MAKEUP BLOG

Туш – кундалик макияжнинг энг муҳим компонентларидан бири ҳисобланади. Агар қизлар эрталабки вақтларида макияжга бироз вақт сарфласалар, туш ҳам айнан мана шу маросимга кириши муқаррардир. Бироқ узоқ йиллар мобайнида сизнинг содиқ ёрдамчингизга айланиши мумкин бўлган, айнан ўзингизнинг, ягона ва севимли тушингизни танлаш унчалик осон иш эмас.

Туш танлашда кўп нарса унинг чўткачасига боғлиқ.    

Бир хил узунликдаги мўйли классик чўткача воситанинг бир текис тақсимланишини таъминлайди. У киприкларга узунлик ёки ҳажм қўшмайди, фақат уларни ипакдек майин қилиб, бўяб қўяди ҳхолос. Кўзларнинг табиий гўзаллигини алоҳида кўрсатиш учун жуда мос келади.

Мўйлари спирал бўйлаб жойлашган чўткача қаттиқ киприкларни бўяш ва ажратиб қўйиш учун мўлжалланган.

Силиконли чўткача — ноёб конструкция бўлиб, унинг ёрдамида тукларни аъло даражада бўяш ва уларнинг узунлигини катталаштириш мумкин.

Қалин мўйли конуссимон шаклдаги чўтка анъанавий тарзда киприклар учун ҳажмли тушда ишлатилади. Мўйқаламининг ностандарт шакли киприкчаларни аъло даражада бўяш ва уларнинг ажратиб қўйилишини таъминлайди. Ундаги  тукчалар қанчалик қалин бўлса, киприклар шунчалик синчковлик билан бўялган ва ҳажмли боқишга эга қилиб кўрсатади.

Чўткачалар нафақат шакли билан, балки мўйчаларининг узунлиги билан ҳам фарқ қилади. Узун мўйли вариантлар киприкларни яхши бўяйди ва уларнинг ҳажмини катталаштиради. Калта мўйчалар эса кўзларнинг бурчакларида жойлашган унчалик катта бўлмаган тукчаларни  аъло даражада бўяш учун зарур бўлади.

Қалта ва узун мўйлар бирлашиб турадиган чўткалар иккиламчи самарага эга. Киприклар учун қайирувчи туш шундай анъанавий вариантлар билан таъминланган. Бундай вариант ёрдамида аъло даражадаги ҳажмни яратиш ва барча киприкларни тўлиқ қайириб қўйиш осон кечади.

Таасуроти бўйича қуйидига турлардаги тушлар мавжуд:

Узунлаштирувчи туш: унинг таркибида киприклар узунлигини катталаштирувчи махсус узайтирувчи компонентлар ) ипак толалари, микрокротлин) мавжуд. Агар сизга узун киприклар таасуроти керак бўлса, унда L'orealParisнинг MascaraTelescopic Қора рангли тушидан фодаланинг. 

Ҳажмли туш. Унинг таркибига киприкларнинг бир бирига ёпишиб қолишига ва ҳажмли кўринишига таъсир кўрсатувчи, ҳар бир киприкчани “қалинлаштирувчи” плёнкача билан ўраб қўядиган мум микро-гранулалари қўшилган. Киприкларнинг ҳажмини катталаштириш учун, шунингдек турли қўшимчалардан (кўмир чанги ёки майда толалардан) фойдаланилади. Бундай тушнинг чўткачаси бир текис жойлаштирилган мўйли ёки махсус қайирилиб турадиган мўйли бўлади. Ҳажмли киприкларга эришиш учун Colossal Go ExtremeотMaybelline тушидан фойдаланиш мумкин. 

Қайириб қўювчи туш. Бунда киприкларни қайириб қўйиш таасуроти калта мўйли махсус букилган чўткача билан қайириш ҳаракатларини бажариш орқали яратилади. Киприкларнинг юзасида қуриб қолганда тортилиб қоладиган, айнан киприкларни қайириб қўювчи қатлам ҳосил қиладиган махсус таркиб (кератин, қатрон) ёрдамида киприкларни қайириб қуядиган тушлар мавжуд. Ушбу таасурот учун Bourjois томонидан чиқариладиган VolumeGlamourUltraCurlBlack тушини синаб кўринг.  

