MAKEUP BLOG

Ёзни бассейн ва сув ҳавзаларида чўмилмасдан қандай ўтказиш мумкин? Офтобда баданни тобламасданчи? Ёзнинг ушбу муолажаларига берилиб кетганимиздан, биз баъзан эҳтиётокрлик чораларини унутиб қўямиз. Вақтни хуш кайфиятда ўтказиш пайтида бассейнда юриш пайтларидаги нохушликларни қандай қилиб бартараф этиш ва бу танамиз учун хавфли синов бўлиб қолишига қандай қилиб йўл қўймаслик керак? Жавоб берамиз.

Сочлар

Ҳамма нарса бошдан  бошланади, шунинг учун тананинг ушбу қисми муҳим эътибор талаб этади. Қуёш остида бўлган вақтда  сочлар ва бош хатар зонасида бўлади. Сочлар учун махсус намлантирувчи спрейлардан фойдаланиш - бассейнда юришнинг асосий қоидаси бўлиб қолиши керак. Офтобда сарғайиб кетган сочларнинг гўзаллиги ҳақида ҳеч ким  тортишаётгани йўқ, бироқ ўз сочларингизни “ёвуз” қуёш таъсири остида қуриб қолишдан сақланг. Сочларнинг мўртлиги ва қуриб қолишига йўл қўймаслик учун, косметика компанияларининг эксперт қарорига ёрдамга мурожаат қилиш мумкин. Масалан, L’Oreal  ёз вақтида махсус сочларни парваришлаш сериясини  таклиф этади. Унинг таркибига табиий ва бўялган сочлар учун  шампунлар, шунингдек сочларингизнинг қуюқлашиши учун қуёшдан олиши лозим бўлган таркибни ўзига  тортиб олишга ёрдам берувчи тўйинтирувчи сутли ва ҳимояловчи спрейларни таклиф этади.

Саломатлигингизни ва сочларингизни ҳимоя қилиш учун маслаҳат сифатида бериладиган яна бир қоида:

Ҳеч қачон чўмилиб бўлганингиздан сўнг сочларингизни йиғилган ҳолда қолдирманг. Кенг тарқалган шишачалар ва ўрилмай боғлаб орқага ташланган соч – бу албатта, яхши, бироқ сувдан чиққандан сўнг сочларни ёйиб қуритиш зарур. Шунда уларда синиқлар бўлмайди, учлари эса камроқ кесилади.

Юз

Бассейнга боришнинг асосий қоидаси – макияжнинг тўлиқ йўқлигидир – тус берувчи асослар ва бўялган киприклардан фойдаланманг (ҳатто туш сувга чидамли бўлса ҳам, бу кўзларингизнинг обрўсинит оширмайди). Қизил ёғупа ва бронзаторлар лунжларингиз ва пешанангизда пала-партиш тартиб айланалар билан ёқилиб кетади.

Асосийси, юзингизга (тана учун эмулсия ажралиб турадиган таркибга эга, айнан юз учун) SPF-факторли юз креми суртишни унутмаслигингиз керак. Тўғри парваришлаш юз терингизни намлантиради, уни қуёш таъсиридан ҳимоялайди ва ғовакларнинг тиқилиб қолишига йўл қўймайди. Шунингдек, шамолдан қовжираб қолган лаблар самарасидан қутулиш учун, лаб учун намлантирувчи бальзамдан фойдаланиш – фойдадан ҳоли эмас.

Тана

Ҳужум қилаётган қуёш нурлари сабабли тананинг қаришига йўл қўймаслик учун, 50дан кам бўлмаган SPF-факторли крем билан ҳимояланишга ўрганиш керак, айнан шунга ўхшаш кўрсатгич офтобда тобланишни юмшоқ қилади ва куйиб қолишдан сақлайди. SPF-30 ва ундан пастидан ҳимояланиш буғдой рангли тери соҳиблари, доимий тарзда ва “тўғри” тобланадиганлар учун мос келади. Ҳар сафар сувдан чиққанингиздан сўнг, терини бирор нарса билан қоплаб ҳимоялаш – энг тўғри қоидадир, чунки восита мойли асосли бўлишига қарама, ювилади. Суркашдан аввал терингизни сочиқ билан яхшилаб ишқалашни унутманг.

