Ҳафта мунажжимлар башорати 5.12-11.12
05.12.2016
Янгиланишлар вақти келди. Иш қидиришни бошлаш, шахсий ва севги масалаларида фаол қадам ташлаш мумкин.
Қўй
Бу ҳафтада қўйлар чарчоқ ҳис қилишади. Оккультизм, маънавий тажрибалар, йогага қизиқишингиз ортади. Ҳозир руҳий кўтарилишни ҳис қилаяпсиз, шунинг учун исталган масалани ҳал қилишга ижодий ёндашинг. Салбий фикрларнинг жунбушга келишига йўл қўйманг. Дам олиш кунлари китоб ўқиш ва чет эл сафарига чиқишнинг айни вақти.
Бузоқ
Бузоқлар учун ноябрь ойининг охири, шунингдек декабрь ойининг биринчи ўн кунлиги анча қулай фурсатдир. Бу вақтда (бизнесдаги ёки турмушдаги) шерикларининг ёрдами туфайли орзуларини амалга ошира оладилар, барқарорлик ва маънавий бирликни ҳис қиладилар. Мулоқотларда эҳтиёт бўлиш керак, чунки жиддий муаммоларнинг келиб чиқишига сабаб бўлувчи сирлар фош бўлиши мумкин. Ҳафтанинг иккинчи ярмида мунозарали вазиятларни ҳал қилиш ва ҳатто салбий тажрибани ўз фойдасига ўзгартириш имкони туғилади.
Эгизаклар
Эгизаклар кўплаб мулоқотларда бўладилар, дўстлари билан ва иш юзасидан учрашувлар ўтказадилар. Ҳафсаласизликни енгиб ўтишга ҳаракат қилинг. Берган ваъдаларингизни бажаришга ва ҳис-туйғуларингизни назорат қилишга ҳаракат қилинг, чунки жиззакилик ва бепарволик рақибларингизга қўл келади. Дам олиш кунлари ҳаммаси ўз изига тушади, сиз кўп ишларни бажаришга улгурасиз.
Қисқичбақа
Бу даврда қисқичбақалар ўзгарувчан бўлишади. Ҳиссиётларнинг тебраниши ҳам сизга, ҳам атрофингиздагиларга халақит беради. Ўзингизни назорат қилишга ҳаракат қилинг, натижасини кўрасиз. Ўзингизни эҳтиёт қилинг – соғлиғингиз билан боғлиқ муаммолар келиб чиқиши мумкин. Дам олиш кунлари дўстона муносабатлар ёрдамида бирор нарса ўрганиш, ижтимоий мақомни оширишга қулай имкон туғилади. Ўзингиздаги қатъиятсизликни енгиб ўтсангиз бўлгани.
Арслон
Бу ҳафтада арслонлар дилкаш, очиқ чеҳрали ва чаққон бўладилар. Аналитик қобилиятларингизнинг юқори даражада эканлиги, ички сезгингизнинг панд бермаслиги исталган вазиятнинг моҳиятини чуқур тушунишга, фойдали танишлар орттиришга имкон беради. Ҳафтанинг ўртаси айниқса қулай, бу вақтда сиз таълим ва воситачилик соҳаси, илм, ижод, жамоат нутқларида муваффақиятга эришасиз. Дам олиш кунларида кўп ҳодисалар, учрашувлар кутилмоқда - вақтингизни диққат билан режалаштиринг, ўзингизга керагидан ортиқ баҳо берманг ва дам олишни ҳам унутманг.
Паризод
Паризод учун қийин давр. Лекин ҳафта охирида кутилмаган вазиятдаги романтик учрашувлар рўй бериши мумкин. Паризодлар ўз нафсини назорат қилиши ва ҳиссиётларини жиловлаши лозим. Пухта ўйланган қарорлар қабул қилинг, ҳаммаси истаганингиздек бўлади.
Тарози
Сиз учун бу ҳафта енгил ва эркин ўтади. Ниҳоят енгил тин олишингиз мумкин. Янги йилга тайёргарлик кўринг, яқинларингизга совғалар олинг. Ўзингиз ва оилангизга вақт ажратинг. Шунда кайфиятингиз ва аҳволингиз яхшиланади.
Чаён
Чаёнларга куч-қувватга тўлиш лозим. Ҳордиқ чиқаринг. Гўзаллик салонига боринг, сизга ёқадиган сайтдан ўзингизга бирор нарса буюртма беринг, узоқ вақтдан бери харид қила олмаётган нарсангизни харид қилинг. Бу ҳафтада янги танишлар орттириш билан шуғулланиш мумкин.
Ўқотар
Ўқотарлар учун ҳам иш юзасидан, ҳам шахсий ҳаётда танишувларнинг қулай вақти келди. Диққат-эътиборингизни фақат ишга қаратишингиз лозим, ўйин-кулгини четга суриб қўйинг. Фақат кўп меҳнатдан сўнггина сизни ижобий ва қувончли янгиликлар оқими кутмоқда.
Тоғ эчкиси
Тоғ эчкиси ниҳоят уйғунликка эришади. Ўз назокати ва латофатини қўллаш маҳорати билан олдига қўйган мақсадларига осонгина эришиши мумкин. Шунингдек, бу даврда шахсий ҳайтда ёқимли ўзгаришлар содир бўлиши, бошқа ерга кўчиб ўтиш, йирик харидлар амалга ошиши мумкин. Қўрқманг, таваккал қилинг.
Қовға
Бу ҳафта ушбу бурч вакили учун осон кечмайди. Обрўйингизни мустаҳкамлаш, мақомингизни янада кўтариш, машҳурликка эришиш имконияти бор. Зиддиятлардан эҳтиёт бўлинг. Бу кунларда оппонентлар билан тил топишиш қийин бўлади, шунинг учун ўзингизни баҳслардан имкон даражасида узоқроқ тутинг. Дам олиш кунлари вазият ойдинлашади. Фақат озгина сабр қилинг.
Балиқ
Ижод учун энг қулай вақт. Кўпроқ пул ишлаб топишингиз ва уларни ўзингиз ва яқинларингизга янги йил совғалари олишга сарфлашингиз мумкин. Ўзингиз учун аниқ мақсадларни қўйинг ва ҳеч нарсага эътибор бермасдан уларга эришишга интилинг.