Қисқача хулоса:

1. Силиконли чўткачалар “ўргимчак панжалари” таасуротини яратиб, кўпинча, айниқса киприклар ингичка ва юмшоқ бўлса киприкларни ёпиштириб қўяди.

2. Агар сизнинг киприкларингиз қалин бўлса, узун тукли чўткачани танлаганингиз маъқул, калта тукли чўткачалар уларни “тарай олмайди”.

3. Агар сизнинг киприкларингиз узун ва қаттиқ бўлса, унда чўткача етарли даражада қаттиқ, бироқ узун тукли бўлади.

4. Агар сизнинг пастки қовоғингиз унчалик катта (баланд) бўлмаса, ёки кўзларингизнинг қирқими монголоид турига хос бўлса, унда киприклар учун чўткачалар жуда ингичка бўлиши керак.

5. Чўткачанинг ўлчами (узунлиги ва эни) ўзининг шакли бўйича сизнинг кўзингизга эргономик тарзда мос келиши керак. Бу ўта шахсий ҳисобланади.

Ва асосийси, ёдингизда тутинг: мода ортидан қувманг ва рекламаларга ишонаверманг – ахир бир айлантириб ҳам ҳажмга, ҳам узунликка ва парваришга эришиб бўлмайди. Айнан сизга ва сизнинг киприкларингизга мос келадиган тушни танланг ва доимо бетакрор бўлинг!

Юқори технологиялар даврида интернет-шопингдан қулайроқ нарса йўқ. Кимдир тармоқ кенгликларида кийим қидиришга отланса, яна бошқалар техника қидирадилар, яна бошқа бировар эса - сайтларда косметика харид қиладилар. Бизни мана шу сўнггиси кўпроқ қизиқтиради, ва айнан шунинг учун биз ўзимизнинг онлайн-дўконимизни очдик. Косметикани қандай қилиб тўғри танлаш ва тармоқларда саватларингизни “маҳсулотлар” билан тўлдириб олганингизда қандай хатоларга йўл қўймаслик кераклиги ҳақида сўзлаймиз.

Қулайлик – онлайн-шопингнинг асосий ижобий томони, ахир ҳамма исталган нарсани энди хонадонингизни ёки офисингизни тарк этмасдан топишингиз мумкин. Хўш, харидни нимадан бошлаш керак?  Ўз косметика қутичангизни ўрганишдан ва мавжуд бьюти-маҳсулотларнинг таҳлилидан бошлаганингиз маъқул. Биз сизларга яроқлилик муддатларини аниқлаш ҳақида сўзлаб ўтган эдик. Демак, агар у ёки бошқа бьюти-воситага яроқлилик муддатининг якунланиши таҳдид солаётган бўлса, тежамкорлик қилманг ва белгиланган муддатдан икки ой ўтиб кетганлиги сиз билан ёвуз ҳазил қилмаслигига умид қилманг. Косметика қутичангизни тартибга келтиргандан сўнг,  айнан нима кераклиги борасида бироз ўйлаб кўриб, сўнгра тармоқ кенгликларига йўл оламиз.

Агар сиз мавжуд воситангизни худди шу сериядаги яна ўшандай воситаларнинг янгиларига алмаштиришга қарор қилган бўлсангиз, сизга осонроқ бўлади, ахир у сизга тўғри келиш-келишмаслиги ҳақида ўйланиб ўтирмайсиз. Агар сиз таваккал қилиб, бирор янги нарсага ёрдамга мрожаат қилишга қарор қилган бўлсангиз, унда ишлар бироз мураккаб кечади. Синаб кўрилмаган туш, лаб бўёғи, тус берувчи восита ёки мукаммал образ яратиш учун керакли бўладиган бошқа “ёрдамчилар” сотиб олишингиз учун, яхшиси мазкур товар ҳақидаги мулоҳазалар билан танишиб чиқинг ва товарнинг сайтдаги тавсифини синчковлик билан ўқиб чиқинг. Масалан, қуруқ юз териси эгаси бўлсангиз, ҳеч ҳам тус берувчи кремдаги намлантирувчи компонентларнинг йўқлигини эътиборсиз қолдирманг.

