MAKEUP BLOG

Кимлардир, бизнинг аввалги мақолаларимизда ёзганимиздек, киприкларининг ҳажмини катталаштириш борасидаги бор вариантларни чуғурлашиб муҳокама қилаётган бўлсалар,  бошқа бировлар киприклар қуюқ бўлиб кўриниши учун уларни профессионал бўяш техникасини эгаллашга улгурадилар. Бу борадаги мутахассислар маслаҳатлари билан бўлишамиз.

Киприклар учун тушь Mascara Miss Manga L'Oreal Paris

Тўқ рангни чиқариш

Тўғри чизиб бўяллган кўз - аслида ҳаддан ташқари қуюқ киприклар таасуротини яратишини ҳамма ҳам билавермайди. Хўш, бунинг учун нима қилиш керак? Бунинг бир неча усули бор. Биринчиси – устки ҳаракатланувчи қовоққа киприклар ўсадиган линия бўйлаб чизилади, бу ўта ноқулай муолажа бўлиши мумкин, бироқ у мўжизавий самара беради. Баъзи стилистлар буни сувга чидамли суртма билан қилишни тавсия қилсалар, бошқалари эса кўзларни чаплаб юбормаслик учун воситадан максимал тарзда оддий қутулиш керак эканлигини маъқуллаб туриб оладилар. Киприклар ўсадиган линияни қора ранг билан бўяб, кўз билан қарагандаги илғаш мумкин бўлган ҳажмга ва қуюқликка эришасиз. 

Иккинчи усул – стрелкалар чизиш. Сизга стрелкалар ярашмаслигига шикоят қилмаганингиз маъқул, ахир ҳеч ким сизга айнан Эми Уайнхаус услубини ўзингизга андаза қилиб олишни  маслаҳат бераётгани йўқ. Устки қовоғингизнинг орқасига икки миллиметрлик унчалик катта бўлмаган стрелка чизиб қўйсангиз бас.

Киприклар учун Volum' Express Curved Brush Черный

Ранглар билан ўйин

Тушни босқичма-босқич суртиш – аъло даражадаги ҳунар бўлиши мумкин. Масалан, ҳаммадан биринчи бўлиб жигар ранг ёки тўқ кул ранг тушни суртиб, уни қуритиб бўлганингиздан сўнггина қора ранг билан бўянг. Унчалик мураккаб бўлмаган ушбу юриш контрастларда, айнан – киприкларни анча ҳажмли қилиб кўрсатадиган ранг-тусларда ижро этилади.

Киприклар учун Twist Up The Volume Ultra Black

Бьюти-ҳунарлар

Киприкларга ҳажм бағишлаб борасида энг биринчи ва энг қизиқарли лайфхак – бу киприкларга биринчи қатлам туш сургандан сўнг кенг мўйқалам билан киприкларга упа суртиш. Бу киприкларнинг учига ҳажм қўшади. Упа ўзига тушни бироз “сингдириб” олганидан сўнг (бунга тахминан икки дақиқа кетади), иккинчи қатламни суртишни бошланг. Тушни тўғри суртишда тўхталадиган бўлсак  – бу жуда осон: киприкларингизнинг учини бўяб (бунга муҳим урғу берган маъқул), зигзагсимон шаклда киприк илдизларидан бошлаб уч томонига қаратиб тушни юритиб чиқинг. Бу каби ҳаракатлар киприкларингизни тараб, уларга ҳажм бағишлайди. Ва албатта тушни тўғри танлаш ҳақида ҳам унутманг.

Янги йил ташвишлари ҳам тугади, куч заҳираси эса сўндими? Бироқ бу ташқи кўриниш борасидаги ўзгача ечимлардан воз кечиш учун баҳона бўла олмайди. Биз кўп куч ва вақт талаб қилмайдиган 5та оддий соч турмагини топдик, бу эса – яна ярим соат кўпроқ ухлаб олиш мумкин дегани.

Пала-партиш гажаклар

Ўтиб кетган йилнинг севимли мавзуси – сочларнинг бутун узунлиги бўйлаб бепарволик билан ёйилган пляж гажаклари бўлди. Бироқ, агар соч турмагига вақт бўлмаса, ва сочнинг ҳажми ва узунлиги эса ҳамма сочларни “қўлнинг енгил ҳаракати билан” ўриб қўйишга имкон бермаса, унда нима қилиш керак? Сочларни бошнинг тепа қисми соҳасида баланд думча қилиб йиғинг ва пишиқ, лекин унчалик таранг тортилмаган резинка билан маҳкамланг. Йиғилган сочларни 6-8та кокилларга тенг қилиб бўлинг, сўнгра ҳар бир соч тутамини плойка билан ўранг ва сочлар учун лак (масалан, Kallos Flexible Spray) билан қотириб қўйинг. Сочларингизни совутинг, сўнгра резинкани олиб ташланг. Енгил гажаклар тайёр!

