MAKEUP BLOG

Ва ниҳоят шу кун келди – Сиз турмушга чиқяпсиз. Эҳтимол, опангиз, дугонангиз ёки қизингиз турмушга чиқаётгандир? Биз келинлар учун ҳақиқий мукаммал образ яратиш учун асос бўлиши мумкин бўлган асосий маслаҳатларни тўпладик.

Ҳар бир келин учун мукаммал юз тони асосий қоидага айланиши керак. Консилерлар ёки тус берувчи кремлардан фойдаланишга шошилманг – ҳар бир муҳим кун учун терини олдиндан тайёрлаб бориш керак. Ушбу кунни “қора кун”га айлантирмаслик учун, косметологлар буғли ингаляция, тўйинтирувчи ва тозаловчи маскалар қилишни тавсия қиладилар.

Айнан тўй куни ишни муздай сув билан ювинишдан, енгил тоник суртишдан бошлаш , сўнгра консилер ёрдамида нуқтали зарба беришга ўтиш керак. Тери камчиликларини маска билан қоплаб бўлгандан сўнг – юз геометриясини тузамиз, бироқ контурларни ошириб юборманг. Сўнгра юз териси максимал оч рангдаги тус берувчи крем билан қопланади. Зарурат туғилса, тус берувчи кремни бўйинга ҳам суртса бўлади. Таасуротни шаффоф рангдаги упа, терига хиралаштириш тусини берувчи микрозаррачалар билан мустаҳкамлаш мумкин.

Аввалом бор, келин асосий эътиборни фақат юзнинг бир қисмига қаратиш кераклигини тушиниши керак – у то лаблар, ёки кўзлар бўлсин. Кўпчилик стилистларнинг фикрига кўра, янги келинчакнинг айнан кўзлари унинг энг кучли тарафи бўлади. Бироқ кўзлар учун мукаммал макияжни эҳтиёткорлик билан яратиш керак - агар авваллари киприк ёпиштириш тажрибасига эга бўлмаган бўлсангиз, кўп қатламли киприкларни ёпиштирмаганингиз маъқул. Кўзлар макияжига боқишингизни “очадиган” ва пирпиратиб турадиган қилиб қўядиган бир неча киприклар тутамини қўшиш тавсия қилинади. Тўй макияжига nude палитрасидан, оч жигарранг ва кофе тусини берувчи, шунингдек оқартирилган охра рангидаги тенлар ҳам ярашади. Мантиққа зид бўлсада, бироқ керакли юмшоқликдаги нигоҳни айнан smoky-eyes шакли яратади ва керакли порциядаги эътиборни жалб қилади. Стрелкалар ёки мураккаб ранглар гаммаси қанчалик ярашишини бошқа кечаларда тажрибадан ўтказиш мумкин. Шунингдек, кўзлар макияжини яратганда, қошлар ҳақида ҳам унутмаслик керак, улар ҳам бутун кун давомида сизнинг ҳиссиётларингизни намоён қилади.

Лаблар макияжида тўхталадиган бўлсак, шафтоли ранг, қизғиш, маржон ва қирмизи рангдаги лаб бўёқлари энг яхши ечимдир. Асосийси, танлаб олинган лаб бўёғи ўта ёрқин рангда бўлмаслиги керак – “сокинроқ” ва жилосиз текстуралардан фойдаланганингиз афзалроқдир. Ранги мос келадиган аниқ контур “қучоғида”ги ўнгмайдиган лаб бўёғи аъло даражадаги ечим бўлади.

Индивидуаллик ҳақида ҳам унутманг – агар кўнглингиз ранглар тонидаги оч бинафша рангли тенларни истаб қолса – таваккал қилинг. Лекин оддий қоидани унутманг: синовдан ўтказилмаган макияж ёки соч турмагига эътибор қаратмаганингиз маъқул.

Куз мўл-кўл мевалар расталаридан бошлаб то лаблар макияжидаги сершира тусларгача – барчасини ўзининг рангли ўйинларига жалб қилади ва уларга хўжайинлик қилади. Обзоримизда Сизнинг табассумингиз учун учта асосий бьюти-трендни тақдим этамиз.

Шафтолидан ҳам ширин

Умумий макияждаги каби, лаблар макияжида ҳам айнан шафтоли ранги асосий ранглардан бири бўлиб қолади. Маржон шодаларини эслатувчи илиқ туслар, романтик сифатида донг таратиш истагида бўлган ҳар бир макияжда иштирок этади. Мэйк-ап бўйича рассомлар ва стилистлар айнан шафтоли рангли ёғупаларни афзал кўришиб, ёноқлар макияжида ҳам шафтоли рангини такрорлашни, ўта дадил хонимчаларга эса кўзларида лаб тонига мослаб шафтоли рангли стрелкалар чизиб олишни тавсия этадилар. Мазаси эса оғизда қолади!