Лаб бўёғи, тенлар ва бошқа “бўяниш” воситаларини танлаш бобида эса – вақтингизни аяманг ва тақдим этилган барча рангларни тўлиқ ўрганиб чиқинг. Очдингизми? Унда тақдим этилган маҳсулотни терининг туси билан таққослаймиз.  Масалан, оқ-чинни рангидаги тери эгаларига илиқ тусдаги косметика тўғри келмайди, териси зайтун тусли қизлар эса, улардан воз кечмаганлари маъқул. Аммо буғдой рангли хонимларга улар жуда ҳам ярашади! Кўпинча тенлар палеткаси айнан юз тонига таяниб – бир тўпламда турли тусларнинг илиқ тонларини топишингиз мумкин бўлган вақтда, бошқаларини милтиллаб турувчи совуқ тонлар тўлиқ қоплаб олган бўлади.

Қандай ҳолатларда интернет орқали берилган буюртма ўзини оқлайди? Агар сиз буюртма берилган маҳсулотни яхши билсангиз,  ва агар сизнинг мамлакатингизда сиз истаган товарни топишнинг иложи бўлмаган тақдирда, ва яна сиз ўз вақтингизни, пулингизни тежаш (йўл ҳақини энг кам миқдорда тўлашингиз мумкин) ва маҳсулот учун ҳар қандай усулда тўлаш ниятида бўлганингизда.

Қандай ҳолатларда интернет орқали буюртма бериш устида ўйлаб қўриш зарур бўлади? Агар дўкон сертификатларга эга бўлмаса, тўлов фақат нақд пул орқали қабул қилинадиган, агар сизни олдиндан тўлов ўтказишга мажбурлашаётган бўлсалар ёки сизнинг дўконингиз текшириб кўришнинг иложи бўлмаган шубҳали обрўга эга бўлган ҳолларда.

Агар сиз барибир ҳам ўзингизда у ёки бошқа косметика воситасини синаб кўришни истасангиз, унда ўз вақтингизни аямай, тестдан ўтказиб кўриш учун отланинг. Мана, масалан makeupshop.uz косметикасини бизнинг дўконимиздаги махсус тестер-дескларда синаб кўришингиз мумкин. Сизларга омадли харидлар ва  ёқимли бонуслар тилаб қоламиз!

Ҳамманинг териси ҳар хил ва косметикага ва уларни тозалаш учун  мўлжалланган воситаларга турлича таъсир кўрсатади. Шунинг  учун макияжни нима билан ювиш борасида ягона маслаҳат йўқ. Энг яхшисини ажратиб, битта универсал воситанинг номини келтириб бўлмайди. Кимгадир сутли восита мос келса, яна бошқага – мицелляр сув тўғри келади.

Биринчидан, энг асосийси – макияжни доимо уйқудан аввал тозалаш керак. Қанчалик чарчаган бўлишингизга қарамай, эрталаб панда айиғига ўхшаб кўринмаслик ва кейинчалик косметолог ёки терини даволаш ва барвақт ажинларни йўқ қилиш ҳақида маълумотлар қидириб юришни истамасангиз, буни албатта қилиш керак.

Агар сизнинг терингиз ёғли ёки комбинацияланган бўлса, макияжни сув ва турли кўпиклар, ювиниш учун геллар ёрдамида ювиб ташлашингиз мумкин. Мазкур воситалар енгил консистенцияли ва шамоллашга қарши ва антибактериал хусусиятларга эга. Масалан, L'oreal Paris томонидан чиқариладиган Поёнсиз Софлик DE Трио Актив гели таркибида совун ва парабенлар мавжуд эмас, у терини тозалаб ва софлантириб, уни намлантиради ва том маънода қайта тиклайди. 

Қуруқ ва нормал тери эгалари учун сутли восита тўғри келади. У макияжни ювади, терини тўйинтиради ва намлантиради. Масалан, Bourjois томонидан чиқариладиган софлантирувчи Lait Frais Demaquillant сутли воситаси. У анча енгил, бироқ шу билан бирга ўта самарали текстурага эга бўлиб, у юз териси билан алоқада бўлганда мукаммал тозаланишини таъминлаб, софлантирувчи янги авлод гелига айланади. Формуласи ўзининг намлантирувчи хусусиятлари билан машҳур бўлган  бодрингнинг катакли экстракти билан бойитилган. Фойдаланилгандан сўнг у терини юмшоқ ва майин қилиб қўяди.   