Ўримли боғлам

Сочларини йиғиб юрадиганлар учун муқобил вариант. Бошингизни олдинга энгаштиринг ва бўйнингиздан бошлаб бошнинг қоқ ўртасигача сочни оддий қилиб ўринг. Ўримни баланд от думчасидек етарли даражада таранг қилиб қотиринг. Йиғилган сочларни бироз таранг ва унга сочлар учун лак сепинг, сўнгра сочларни батартиб шиш кўринишида айлана бўйлаб ётқизинг. Образ тайёр бўлди.

Тугун

Сочларингизни иккита тенг қисмга ажратинг ва бўш қилиб ўринг. Соч ўримлари пала-партишлик таасуротини сақлаб қолиши ва енгил бўлиши учун, лак билан қотириб, шаклини сақлаб қолинг. Шундан сўнг, соч ўримларини энса тагидан ўзаро тугунлар билан  боғланг, невидимка ёки шпилькалар билан маҳкамланг, баъзи кокилларни эса бироз ҳурпайтириб қўйинг ва романтик соч турмаги билан ишларингизни бажаришга отланаверинг.

Жгутлардан боғлам

Боғламлар ва тутамлар ишқивозлари учун яна бир соч турмаги. Сочларингизни баланд думча қилиб йиғинг ва унинг бутун ҳажмини тўртта тенг кокилларга ажратинг. Ҳар бир кокилни кетма-кетга пишиқ жгут билан думча атрофида айлантиринг. Кокилларни шпилькалар билан қотиринг ва сочларингизни бироз «чигаллаштириб» қўйинг. Соч турмаги тайёр.

Пала-партиш думча

Ўрта узунликдан каттароқ соч эгалари учун ён томонлама дум тўғри келади. Бироқ ўта зерикарли бўлиб кўринмаслиги учун, думчани пала-партиш тугунга айлантиринг. Сочларингизнинг ҳаммасини бир томонлама тараб олинг ва иккита йирик кокилга ажратинг, сўнгра уларни тугун қилиб боғланг, кучли турмак учун мўлжалланган лак билан қотиринг ва невидимкалар билан маҳкамланг. Бундай соч турмаги офис хонимлари учун ҳам, сочлари бемалол ётиб туришини ёқтирадиган аёллар учун ҳам мос келади.

Янги йилни қаерда ва қандай компания ичида кутишингиз муҳим эмас, муҳими - уни сиз қандай кутиб олишингизда. Биз эса сизларга кўзлар учун тенлар ёрдамида мукаммал янги йил образини яратишда кўмаклашувчи гўзаллик ёрдамчиларини топдик.

Классикадан тўғри нарса йўқ, демак бироз бўялган устки қовоқ бўйлаб классик стрелкалар айни минимализм иштиёқмандларининг дидига мос келади. Бироқ стрелкаларни нафақат суртмалар ёки қаламлар, балки тенлар ёрдамида ҳам бажариш мумкин. Масалан, бунинг учун Maybelline New Yorkдан  Diamond Glow тенларининг “кулрангсимон кўк” ранг туси турғун ва ёрқин вариант бўла олади.

Маслаҳат: кўк рангли асосий стрелкани устки қовоқнинг марказидан ташқи бурчагига ўтказинг, кўзнинг ички бурчагини худди ўша палеткадаги кумушсимон ранг тенлари билан ялтиратиб қўйинг, сўнгра стрелкани ҳаво ранг тенлар билан бироз бўяб қўйинг. Туш билан бўяб чиқинг ва макияжингиз тайёр!

Смоки-айз ишқивозлари учун махсус смоки тармоқлар энг яқин ёрдамчи бўла олади. Бироқ фақат қора рангли кўзмакияжига ўта берилиб кетиш ярамайди –олтинсимон смоки-айз ва илиқ тусли макияж ҳам байрам учун аъло вариант бўла олади. Классика ишқивозлари учун эса Maybelline New Yorkдан қовоқлар учун Smoky Eyes кул рангли тенларни, ҳамда Bourjois Nude Smokyдан смоки учун милтиллаб турувчи палеткани тавсия этган бўлар эдик.

Мураккаб стрелкаларсиз ва жимжимадор ечимли ёрқин макияж тарафдорлари учун бир хил тусдаги тенлар аъло даражада мос келади. Садаф ранг, тилла ранг, кумуш ранг ва мис рангдаги тусларда намоён этиладиган милтираш ва порлашлар - Янги йил кечасининг сўзсиз фаворитларига айланадилар. Агар сиз кўз макияжини тилла ранг билан бажаришга тайёр бўлиб, шу қадар довюрак бўлсангиз - Maybelline New Yorkдан  Eye Studio Color Tatoo тенларини танланг. Агар бежирим ва мулойим милтироқ кўринишларни истасангиз, унда – Bourjoisдан Ombre a paupieres Blanc Diaphane дидингизга жуда мос келади. 

Нюд руҳидаги вазмин макияжни ёқтирадиганлар эса, ранг-туслар ва тўқ рангдан оч рангга ўтиш “ўйинлари"ни эрмак қилишлари мумкин. Писта ва тиллани, қизғиш жигар ранг ва шампан виноси томчиларини кўз олдингизда аралаштиринг. Шу каби ва бошқа ранг-тусларни биз Maybelline New Yorkдан The Nudes табиий ранг-туслар палеткасида топдик.

