ҳисоблайсизми?
Ҳаёт бир жойда туриб қолмаганидек, трендлар ҳам доимо ҳаракатда. Ҳар доим янги бьюти – асарлардан нимадир янги нарса олиш мумкин, чунки мен ҳозирда нима урфда, нима кўпроқ мижозларимга тўғри келишини белгилаб боришим лозим.
Дунёнинг машҳур макияж мастерлари орасида сизни қизиқтирадиган ва сизни қойил қолдирадиган инсон борми?
Пэт Мак Грат – британиялик визажист. Vogue журнали уни дунёнинг энг нуфузли визажистларидан бири деб ҳисоблайди. У ҳақиқатан ҳам ажойиб қиёфалар яратади. Пэт Мак Грат жаҳондаги энг таниқли намойишлар ва суратга олишларда фаолият олиб боради.
Агар сизда макияж учун бор йўғи беш дақиқа бўлса, нима қилган бўлардингиз?
Юзга енгил тонал флюид сураман, кейин –тиниқлаштирувчи қизиллик бериб, қошларимни чизаман ва қиёфамни лабларимга блеск бериш билан тугатаман. Бу аниқ 5 дақиқадан ортиқ вақт олмайди.
Сизнинг пардоз – андоз сумкангизда доимо нима бўлади?
Ivory рангидаги тус ва Babor дан Рeach рангидаги кремли пушти – қизил ёғ-упа L’Oréal дан сурма қалам, Becca дан хайлайтер, шунингдек, тушь ва қизил лаб бўёғи. Бир сўз билан айтганда, биронта аёл буларсиз юра олмайдиган нарсалар бор!
Сизнингча, аёлнинг ҳақиқий гўзаллиги нима билан белгиланади?
Ҳамма бахтли аёллар чиройли.
Қайси кўринишдаги макияжни алоҳида иштиёқ билан бажарасиз?
Мен табиий енгил пардозларни яхши кўраман ва албатта, смоки айс (кўз остига тўқ ранг чизиш) қарашларни бирмунча сирли кўрсатади.
Сизнинг гўзаллик ҳақида севимли цитатангиз борми?
Гўзаллик ҳақида қайғурганда, ҳаммасини чин юракдан ва чин кўнгилдан бошлаш лозим, бўлмаса ҳеч қандай косметика унга ёрдам бера олмайди. Буни Коко Шанел айтган ва мен бунга бутунлай қўшиламан!
Бизнинг мухлисларимизга тилакларингиз...
Ҳаваскор – қизлар, бошловчи ва амалиёт ўтаётган визажистлар, ўзингизга талабчан бўлинг! Энг биринчи навбатда, макияж бу – тозалик, ишдаги тартиблилик, ранг ва ҳажмни ҳис қилиш ва албатта, яхши профессионал пардоз – андоз буюмлари деганидир!
Facebook: https://www.facebook.com/KoValeriemakeup/?fref=ts
Instagram: http://instagram.com/ahmedova_valerie
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.