Менинг қора тунларим

Муҳокамаларга қараганда, Dior, Lancôme ва L’Oreal каби бьюти-гигантлар учун макияжнинг илҳом париси айнан шу фильм бўлди. Олхўри ранг лаб бўёқлари ва лаблар учун ялтироқлар мода подиумларига ҳужум қилдилар. Дунё стильчиларининг асосий кўрсатмасига биноан, маймунжон ва черника рангидаги лаблар - кўзлари минималистик макияжли, юзининг тони текис ва ёғупа деярли билинар-билинмас сезилиб турадиган аёлларга мос келади. Дадил бўлинг, ширинликхўрлар!

Линиядан чиқиш

Лабларнинг бирор контур иштирокида намоён бўладиган “пала-партиш” макияжи етарли даражада ушбу кузнинг трендига айланади. Чегаралагич сифатида қалам билан чизиладиган геометрик симметриядан воз кечинг. Лабларингизни кўнглингизга ёққанича бир текис бўянг. Эътиборга лойиқ томони шунда-ки, олхўри ранг, охрали, малина ва ҳатто шоколад ранглар “рамкалардан ташқари” севимли тусларга айланади. Асосий яхши томони – вақтни тежаш, бироқ бунинг ҳаммаси макияжни кейинроқ “тузатиш” шарт эмас дегани эмас.

Мана шу вақт келди: сиз сочларингизни бўяшни бошладингиз. Кимдир бунга таваккал қадам босиб бошлаган бўлса, кимлардир эса бир неча мавсум давомида бўяб юради. Ҳар қандай аёл учун бўялган сочларнинг якуни бешта оддий қоидадан иборат бўлиб, қуюқ сочларни максимал тарзда соғлом ва гўзал ҳолда сақлаш учун уларга қатъий равишда риоя қилиш керак.

Барча ортиқча нарсалар йўқолсин

Сочларнинг ўлаётган учларини қийнамаслик учун, сочларингизнинг гуллаб кетган учларини қирқиб туришга одатланинг. Оҳ дейсизми, дод дейсизми, бироқ сочларингизни қандай парваришламанг, сизга номақул бўлган гуллаган сочлардан деярли қутулиб бўлмайди. Сочларингизнинг ўсишини тезлаштириш ва уларни носоғлом давомийлик билан оғирлаштирмаслик учун, сочларингизни бир-бир ярим ойда кесиб туринг.

Тўйинтириб кўпайтир

Ривожланган косметик технологиялар асрида ёрдамчи воситаларнинг пайдо бўлишини инкор этиш шунчалик аҳмоқгарчилик ҳисобланади. Ҳозирги вақтда дунёнинг энг кучли брендлари бўялган сочларни савдохонлик билан парваришлашни таклиф этмоқдалар. Махсус воситалар ичида сочларнинг учлари учун кўплаб кондиционерлар, тўғирлагичлар, зардоблар ва мойларни топиш мумкин. Оқилона ечимларга эътиборсиз бўлмаслик керак, фақат айнан сиз учун мос келадиган комплексни топишнинг ўзи кифоя. Кўплаб сонли тюбик ва банкачаларга қўйилган "Бўялган сочлар учун" махсус маркировкалар ҳақида ҳам унутманг – экспертлар сиз учун керакли нарсаларни аллақачон ўйлаб топишганлар. Қуёшли муҳитда, ҳоҳ пляжда дам олиш вақтида, ҳоҳ тоғда чанғи учиш вақтида бўлсин, ўз мавридида сочлар учун махсус ҳимояловчи мойлар ва спрейлар ҳақида унутманг – ўта фаол қуёш шусиз ҳам кучсизланиб бораётган бўялган сочларни заифлаштиради.

Кондиционердан фойдаланиш

Асосий қоидалардан бири бошни билимдонлик билан ювишдан иборат бўлиш керак. Биринчидан, бўялган сочларни ҳафтасига камида икки марта ювиш керак (сочларингиз шунга ўрганиб қолганига шикоят қилманг, бўлмаса бош терингизни "алдаб", уларни қайтадан одатлантиринг). Иккинчидан эса, ҳар сафар бош ювганда сочлар учун бальзам-чайгичлар ва кондиционерлардан фойдаланиш керак. Ушбу воситалар икки қуённи бирданига ўлдириб, сочларингизни тўйинтириб, тезроқ қуришига ҳам ёрдам беради.

