Ганя Усманова билан суҳбат
26.05.2017
Таниқли it-girl (ўзининг турмуш тарзи билан шуҳратга эришган қиз), кўплаб фэшн-блогерларнинг муҳокамасига сабаб бўлувчи, жамоатчи шахс Ганя Усмонова дунё оммавий модасидан кўра, Ўзбекистонга ва ўзбек модасига бўлган меҳрини ошкора маълум қилади ва ўзининг ватанпарварлик кайфияти, руҳини ўртоқлашади. Ганя Усмонова бизнинг блогимизга берган эксклюзив интервьюсида ўзининг гўзаллик сирлари ва услублари ҳақида сўзлаб берди.
Сиз нафақат, оддий қиз, балки – брендсиз. Нима деб ўйлайсиз, сизнинг шаклланишингизга нима кўпроқ таъсир қилган?
Жамоатчилик томонидан, аввало, менинг шахсимга эътиборнинг катталиги ва Лондонга боришим. У жой мени анча мустақил шаклланишимга ёрдам берди.
Иш фаолиятингизни қандай таърифлаб бера оласиз?
Мен “Кенг кўламдаги бизнес ва дизайн” факультети битирувчисиман, шу боис ҳам мен турли соҳаларда ўзимни намоён қила олишим мумкин. Ҳозир мен учун аниқ соҳани ажратиб кўрсатиш қийин, чунки мен кўнглимга яқин ва ёқтирган лойиҳаларим устида ишлайман.
Агар сиз ўзингиз учун учта сифатни танлаганингизда, улар қайсилар бўлиши мумкин?
Аниқ бир мақсадли, меҳрибон ва ўзига ишонмайдиган.
Сиз ўхшашни, тенглашишни истайдиган инсонингиз борми? Нима учун?
Бу менинг онам. Унинг сабр – тоқати, қатъийлиги, аниқ бир мақсадга эришишга интилиши, меҳрибонлиги ва хулқидаги кучлилик мени илҳомлантиради. Онам жуда кўнгилчан ва тушунадиган, ақлли, ўқимишли ва бир сўз билан айтганда, мен учун мукаммал аёл. Мен ишонч билан айта оламанки, айнан уларга ўхшашни истайман.
Сизнингча, аёллар имиджи, яъни қиёфасининг ўзгаришига нима таъсир қилади? Имиджингиз нима ҳисобига шаклланган?
Ҳаётдаги жуда катта ўзгаришлардан тортиб, оддийгина кайфиятнинг ўзгариши — булар ҳаммаси бизнинг қиёфамизни яратади. Бизни ўраб турган, атрофимиздаги барча нарсалар инсоннинг аниқ бир қиёфасини яратади. Йўқотиш ва муваффақият инсоннинг қиёфасида акс этади. Менинг имиджим тез–тез ўзгариб туради. Масалан, мен кўйлакни жинсига, пошнани кроссовкага алмаштирдим, натижада ҳозирги кўринишимни намоён этиб турибман. Мен ўз қиёфамда жуда хилма –хилликка эътибор бераман, турли хил йўналишларни синаб кўраман. Энг асосийсиси, ўзингни намойиш қилишдан қўрқмаслик керак.
Агар сиз ўз характерингизни мода йўналишига қиёслаганингизда, бу қандай усул бўлиши мумкин?
Ўзингни айнан қайсидир услубдаман, дейиш қийин. Менга масалан, гранж ва ретро, милитари, яъни ҳарбийлар кийимига ўхшаш ва диор услубидаги new-look йўналишлари жуда ёқади, ҳар бир услубнинг тугал образни шакллантиришдаги энг севимли онларини жамлашга ва, албатта, бунда ўзлигимни йўқотмасликка ҳам ҳаракат қиламан.
Аёлларнинг қиёфасига темперамент, яъни мижоз қандай таъсир кўрсатади?
Менинг фикримча, аёллар образида мижоз бошидан охиригача ҳам сезилиб туради. Кайфият, мижоз – қиёфани шакллантириш ва услубда катта аҳамиятга эга.
Сиз жуда кўп фотолойиҳаларда модель сифатида танилдингиз. Сизга бу борадаги тажриба муҳимми? Қайси фотографлар билан ишлаш ёқади ва нима сабабдан? Сизга кўпроқ қайси қиёфа ёқади?
Ҳақиқатан ҳам, турли хил фототолойиҳаларда суратга тушиш ва кўпгина шундай лойиҳаларнинг иштирокчиси бўлишни ёқтираман. Жени Jukaнинг объективида ўзимни анча қулай сезаман. Биринчидан, у ўз ишини яхши билади, иккинчидан эса Женя менинг энг яқин дугонам. Биз бир-биримизни бир оғиз сўзимиздан тушунамиз, демак, ишимиз ҳам доимо муваффақиятли бўлади. Ўзимда жиддий костюм ва батартиб йиғилган сочлар билан кескин классика образини синаб кўришни жуда яхши кўраман. Шунингдек, мен рок-н-роль руҳидаги, мотоциклистларга хос мавзудаги ва сирли, ноодатий ғояли экспериментал образларга ҳам жуда қизиқаман. Менга Света Астахова ва Равшания билан ишлаш ёқди. Уларнинг иккаласи билан ҳам биргаликда ишлаш ёқимли ва қулай.
Сизнинг стиль бўйича идеалингиз борми? Агар бўлса, у ким?
Ўйлайманки, ҳар кимнинг ўзигагина хос бўлган жиҳати бўлади. Шу сабабли кимнидир тақлид қилиш учун мукаммал намуна сифатида қабул қила олмайман. Мен онамнинг услубини жуда ёқтираман. Аммо кўпинча бизнинг дидимиз, танловимиз бутунлай қарама-қарши бўлади. Ўйлайманки, ўзига услубий идеал танлаш эмас, балки турли йўналишларда ўзни намоён этиш муҳим.
Пардоз учун бор-йўғи беш дақиқа вақтингиз бўлса, нима қилардингиз?
Албатта, қошларимга тус бериб, гель сураман, тушь билан киприкларимни бўяйман ва хайлайтер (юзни ёрқин кўрсатувчи восита) билан образимни якунлайман.
Пардоз-андоз сумкачангизда нима, албатта, бор?
Бундай сумкачалар, одатда, кичик бўлишини ҳисобга олсак, унда ҳамиша пушти рангли Dior Couchon ва Lancome дан намлантирувчи ялтироқ лаб бўёғи бўлади. Агар менда барча пардоз буюмларини олиш имкони бўлса, сумкачамда икки хил — қуруқ ва кремли упа, блесклар, яъни лаб учун ялтироқ бўёқлар, юзнинг ялтирашига қарши қоғоз салфетка, тирноқларни шаклга солувчи восита (пилка) ва кўз учун тенлар ҳам, албатта, бўлади.
Сизнингча, гўзал аёл қандай бўлади? Гўзалликни нималар ташкил этади?
Аёл чиройли кўриниши учун унинг, энг аввало, қалби гўзал бўлиши керак. Ўзига қараб, оро бериб юрадиган аёл мен учун гўзаллик тимсолидир.
Ўқувчиларимизга тилакларингиз борми?
Makeup.uz ўқувчиларига чин дилдан барча яхши нарсаларни тилаб қоламан. Ўзингизни севинг, ҳамма нарсанинг энг яхшисига эга бўлишга интилинг, ўзингиздан ва ўз фазилатларингиздан завқланинг!
instagram:https://www.instagram.com/ganyausman/
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.