Агар сизнинг терингиз нозик ва таъсирчан бўлса, унда косметикани қаймоқ қўшиб ювиш тавсия этилади. У терига жуда юмшоқ таъсир кўрсатади, чунки таркибида ёғ мавжуд. Шунингдек сизга макияжни кетказиш учун мўлжалланган лосьон ҳам тўғри келади. Garnier томонидан чиқариладиган “Эксперт тозалаш” деб номланувчи макияж кетказадиган лосьонни ҳам синаб кўринг. Экспресс Лосьон  сувга чидамли бўлган макияжни ҳатто кўздан ҳам,  излар ва ёғли плёнка қолдирмасдан ортиқча ишқаламасдан тўлиқ кетказади.  

Юқорида қайд этиб ўтилган воситалар қўлланилганидан сўнг косметика қолдиқларини лосьон ёки тоник билан кетказиш мумкин. Garnier томонидан чиқариладиган Эҳтиёткор парвариш тонники ҳам мос келади. 

Косметика дастлаб  лабдан, сўнгра кўзлар ва юз терисидан ювиб кетказилади. Лаблар бурчаклардан ўртага йўналтирилиб  тозаланади. Тенлар кўзларнинг ташқи бурчаклари томонига оҳиста ҳаракатланиб ювилади.

Айнан ўзингизга мос келадиган нарсани танланг ва доимо гўзал бўлиб қолинг!

Сиз ўз косметика қутичангизда қачон текширув ўтказгансиз? Тўғри, ҳозирги вақтда косметика арзон турмайди, бироқ агар сизнинг севимли тушингизнинг яроқлилик муддати ўтиб кетган бўлса, яхшиси ундан тезроқ қутулган ва ўрнига янгисини сотиб олганингиз маъқул, чунки бу сиз учун жиддий муаммолар туғдириши мумкин. Қисқача қилиб айтганда, эскириб қолган туш ҳатто конъюнктивитгача бўлган касалликка олиб келиши мумкин. 

Қаламларни тез-тез ўткирлаб туришингиз мумкин. Тус берувчи кремни дозаторлигини олганингиз яхши – у ҳавонинг  кириб қолишини камайтиради, бу эса оксидланиш жараёнини секинлаштиради.

Бир сўз билан айтганда, янги косметика ҳам «пенсионер»дан яхши тўлади.

Шундай қилиб, косметиканинг ҳар хил турларини қанча сақлаш мумкин:

Туш – 2-4 ой

Тус берувчи крем – 5-12 ой

Консилер – 18 ой

Упа – 18 ой

Упали ёғупа – 18 ой

Ихчам ёғупа – 2 йил

Шарикли ёғупа – 2 йил

Кремли ва гелли ёғупа – 1,5 йил

Прессланган тенлар – 3-12 ой

Кремли тенлар – 4-5 ой

Лаб бўёғи – 12 ой

Лаб учун ялтироқ – 8-10 ой

Тирноқлар учун лак – 12 ой

Суртма – 3 ой.

Яроқлилик муддати доимо ўрамда – қутичада ва флакон/тюбикнинг ўзида кўрсатилади. Бироқ очилмаган ўрамда кўрсатилган сақлаш муддати, сиз фойдаланаётган косметиканинг яроқлилик муддатидан фарқ қилади: масалан, ўрами ёпиқ тус берувчи кремни уч йилгача сақлаш мумкин, бироқ флакон очилгандан сўнг унинг яроқлилик муддати ишлаб чиқарувчига қараб 5-12 ойни ташкил этади. Фарқ сезиларли, тўғрими.

Ўрам очилгандан сўнг косметиканинг яроқлилик муддати косметика банкасининг белгиси билан белгиланади. Юқоридаги рақам – сақлаш муддати шартларига риоя қилинган ҳолда ишлаб чиқарувчи маҳсулотнинг сифатига кафолат берадиган ойлар сони.

Бактериялар нафақат маҳсулотларнинг ўзида, балки суртиш учун мўлжалланган нарсаларда ҳам жойлашиб олиши мумкин эканлиги ҳам анча аҳамиятли, шунинг учун мўйқаламларни йилига бир марта, спонжларни эса – ҳафтасига бир марта алмаштириб туриш керак.

Агар сизнинг юзингизда инфекциялар – айниқса кўзлар ва лаблар билан боғлиқ –пайдо бўлган бўлса – касал бўлган вақтингизда фойдаланган маҳсулотларни ташлаб юборинг.

Ўз саломатлигингиз ҳисобига тежамкорлик қилманг! Соғлом ва гўзал бўлинг!