Қурут, лекин қовжиратиб ташлама

Соғлом сочларнинг асосий арконларидан бири – уларни тўғри қуритишдир. Бош ювилгандан сўнг сочларни артмаслик керак – бунда соч пластинкаларини қатламлантириб юборасиз. Яхшиси, сочларингизни сочиқ билан намлигини тортиб олишга ёрдам бериб артганингиз маъқул. Шунингдек, шу каби муолажадан сўнг бошингизни фен билан қуритманг – сочларингизни бироз нам ҳолатда қолдиришга одатланинг. Бўялган сочлар эгаларига мутахассислар стайлерлар, плойкалар ва тўғирлагичлардан камроқ фойдаланишни тавсия қиладилар – қизиган темирнинг таъсири натижасида, шунсиз ҳам қовжираб қолган сочларингиз синади.

Бир, икки ва сочлар таралди

Бажариб бўлмайдиган қоидалардан бири – сочларни йилига камида икки марта илдизидан тортиб то учигача бўяш ҳисобланади. Илдизларни ҳар ойда бўяш заруратини ҳеч ким сўрамайди, бироқ бўёқни сочнинг бутун узунлиги бўйича чўзишдан сақланинг ва сочларингиз сизга "раҳмат" дейди. Илдизлар қуриб қолган соч учларига қараганда кўпроқ тўйиниш олишини унутмаслик керак.

Ўз сочларингизни асранг ва доимо гўзал бўлинг!

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Артём Дробышевнинг исми Ўзбекистоннинг мода индустрияси олимпида аллақачон намоён бўлган. Артём ўзининг эпатажли ва эклектик кийимлар коллекцияларини Тошкентда ўтказиладиган модалар ҳафталикларида доимий равишда намойиш қилиб келганлиги туфайли, томошабинлар ичида кенг танилди. Бизнинг блогимиз билан ўтказилган интервьюда Артём гўзаллик индустриясига қандай қилиб кириб келганлиги, бу нарсадан ҳеч қачон воз кеча олмаслиги ва мукаммал образ яратиш ҳақида сўзлаб берди.

Сиз гўзаллик индустриясига қандай қилиб келиб қолгансиз? Бу онгли равишда қабул қилинган қарор бўлганми?

Ҳаммаси эрта ёшлигимда, яъни 14-15 ёшларимда бошланган – менда дунёни гўзал қилиш орзуси туғилди. Аслида, касбим бўйича рассомман. Мен доимо бутун образлар яратишга қизиқиб келганман, ва атрофимни доимо менинг бошлаган ишларимни қўллаб-қувватлаб турган ва менга ишонч бағишлаган одамлар ўраб турган. Ўз мавқеимни институтда ўқиб юрган вақтимда, 18 ёшлигимда визажист ва гример сифатида бошлаганман, ўшанда мен клипларни суратга олиш ишларида иштирок этганман. Тахминан, ўша ўқиб юрган вақтларимда, кийимлар яратиш билан шуғуллана бошладим – бу мен учун жуда қизиқарли ва кўламдор машғулот бўлган. Сўнгра модалар ҳафталиклари бошланди, ва мен ҳам баъзилар каби тайёр намуналаримни – нафақат дизайнерлик кийимларини, балки соч турмаклари ва макияжларни ҳам «топшириб» турганман.

Студиямизнинг тез-тез келиб турадиган меҳмонлари асосан бутун мамлакатга машҳур бўлган таниқли аёллар, юлдузлар ҳисобланади.

Машҳур мижозлар билан ишлашнинг хусусиятлари нималардан иборат?

Аслида бунинг маълум хусусистлари йўқ. Аёл руҳиятини сеза олиш ва унга у ҳақиқатдан ҳам гўзал аёл эканлигини эслатиб туриш муҳим саналади. Бу унинг хусусиятларини таъкидлаб туриш, унга мақтов сўзлари айтиш ёки шунчаки унинг ноёблигини тан олишга ёрдам беришкўринишида турлича бўлиши мумкин. Мен ўзимнинг ҳар бир мижозимга эътибор билан муносабатда бўлишга ҳаракат қиламан.

Барча аёллар учун универсал маслаҳатлар мавжудми ёки сиз маълум бир инсонга тиралиб тавсиялар берасизми?