Теккис тобланишингизни тилаб қоламиз!

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Айтишларича, ёз лаб макияжи учун қулай фасл эмас экан. Бекор гап! 2016 йиднинг ёз фаслида лабларга жозиба бағишлаш учун нимадан ва қандай фойдаланиш тавсиялари бизнинг мақолада.

Французча акцент

Помада палеткаси мегаполис аёлларининг орзусидир. Худди шундай! Шакл ва сояларнинг одатий талқинидан чекинамиз. Эндиликда Color Riche La Palette Glam Levres қаторидаги L’Oreal Paris палеткасининг ҳар битта  соҳибаси ўзининг жозибадорлигини ифодалаш учун лаб макияжининг 6 хил рангига эга. Айтганча, бьюти ечимлар ҳаваскори Жей Ло коллекциянинг расмий юзи ҳисобланади.

Нега харид қилиш керак: Ушбу бьюти-ечимнинг устунлиги шундаки, унда урфдаги сабзирангдан бошлаб тўқ олхўри рангигача бўлган жилолар ўзаро яқинликда ҳатто энг кичик клатчда ҳам аъло даражада жойлашади. Бу эса, унинг соҳибаларига, кун давомида лаблар рангини осон ва қулай ўзгартириш имкониятини беради.

Kallos – нурли жилва

Ўттиз йиллик тарихга эга Европа бренди барча ёруғ жилва ихлосмандларига органик туҳфа тайёрлади. Kallos компанияси ёзги мавсум учун ёруғ жилва қаторидаги Love помадаларини тақдим этди. Ярим шаффоф, нозик пуштиранг, тўқ қизил ва крем рангли  жилолар лабларга ўзгача гўзаллик бағишлайди.

Нега харид қилиш керак: Доривор ва декоратив хусусиятларга эга Kallos косметикаси нафақат лабларингизни безайди, балки уларни фойдали элементлар билан бойитади. Космик саёҳатларнинг футуристик мавзуси лабларга мўлжалланган коллекцияда ўзининг мантиқий давомини топди. Ўз дидингизга қараб қўрқмасдан турли рангларни танланг ва ҳашамли оқшомларнинг қаҳрамонига айланинг.

Ҳаммага Maybelline

Ушбу бренд “энг яхши ҳимоя – ҳужум” деган қоидага риоя қилади. Color Sensational номи остидаги хира помадалар Maybelline фирмасининг рангли ечимлари саналади. Ранг жилолари орасида энг машҳурлари – пушти, фламинго ранг, табиий тери ранги, худди Мерилин Монро буюртма этганидек, қизилнинг 50 жилоси.

Нега харид қилиш керак: Асосни қўлламасдан помадани суриш имконияти янги коллекциянинг энг муҳим хусусияти саналади. Бу дегани лабларни бўяб, уларнинг жозибаси ҳақида қайғурмаслик мумкин, ҳатто қаламдан фойдаланишга ҳам ҳожат қолмайди. Шунингдек,  ушбу помадалар ичимлик, таом ва иқлим шароитларидан қатъи назар ташқи таъсирларга кутилгандан анча чидамлидир.

Шубҳасиз, ҳар бир макияжнинг асосий қаҳрамони аёлдир. Ўз бьюти-менюнгизни яратиш пайтида буни ҳар доим ёдингизда сақланг

Зардоб — сеҳрли сўз бўлиб, уни кўрган заҳотиёқ, барча манбаларни ўрганиб чиқиб, ижтимоий тармоқлардаги гуруҳларда муҳокамалардаги барча изоҳларни ўқиб, нархларини билиб олишни истайди киши. Бироқ унинг нархи биз ўйлаганимиздек арзон эмас, бу эса тасаввуримизни янада безовта қилиб қўяди. «У нималарга қодир? Юзимизни 10 ёшга ёш қилиб  кўрсатадими, ёки бошқачамикан ...» – деб ўйланиб қоламиз.

