9-Май - Хотира ва қадрлаш куни

09.05.2022

Ҳурматли уруш ва меҳнат фахрийлари! Қадрли юртдошлар!

Хотира – муқаддас. Иккинчи жаҳон урушида ҳалок бўлган, юртимиз озодлиги учун жон фидо қилган инсонларни хотирлаш, ҳозирда биз билан бирга яшаб келаётган уруш ва меҳнат фахрийларини қадрлаш, улар босиб ўтган кунларни ўрганиб, обод кунларимизга шукроналар айтиш - бизнинг чинакам инсонийлик бурчимиздир. Ватан туйғуси шунчалар юксакки, она ўз туққан фарзандини унинг ҳимоясига ҳеч иккиланмасдан жўнатиб, керак бўлганда жонни фидо қилиш кераклигини ёшлигидан уқтиради. Ҳозирда буюк ва қудратли армиямизда садоқат билан хизмат қилиб келаётган аскарларимиз ва ватанимиз равнақига ҳисса қўшиб келаётган ёшларимиз ота – боболаримиз изидан бориб, обод ва озод Ватанимизни кўз қорачиғидек асраб келмоқда. Мустақиллик йилларида хизмат бурчини бажараётганда ҳалок бўлган юрт ўғлонлари ҳеч қачон унутилмайди. Уларнинг номлари ҳар бир ўзбек ўғил ва қизларининг қалбида яшайди.

Тинчлик бебаҳо. У бор жойда халқимиз шод, юртимиз обод бўлади.

Makeup.uz жамоаси – доимо сиз билан бирга! Яхши кунларни бирга кутиб оламиз!