Маслаҳатлар турлича бўлади, демак универсал ечимни ҳам топиб бўлмайди. Агар менинг мижозларимда ташқи кўриниш ҳақида саволлар туғилса, мен максимал тарзда "аниқ" жавоблар беришга ҳаракат қиламан. Мен кўплаб сонли аёллар билан ишлайман, бу дегани хато, тилёғламачилик ва ёлғончилик қилишга ҳақли эмасман. Менинг тажрибамга ишонаверинг: ким гапга қулоқ солса – хотиржам қолади. Асосийси – ўзига ишониш ва ўзининг мукаммал эканлигини билиш керак, шунда ҳамма нарсага эришиш мумкин – бу ҳар бир аёлнинг шиори бўлиши керак.

Сиз ўз қомматингизни кузатит боришга ҳаракат қиласизми? Ва буни қандай қиласиз?

Биринчи ўринда мен овқатланишимни кузатиб бораман, мен кўп ва лаззатли таом танаввул қилишни жуда яхши кўраман, бироқ бу ҳар сафар овқатланганда худди охирги марта овқатланаётгандек бош кўтармай овқат ейиш керак дагани эмас. Соғлом турмуш тарзи – бу биринчи ўринда ўзини ўзи севиш дегани. Ўз организмингизга эътиборлироқ бўлинг, ва шунда сиз унинг ҳам сизга нисбатан қандай жавоб бераётганини кўрасиз. Асосийси – ошириб юбормаслик керак.

Нималарсиз ишлай олмайсиз?

Бир шиша сув ва яхши кайфиятсиз. Иккинчиси, ўз ўрнида айнан иш вақтидакелади, чунки жараёнга бутун юрагим билан берилиб кетган бўламан.

Сиз нимани ўзингизнинг асосий ютуғингиз деб ҳисоблайсиз?

Ўз мижозларимнинг қувончли юзларини ва уларнинг менинг кресломга қайтиб келишларини.

2016 йил ёз мавсумининг асосий мода йўналишлари нималардан иборат бўлади?

Бу мавзуда ақл ўргатмоқчи эмасман, ахир ҳар бир косметик бренд ўз стили амри билан косметикалар линиясини чиқаради. Ва бу шундайлигича бизгача етиб келади. Менинг асосий маслаҳатим – ўз плюс ва минус томонларини билиш, ўзининг ташқи кўринишини ҳушёрлик билан баҳолаш ва мавсумий янгиликларни билимдонлик билан ўлчаш керак. Экспериментлардан қўрқманг, бироқ уларга кўзларингизни юмманг.

Қайси тренд ҳамиша сақланиб қолади?

Яхши дидлилик. Нима модада бўлишига қарамай, яхши дидга эга бўлган аёллар ҳар доим ўзларига эътибор қарата оладилар.

Бизнинг ўқувчи аёлларимизга қандай тилакларингиз бор?

Мен қизларимизга доимо бахтли, ўзларини ўзлари мукаммал деб билишларини ва гўзал бўлиб юришларини тилайман. Ўзингизни ҳурмат қилинг ва севимли бўлинг. Косметикани кечки вақт ювиб ташлаш мумкин, лекин ички ҳисларни ювиб бўлмайди, шунинг учун ичингизда нур сочиб туриш ва ўзингизни беҳуда уринтирмаслик жуда муҳим саналади.

Makeup блог учун Артем Дробышев
https://www.facebook.com/artem.drobyshev/
https://www.instagram.com/artdrobyshev/

Голливуд актрисалари, фото-моделлари ва таниқли it-girlлар гўзаллигининг сири нимада эканлигини биласизми? Биз эркакларнинг юракларини забт этувчи хонимларининг ташқи кўринишидан нималар ҳоҳлашини биламиз ва бу рўйхат сирини сиз билан бўлишамиз.

Кўзлар

Энг асосийси – кўнгил ойнасидан бошлаймиз. Кўзларга тўхтайдиган бўлсак – бундаги қоидалар жуда оддий. Асосийси киприкларни ўзингизнинг типажингиз қандай имкон берса, шундай тарзда серҳашам қилиб олганингиз маъқул. Айнан серҳашам киприклар боқишингизга сирлилик, нозлилик ва романтизм бағишлайди.

Кўзларингизнинг бенуқсон макияжи – ингичка, нафис стрелкалар билан тугатилади. Асосийси: Эми Уайнхаузнинг образини такрорламанг – чаккагингизгача ҳеч қандай энли учирма ҳошияларнинг асло кераги йўқ! Ингичка ва ихчам стрелкалар боқишингизни керакли меъёрда мушукникидай ва ишвали қилиб кўрсатади. Бундай усулдан кўпинча Муниса Ризаева фойдаланади ва бу қўшиқчининг ишвали руҳиятига тўлиқ мос келади.