Келинг, яхшиси, бугунги куннинг барчага машҳур бўлган омилларини муҳокама қилиб оламиз. Зардобнинг функцияси намлантириш билан чегараланиб қолмайди. Ҳақиқатдан ҳам у ўзининг таркибидаги фаол компонентларнинг терининг липидли мембранасига яхшигина кириб боришига ёрдам беради. Зардоб тери коллаген қатламининг саломатлигини қўллаб-қувватлайди. У ўз навбатида тана тўқималарининг мустаҳкамлигини ва эгилувчанлигини таъминловчи оқсилдан иборатдир.

Ҳатто ёғли турдаги тери учун намлантирувчи кремлар навбатдаги муаммо бўлиб қолади, чунки улар тошмалар тошишига олиб келиши мумкин. Зардоб эса улар учун ҳақиқий қутқарувчи восита бўлиб, кремлардан фарқли равишда анча суюқ ва енгил текстурага эга бўлади.

Яқин вақтлардан буён биз ўз нутқимизда «гиалурон кислота, гидрофил ёғи» каби сўзларни кўп ишлата бошладик. Улар аслида нимани билдиради?

Гиалурон кислотанинг бирлаштирувчи тўқимадаги асосий вазифаси — сувни боғлашдан иборатдир.

Гидрофилли — «сувда эрувчан». Зардобда гидрофил ингредиентлар эрийди, баъзи бир кремларда эса – эримайди. Кремдан фарқли равишда, у терига нарса тоширмайди ва ғовакларнинг тўлиб қолишига йўл қўймайди.

Унинг компонентлари ҳақида батафсил гаплашиб олсак.

Альфа-гидроксикислоталар (AHA) — шакар қамишдан олинадиган гликол кислота, сутли,  олмали, лимноли, шунингдек узумли. У терининг пўстини туширади.

Matrixyl 3000 — коллаген ишлаб чиқарилишини тезлаштиради.

Ретинол (витамин A) коллаген ишлаб чиқарилишини самарали равишда тезлаштиради ва терининг устки қатламини тўкиб ташлайди.

Мис пептидлари коллаген синтизини яхшилайди ва терини ёшартиради.

Ўсиш омили (EGF) коллаген синтизини тезлаштиришга ёрдам беради.

Ресвератрол —  узумдан олигадиган самарали антиоксидант.

Убихинон (коэнзим Q10) — антиоксидант.

Асалари заҳари — ундан узоқроқ юриш маъқул бўлган компонент. Унинг тери учун фойдали хусусиятлари исботланган бўлишига қарамасдан, аллергик реакциялар уйғотишини унутмаслик керак.

Кўк чой экстракт (Camellia sinensis)  эркин радикаллар билан курушувчи полифеноллардан иборат. Ушбу экстракт шунингдек  антиоксидант ҳисобланади, ҳамда коллаген толаларни сақлашга ва уларнинг ўсишига ёрдам беради.

Магнезиум аскорбил фосфат (Magnesium ascorbyl phosphate — барқарорлаштирилган С витамини) сезиларли даражадаги антиоксидантлик хусусиятларига эга.

Ферул кислота (Ferulic acid) — коллаген ишлаб чиқаришга ёрдам берувчи антиоксидант.

Церамидлар (терини тикловчи ингредиент) — терини яхшилаб намлантириш учун мўлжалланган компонент.

Токотриеноллар ёки токофероллар (E витамини) терини эркин  радикаллардан шикастланишдан ҳимоя қилишга қодир.

Ниацинамид (Niacinamide — B3 витамини) катакларнинг янгиланишини тезлаштириш учун митохондрийларни энергия билан таъминлайди (улар катаклардаги энергияни синтезлайди. Ниацинамид  юздаги пигмент доғларни камайтириш учун маъқул.

Силиконлар (диметикон (dimethicone) ва -cone билан тугайдиган  кимёвий келиб чиқишга эга бўлган бошқа компонентлар) — эмолента, яъни суркаганда силлиқлик ва майинлик бағишловчи, юмшатувчи моддалар, шунингдек улар маҳсулотни  мустаҳкамлаш учун ҳам керак бўлиши мумкин.

