Тренд: бетартиб услуб
03.05.2017
Мавсум ўзгариши билан мода ҳам изчил равишда алмашинади. Нафис бетартиблик бу йилги баҳор трендларидан бирига айланмоқда. Сочдан ажралиб қолган кокил, ўпилган лаблар эффекти ва ҳар тарафга қараган қошлар – булар эътибор қаратиш лозим бўлган жиҳатларнинг бир қисми, холос. Шу боис қулай бетартибликнинг 5 хил таркибий қисмини муҳокама қиламиз.
Дастлаб нафис бетартиблик тушунчасига Париж хонимлари катта аҳамият берганлар – айнан Парижга хос башангликнинг асосий моҳиятини енгил бетартибликка эга услуб ва қулайлик намоён этади. Париж аёллари нимаси билан бунчалар назокатли?
Сочлар. Сип-силлиқ қилиб таралган сочлар ёки жингалак турмак эндиликда унчалик қизиқарли кўриниш кашф этмайди. Тартибсиз жингалак, ҳурпайган сочлар янада жозибалироқ кўринади. Худди пружинадек ҳамма томондан сакраб турадиган ўйноқи гажак кўз илғамас ва жозибали назокатни кўрсатади. Бундай кўринишга эга бўлиш учун аввало бўйсунмайдиган – ўйноқи сочларни қуритиш керак, сўнг плойка ёрдамида ўртача узунликда аралаш –қуралаш тарзда жингалак қилиш лозим. Ундан кейин эса ушбу сочларга ўртача фиксациядаги лак пуркаш ва бундан завқ олмоқ керак.
Кўз – кўнгилнинг ҳақиқий кўзгусидир. Улар бизнинг ўрнимизга кўп нарсани айта оладилар. Уйқуга тўймаган ёки туни билан йиғлаган кўзлар бенуқсон кўринишга эга бўла олмайди. Агар ҳар доим латофатни ушлаб қолмоқчи бўлсангиз, киприклар пастки қисми бўйлаб оқ қалам ёки тень чизиш керак. Бу ҳар доим қарашларни сақлаб қолади. Парижча ҳашамга хос макияжда кўзга қалам ёки тень суриш муҳим ўрин тутади (ҳеч қандай график чизиқсиз, тўлиқ артхаус, яъни санъат уйи), шунингдек, киприкларга енгил тушь суриш лозим.
Сиз тартибсиз услубни танласангиз, юзларингиз “раҳмат” айтади, чунки бу услуб чиннидек силлиқ юз терисини кашф этиш ёки чизилган ёноқларни талаб қилмайди. Макияжни яратишда “консилер” муҳим, чунки у энг кичик етишмовчиликларни ҳам яшира олади. Кўчага чиқишдан олдин эса упани суртиш кифоя.
Лаблар – макияжни яратишда жудаям ёқимли. Тартибсиз услубда лаблар унчалик муҳим аҳамиятга эмас, агар ҳаммасини тўғри бажарса, кўпчилик буни сезмаслиги ҳам мумкин. Пушти рангга яқинроқ рангдаги лаб бўёғини танлаш лозим, энг таниқли усул эса – “ўпилган” лаблар эффектидир. Асосий пигмент лаб марказида, атрофи эса градиент қоидалари бўйича бўялади.
Маникюр – худди торт безакларидек. Озгина бетартибликни пала – партишлик ва ўзига қарамай юриш билан адаштирмаслик лозим. Шу боис ҳам маникюрга алоҳида аҳамият бериш лозим, ахир қўллар деярли ҳар доим барчанинг кўзига тушади. Айниқса, бу ҳолатда битта рангдаги ва кам безак берилган маникюр маъқул.
Унутманг, бу бор-йўғи ташқи образнинг бир тури, холос. Демак, у сиз учун одатга айланиб қолмаслиги керак. Ўзингизга эътиборли бўлинг ва доимо гўзал бўлинг!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.