Кўз макияжининг учинчи аркони - «нам» тенлардир. Смоки-айс – нафақат эркаклар жамиятининг танлови. Эркак кишилар кўзларингизнинг атрофида сокин оч рангдаги туслар билан яратилган кўз қисишни рост баҳолаб оладилар. Асосийси – ошириб юборманг ва кўз макияжини батамом оқ доғ билан қилмаслик керак.

Юз

Подиум юлдузлари руҳиятидаги чизилган ёноқлар ҳақида унутинг. Чунки ҳақиқий ҳаётда бу «муносиб» баҳоланмайди. Кўпчилик эркаклар учун энг жозибали бўлиб... лунжлар ҳисобланади! Ва бундай хусусиятни таъкидлаб ўтиш учун, у ерга енгил қатламли пушти-қизил рангли ёғупа суртишнинг ўзи кифоя. Ёқимли табиий ёғупа юзингизни соғлом ва тетик кўрсатади.

Лаблар

Сиз ишонмаслигингиз мумкин, бироқ эркаклар учун энг ёқимли лаб бўёғи - табиий ранг саналади. Нозик шафтоли, пушти ранг, нюдли туслар – шуларнинг ўзи етарли. Гап қизил рангли лаб бўёғи провокацион излар қолдириши ҳақида эмас, балки лаблар учун ялтироқ кўпинча ҳаддан ташқари ёпишқоқ эканлиги ҳақида кетмоқда. Гап шундаки, табиий туслар кўпинча ёш ташувчининг ёшини сезиларли даражада камайтиради (мимик ўзгаришларни қайд этмаган ҳолда), шунингдек образингизга тетиклик бағишлайди. Ушбу юришга кўпинча топ-модель Ирина Шейк мурожаат қилади.

Кулларингиз

Бу ерда эркаклар икки лагерга бўлинадилар – бир томондагилар оғизлари кўпириб ёрқин-қизил рангли тирноқлардан яхшироқ ҳеч нима йўқлигини исботласалар, иккинчи томондагилар тирноқ эговчаси билан эҳтиёткорона тозаланган нюд шики тарафдори бўладилар. Иккала томон ҳам чизнинг ёрқин маникюридан бошлаб то классик френчгача бўлган «отишиш»ларингизни қабул қиладилар, бироқ севикли эркагингиздан сўраш ҳеч қачон ортиқчалик қилмайди. Қизил рангли тирноқлар соҳибасига жозибали бўлиб кўрсатиши ҳақида изоҳ бериб ўтамиз. Жилоли қизил маникюр – деярли ҳар бир эркакнинг юрагига йўл топиш дегани. Туслар, фактуралар ва шакллар билан билимдонлик қилманг – яхшиси эҳтиёткорлик билан маникюр қилинг ва бир текис бўяганингиз маъқул.

Кетма-кет бир неча мавсум давомида мода жамоатчилигининг эътиборидан яширинган френч ишқивозларида тўхталадиган бўлсак, бу қарор ҳеч қачон эркакларнинг жонига тегмайди.

Аура

Умумий образни жозибалироқ ва тетикроқ қилишга енгил тусдаги офтобдан куйиш ёрдам беради. Бахтни қаранг-ки, ҳали ҳам биз аристократик рангсизлик оммабоп бўлган викториан даврида яшамаяпмиз. Ҳозир енгилгина зайтун ёки бронза кўринишдаги тери нафақат терингизнинг соғлом рангини, балки у сизнинг фаол ҳаётий позициянгизни ҳам кўрсата олади. Агар ёз мобайнида бирмунча офтобда тобланишнинг иложи бўлмаган бўлса, бу мушкул эмас, бизнинг йўриқномамизга риоя қилган ҳолда, дам олиш кунлари сув ҳавзасига йўл оламиз.

Ушбу гўзаллик байрамини ҳошиялашни оддий кокиллар бажаради. Ҳа, худди ўша, бири “дазмол” ёрдамида қунт билан тортиб узайтириб қўйиладиган, бошқалари эса жингалак қилиб қўйиладиган кокиллар. Эркакларнинг ярмидан кўпининг онгида айнан кокиллар “орзудаги қиз” образини шакллантиришнинг якунловчи қисми саналиши эҳтимолдан ҳоли эмас. Бундай образга фусункор овоз соҳибаси бўлган қўшиқчи Лоланинг тимсолини мисол тариқасида келтириш мумкин.

Ўзингизга садоқатли бўлинг, бироқ бироз муғомбирлик қилишдан рад этманг – натижаси сизни кўп куттириб ўтирмайди.

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.