Интервью: Мария Железнякова
14.04.2017
Мария Железнякова – мода продюсери, телевизион бошловчи, мода дунёсининг арбоби. Ўзининг 30дан сал ошиқ ёшида Мария СТС каналидаги шов-шувли «Снимите это немедленно» телевизион лойиҳаси ва MTV каналидаги «Шопоголики» кўрсатувларининг бошловчиси бўлишга улгурган. Маша DEMO гуруҳининг хонандаси, Denis Simachev маркасининг менеджери ва Arsenicum брендининг соҳибасига бўлишга ҳам улгурган. Makeup.uz билан бўлиб ўтган ўз эксклюзив интервьюсида Мария услуби ва рақслар, беш дақиқа ичидаги макияж ва ўз косметика қутичаси ҳақида ҳикоя қилди.
Сиз нафақат аёл, сиз балки бренддирсиз. Нима деб ўйлайсиз, сизнинг оёққа туришингизга нима кўпроқ таъсир кўрсатган?
Ижодий йўналишимни онгли равишда ривожлантириш билан мен, 1997 йилда, DEMO поп-гуруҳида иштирок этган вақтларимда бошлаганман . Кейинчалик эса мен ҳеч қачон эришган нарсамда тўхтаб қолмаганман, ва ўзимни турли ижодий касбларда синаб кўрганман. Ўйлайманки, бу секин-аста ривожланиб борди ва у айнан бугунги образимни шакллантириб берди.
Аёллар билан ишлашнинг асосий мураккаблилиги нимада?
Феъл-атворнинг мураккаблилигида ва ўзини қандай бўлса, шундайлигича қабул қила олиш қобилиятида. Ўзини қандай бўлса, шудайлигича севишда ва ойнада ўз аксини борлигича қабул қилиш.
Сиз нимадан роҳатланасиз?
Лойиҳа ишлаб чиқиш жараёнидан. Агар тайёргарлик жараёнида хатоларга йўл қўйилмаса, унда ижобий натижа ҳам ўзини куттириб қўймайди.
Агар сиз ўзингизни учта сифат билан тасвирлашингиз керак бўлса, улар қандлай бўлган бўлар эди?
Ёрқин, фаол, жавобгар.
Сизнинг назарингизда, рақс билан шуғулланиш аёлни қанчалик тез ўзгартиради?
Мен болалигимдан рақс билан шуғулланиб келаман ва бунинг ортидан қувиш шарт эмас, деб ўйлайман. Рақсда ўз танасини ҳис қилиш, ҳаракатларни ёд олиш эмас, балки импровизация қилишни ўрганиш керак. Натижаси сиз ўз танангиз билан “дўстлашиш”ни бошлаганингиздан бошлаб пайдо бўлади.
Рақс аёл образига умуман қандай таъсир кўрсатади?
Образ эркаклар учун янада жозибалироқ ва ҳаяжонлантирувчан бўлади, ҳамда ўзига бўлган ишончни ҳис қилишга ёрдам беради.
Агар сизнинг ўз феъл-атоврингизни рақс билан таққослангудек бўлса, бу қандай рақс бўлган бўлар эди?
Contemporary dance (замонавий рақслар).
Сизнинг фикрингизча, серғайратлилик аёл образига қандай таъсир кўрсатади?
Бундай ҳолларда, тўғридан-тўғри боғлиқлик кузатилади, аёл киши қанчалик серғайрат бўлса, у ўзини ижтимоий муҳитда ҳам шунчалик ёрқин намоён қила олади.
Сиз ўзингизнинг шоу оламидаги васийлигингиз остида турган кишиларга очилишларида қандай ёрдам кўрсата оласиз? Сиз психолог сифатида чиқа оласизми?
Мен психологик нуқтаи назардан ёндошишга ҳам, инсонгарчилик юзасидан ҳам одамларни қўллаб-қувватлашга ҳаракат қиламан, ва агар киши бирор комплексга эга бўлса, унда ташқи образ ёрдамида уларни қандай қилиб бартараф этиш керклигини тушунтираман. Ўзига бўлган ишончни қозонишга ёрдам бераман. Кийимга қараб кутиб олинади, ақлга қараб кузатиб қўйишади ва шунинг учун атрофдагиларга фақат биринчи тасаввурни қолдириш муҳим саналади деб ўйлайман.
Сиз кўплаб фотолойиҳаларнинг модели бўлгансиз. Шунга ўхшаш тажриба сиз учун қизиқарлими? Фотосуратчилардан қайсилари билан ишлашни яхши кўрасиз? Сизга қандай образларда чиқиш ёқади?
Мен креатив фотосессияларда иштирок этишни ҳуш кўраман. Бу профессионал иш ва у ҳиссиёитли лаҳзаларда ўзини тута билишни ва фотосуратчининг кўрсатмаларига аниқ риоя қилишни талаб қилади. Мен хамелеон каби бошқача янги шаклда ифодаланишни яхши кўраман ва тасвирга олиш жараёнларида ноодатий образларни ҳуш ёқтираман.
Услуб маъбудингиз борми? У ким?
Менинг санамларим йўқ. Мен шунчаки маълум услубга эга бўлган қизларни кузатиб бораман ва менга кўпроқ ёққан образларни ўзимга оламан.
Беш дақиқа ичида қандай макияж қилишга улгурган бўлар эдингиз?
Тўғрисини айтам, бу менинг ҳаёт тарзимдаги стандарт вақт ҳисобланади. Тозалашни тугатгандан сўнг, мен юзимни намлантираман, камчиликлар ўрнини корректор ва консилер билан чизиб тўлдираман ва яхшилаб бўяб оламан. Севимли палеткамни - Ambient Lighting Pallete Houglass оламан ва стробинг техникасиг а биноан суртаман. Шунда тери порлаб турган ва дам олган кўринишда бўлади. Сўнгра қошларимни бўяйман ва “Chanel”дан Le Volume туши билан киприкларимни бўяб оламан. Бироз ёғупа қўшаман ва лабимни лаб бўёғи билан бўяйман ёки бальзам ёрдамида парваришлайман. Шундай қилиб, ҳаммаси тайёр!
Косметика қутичангизда доимо нималар бўлади?
Ambient Lighting Pallete Houglass палеткаси, Shiseido намлантирувчи зардоб, “Chanel”дан Le Volume туши, Bobby Brown қошлар учун гели, NARS консилери, Dior Lip Glow лаб учун балзьами, Dior Airflash тус берувчи крем-спрей, юз учун упа Loreal Paris Alliance Perfect киприкларни қайириш учун Kevin Aucoin қисқичлари ва Hakuhodo ва Zoeva мўйқаламлар тўпламлари.
Сизнинг назарингизда чиройли аёл қандай кўринишда бўлиши керак?
Аёл гўзаллигини ташкил этувчи таркибий қисмларни айтиб бера оласизми?
Чиройли аёл – бу даставвал ёниб турган кўзли ва майин табассумли, ўзига қараган, озода, батартиб аёл.
Барча ўқувчиларингизга ўзларига ва ўз кучларига ишонишларини, ўзини севишини ва ҳаёт сўқмоқларидаги чегарасиз оқимда ўзига кўпроқ вақт ажратиб туришларини тилаб қоламан.
Ҳурмат билан,
Сизнинг Мария Железняковангиз
https://www.instagram.com/jeleznyakovamaria/
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.