Қайси ёшда қандай восита тўғри келади?
20–30 ёшда: церамидлар, ниацинамид, С витамини
30–40 ёш: ретинол, гиалурон кислота, AHA (альфа-гидроксикислоталар)
40–50 ёш: ретинол, турли хил антиоксидантлар (асал пептидлари, ферул кислотаси, ўсиш омили)

Бугунги кунда нархлар ва брендлар борасида катта тарқоқлик мавжуд. Бироқ, ўз терингизда экспериментларни синаб кўрмаслик учун, яхшиси таниш русумдаги  косметикаларга ишонганингиз маъқул.

Масалан, юз учун мўлжалланган L'OREAL REVITALIFT зардоби бутун ёшлар сериясига эга. Зардоб танлашга бехато ёндошинг, албатта унинг таркибини ўқиб чиқинг, яроқллик муддатиги эътибор беринг. Фойдали одатларингиз ва барча деталларга эътиборлилик – ўз ёшлигингизни узоқ  вақт давомида сақлаб қолишга ёрдам беради.

Маслаҳатнинг ортиқчаси бўлмайди. Бугун бизнинг меҳмонимиз - таниқли россиялик стилист Евгений Зубов иссиқ кунларда сочни қандай асраш ва парваришлаш бўйича ўз тавсиялари билан ўртоқлашади. Евгений асли қўшни Қирғизистоннинг Майли-Сай деган гўшасидан. Шу сабабли у Ўзбекистоннинг об-ҳавоси билан жуда яхши таниш. Болалигида онаси билан Андижонга харид қилгани тез-тез келиб туришган. Албатта, ўша пайтларда у жуда ёш бўлганлиги туфайли бу сафарлар ҳақида кўп нарса эслай олмайди, бироқ ўзбек халқининг меҳмондўстлиги тўғрисида ширин хотиралари бор.

Ҳозирда Евгений Зубов бир қатор лойиҳаларда қатнашади, машҳур журналларнинг суратга олиш жараёнларида иштирок этади (Elle, Instyle, Wonderzine ва бошқ). У Россия шоу бизнесининг кўплаб юлдузлари ҳамда медия вакиллари, жумладан, балерина Светлана Захарова, хонандалар Вера Брежнева ва Валерия, актриса Ирина Горбачева билан ҳамкорлик қилади.

Евгений мамнуният билан ўз тажрибасини Makeup – блог ўқувчилари билан баҳам кўради:

- Ёз фаслида ва иссиқ иқлим шароитида, агар ўз тажрибамдан келиб чиқиб айтадиган бўлсам, бош териси учун мўлжалланган қуёшдан ҳимояловчи воситалар ва намлантирувчи маҳсулотлардан фойдаланишни тавсия қилган бўлардим. UV фильтрли ҳимоя спрейларидан фойдаланинг: улар бошни кучли қуёш нурларидан сақлайди. Бошнинг терисига ҳам етарли эътибор қаратиш лозим. Шунинг учун уни парваришлаш учун, айниқса агар у ёғланишга мойил бўлса, намлантирувчи шампун ишлатиш керак. Соч учун эса тикловчи ва намлантирувчи воситаларни қўлланг.

Шампун танлаётган вақтда асосий эътибор бош терисига қаратилиши керак. Биринчи навбатда, биз уни ювамиз, тозалаймиз. Шу сабабли бош терисининг хусусиятларини яхши билиш керак бўлади: у ёғли, қуруқ ёки нормал бўлиши мумкин. Шундан келиб чиқиб шампун танлаш мақсадга мувофиқдир. Кўпчилик органик ва сульфатсиз шампунларни танлайди. Соч учун эса унинг хусусиятларидан келиб чиқиб кондиционер танланг. Бўялган сочлар учун махсус кондиционерлар мавжуд, Жингалак, қуруқ ва айрилма сочлар учун эса намлантирувчи кондиционер танлаш тавсия этилади.