14 – сана осмонда ой тўлиши кутилмоқда – асабларингизни асранг, яхшиси иссиқ кўрпага бурканиб олинг, ҳеч қаерга борманг ва ҳеч ким билан гаплашманг! Бироқ, агар бу ушбу аҳволдан қутулиш чораси бўла олмаса, унда шунчаки эҳтиёт бўлинг).

Қўй

Сизнинг ҳафтангиз тўлиқ муваффақиятли, осон ва бемалол келишга ваъда бермоқда. Раҳбариятнинг олдига хизмат мавқеингизни кўтариш, иш ҳақингизни ошириш ёки эрингиздан Янги йилга кўйлак сотиб олиш учун пул сўраш учун дадиллик билан йўл олинг. Ҳар қандай ҳатти-ҳаракат муваффақият билан тугайди!

Бузоқ

Бузоқлар эса таваккал қилмаганлари маъқул. Яхшиси кейинги ҳафтагача кутиб туринг – шунда ишончлироқ бўлади. Харидлар ҳақида қарор қабул қилишга шошилманг – балки орзуингиздаги кўйлак сизни бурчакдаги қайсидир бир дўконда кутаётгандир.

Эгизаклар

Эгизаклар учун ҳафта мураккаб кечади, бироқ сиз бунинг эпидан чиқа оласиз. Нима ҳақида гапирсангиз ҳам, ўйлаб гапиринг. Дам олиш кунлари бироз бўшашишингиз мумкин, ўзингизга дам олиш имконини беринг, гўзаллик салонига навбатга ёзилинг.

Қисқичбақа

Ҳали якун ясашга эрга. Барча қизиқ нарсалар ҳали олдинда. Яқин одамларингиз билан баҳслашмасликка ҳаракат қилинг. Ҳавога қараб кийининг, вазнингизни кузатиб боринг. Спорт залига ёзилинг. Витаминлар истеъмол қилишни бошланг.

Арслон

Арслонларга юлдузлар қувноқ ҳафтани башорат қилмоқда. Иш эса  кутиб туради. Айш-ишрат ва дам олиш вақти келди. Суякларингизни силкитиб, дўстларингиз ва яқинларингизни эсланг. Фақат ҳамма пулларингизни Янги йилгача ишлатиб қўймасликка ҳаракат қилинг – ҳали уни кутиб олишингиз ҳам керак.

Паризод

Паризодлар ушбу ҳафтада ўзларига релакс уюштиришлари, СПА салонларига, маникюр, педикюрга боришлари мумкин. Яқинлирингиз ва дўстларингизга  совғалар олишни унутманг – кейин буларнинг ҳаммасига вақтингиз етмай қолиши мумкин.

Тарози

Тарозиларнинг ҳамма ишлари яхши бўлади. Ҳамма нарса изига тушиб, эпақага келиб, тўғирланиб,  кетади. Фақат 14-санада эҳтиёт бўлинг, лекин асосйси –асаб тизимингизни асранг.

Чаён

Чаёнлар учун ҳафта унчалик муваффақиятли келмайли. Сиз турмуш ўртоғингиз билан уришиб қолишингиз мумкин. Лекин кейинги ҳафтада ярашиб олиш имкони туғилади. Ўзингизнинг жонкуярлигингизни, хотиржамлигингизни намоён қилинг ва кутинг.

Ўқотар

Янги йилга уйингизни безатиш билан машғул бўлинг, бутун оилангизни бирга тўпланг. Дўстларингиз билан уйда ўтиришлар уюштиринг. Ушбу ҳафтани илиқлик билан ва уй шароитларида ўтказинг.

Тоғ эчкиси

Тоғ эчкилари бутун борлиқлари билан ишга шўнғиб кетадилар. Яқинларингизга эса сиз жуда ҳам етишмай қоласиз. Ота-оналарингиз ва фарзандларингиз ҳақида унутманг. Дам олиш кунлари хиёбонга сайр уюштиринг ёки тоққа чиқинг.

Қовға

Ҳафтани гўзалликка бағишланг. Салонлар, дўконлар, пардоз, муолажалар – ҳаммаси сиз учун. Ушбу ҳафтада барча синовлар мувафақиятли ўтади.

Балиқ

Балиқлар дам олишлари керак. Телефонингизни ўчириб, тармоқдан чиқинг, бирорта маззали тамо тайёрлаб, кино томоша қилинг.