Агар куз ва қиш – 2016 мавсуми учун мода тенденцилари ҳақида гапирадиган бўлсам, ушбу мавсумда қуйидаги соч стиллари урфда: текстурали ўрта узунликдаги башанг турмаклар, баланд қилиб йиғилган тарамлар, тўлқинли эркин мавжланувчи сочлар, пони-чёлкалари ва текис таралган сочли ассиметрик очилган фарқлар. Кўриб турганингиздек, танлов катта, энг асосийси, ўз кайфиятингизни аниқлаб олинг, соч турмаги эса унга мос қўшимча бўлади.

Ижтимоий тармоқларда машҳур трендсеттерларни кузатиб боринг ва улардан илҳомланинг. Сочларингиз учун тўғри парваришлаш услуби ва стайлинг танланг. Тажрибаларни амалга оширишдан қўрқманг, аммо табиий гўзалликка урғу беришни ҳам унутманг. Сийраклантирувчи маҳсулотларни ҳаддан кўп ишлатишдан эҳтиёт бўлинг. Ёз фаслидаги қиёфангизга табиийлик ва ҳорғинлик бағишлашга ҳаракат қилинг.

Ёзгача фитнесга ёзилиб улгурмаганлар нима қилишлари керак? Бахмалли мавсумга (сентябрь-октябрь ойлари) тайёргарлик кўришлари керакми? Танани тонусга келтиришни бошлашдан ташқари, тери ҳақида ҳам унутмаслик керак. Ўзимизнинг иссиқ кунларда биз  кўпинча юз терисини парваришлаш борасидаги оддий қоидаларга риоя қилишни унутиб қўямиз. Тасаввур қилинг-а, иш кунининг охирига келиб яхшигина бўяниб олган қиз бола залга йўл олса ва у ерда яхшилаб терласа. Бунинг учун унинг юзи унга “рахмат” айтмаслиги турган гап. Дунё трендлари орқасидан қувиб, баъзан  биз ўзимизнинг табиий гўзаллигимизни унутиб қўяётганлигимизни тан олишимиз керак. Ва спорт билан шуғулланиш, ўзимизнинг табиий кўринишимизга ўрганишимизга ёрдам беради.

Агар сиз залга отланаётган бўлсангиз нималар қилиш кераклигини билиб олганингиз маъқул:

1. Тус берувчи восита суртиш

Зич текстураси тер билан аралашиб, шамоллашнинг сабаби бўлиши мумкин бўлган бактерияларнинг кўпайиши учун мос келадиган муҳит яратиб беради.

Қандай қарор қабул қилиш керак? Тоза терига кундуз куни суртиладиган намлантирувчи крем ёки зардоб суртинг. Ажинлар ёки ҳуснбузарларни яшириш учун корректордан фойдаланиш етарли бўлади. Янгиликларниўзингизда синаб кўрмаслик учун, ҳаётнинг барча вазиятлари учун ўз воситаларига эга бўлган,вақт давомида текшириб кўрилган -L'Oreal косметикалари линиясига мурожаат қилинг. Мукаммаллашган ALLIANCE PERFECT корректори –  олтинга тенг беғалва воситадир. У ғовакларда тиқилиб қолмайди ва юз терисига майинлик бағишлайди.

2. Қизил ёғупа суртиш

Агар сиз ўз “Instagram”ингизни далил учун фотосуратлар билан тўлдиришни эмас, балки  ҳақиқатдан ҳам спорт билан шуғулланишни истасангиз, зеб бериш учун косметиканинг кераги йўқ.  Спорт билан қизғин тарзда шуғулланиш юзингизни соғлом тарзда табиийқизаришига олиб келади.

Сувга чидамли воситалар – сургичлар,туш ёрдамида кўзларингизгаурғу беришни ман этманг. Баъзан эса  қисқичлар билан шунчаки киприкларни, ва вуални қайириб қўйиш  мумкин – ва Сиз беш ёшга ёшариб қолган маликага айланасиз.

Умуман олганда, Сизнинг  юзингизда оғир артиллериянинг йўқлиги – бу “оқиб” кетадиган бўёқдан озод бўлиш деганидир. Аввалом бор, ўзингизни ортиқча ташвишлардан озод  қилинг. Диққат эътиборингизни ўз саломатлигингизга қаратинг. Ахир гўзаллик айнан шундан бошланади.

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.