Синаб кўринг ва порланг!

Байрам – бу ҳар доим жуда соз нарса. Бироқ фуршет ва егуликларнинг хилма –хиллиги – организмимиз учун руҳий зарба ҳисобланади. Севимли танамизни байрамга қандай тайёрлашимиз ва нималардан эҳтиёт бўлишимиз керак? Тартиб билан ҳикоя қиламиз.

Учта асосий «мумкин эмас»

1. Ҳеч қандай диета

Янги йилга бир ҳир ҳафта қолганда «Боржоми» ичиш ва машаққатли диетага ўтириш бефойда. Сиз энди вақтни қўлдан бой бериб қўйдингиз ва, шунинг учун сизга берилган оғирлик,  килограммлар  ва сантиметрлардан роҳатланинг. Нима учун дейсизми? Гап шундаки, агар сиз байрамгача бўлган кам вақт ичида барибир диетага ўтирадиган бўлсангиз, янги йил кечасида тўйиб танаввул қилган егуликлар, бир ҳафта ва ундан кўп вақт давомида ўзини ҳушхўр егуликлардан тийиб юрган организмингизни ҳалокатга олиб келади. 

2. Ўзингизни 31 декабр куни ҳеч нимадан қисманг.

Кўпгина одамлар курантлар бонги остида бой берилган нарсаларнинг ҳиссасини чиқариб олиш учун, Янги йил арафасида кун давомида овқатланишдан ўзини тийиш керак деб ҳисоблаб,  хато қиладилар.  Бундай қилманг! Организм тўйиб овқа емаслик натижасида ҳақиқий руҳий зарбага дучор бўлади. Яхшиси кун бўйи турли хил таомларни ўз ичига олган кичик-кичик порцияларда овқаланиб юринг. Шу тарзда сиз танангинзни зарарсиз ва руҳий зарбали вазиятларсиз оқшомга тайёрлаб борасиз.

3. Керагидан ортиқ овқатланманг

Албатта, байрамларда ҳамма нарсаларни – ёнғоқ, ширинликлар, иссиқ овқат ва салатларни бирданига таътиб кўришни ҳоҳлайсиз. Бироқ кўзингизга кўринган ҳамма нарсага “ташланавермаганингиз” маъқул. Майонезли салатларни иссиқ овқат билан аралаштириб, устидан кремли торт ҳам еб ўтирманг. Оғир таомдан сўнг яхшиси мева еганингиз ёки сув ичганингиз афзал.

Овқаланиш керакми ёки керак эмасми?

Байрам столига қандай таомлар тайёрлаш ҳақида ўйлаганингизда, курка гўшти, товуқ гўшти ёки мол гўшти каби “енгил” гўштларни танлаганингиз маъқул. Бу каби иссиқ таомлар сизни кучга тўлдиради ва жигарингизни ортиқча юклардан халос қилади. Шунингдек, ўткир ва шўр таомларга ҳам ружу қўймаслик керак – барча истеъмол қилган егуликларда шунсиз ҳам таъм берувчи қўшимчалар кам бўлмайди. Устига устак, ўткир ва шўр таомлар организмнинг тез сувсизланишига олиб келади. Қўзиқоринлар ва кўплаб таомлар,  салатлар ва газаклардан эҳтиёткорлик билан фойдаланинг. Бироқ ҳар бир столда мевалар бўлиши шарт. Киви, олма, апельсин ва мандарин каби нордон ва ширин-нордон  мевалар метаболизмни тезлаштиради ва оғир таомларнинг парчаланишига ёрдам беради.

Десертга

Байрам  десертида тўхтайдиган бўлсак – бунда уни максимал тарзда “енгиллиштириш”  кераклиги асосий маслаҳат бўла олади. Мевалар ва желе фойдасига, кўпиртирилган қаймоқ ва кремлардан воз кечинг, шакар ўрнига резавор меваларни танлаганингиз яхши. Сунъий шакар янги йил конфетлари-ю, ширинликларнинг ўзида ҳам етарли, демак урғуни максимал енгил пишириқларга беринг.

Шодланинг ва саломат бўлинг!

Янги йил кечаси - ҳамиша бироз сеҳр ва сирларга, умид ва қувончларга, совға ва хурсандчиликлара бой байрамдир. Бироқ у ҳақида эслаганда фақат ижобий хотиралар қолдириш учун, байрамни қандай ўтказиш керак? Ҳикоя қиламиз.

Агар биз кўнгилга ёқмайдиган бирор нохушлик содир бўлишини аввалроқ билганимизда эди –шубҳасиз, бунга йўл қўймаслик учун ўзимизнинг бор кучимизни сарфлаган бўлар эдик. Бироқ ҳамма нарсани ҳам олдиндан билиб бўлмайди. Лаб бўёғини танлаганингизда, ҳамкасбингиз ҳам корпоратив кечага худди шундай ранг билан лабини бўяб келишини хаёлингизга келтирибсизми? Балки, тирноғингизнинг янги шакли колготкангизни кийишингизга халақит бераётгандир? Келинг бу бьюти-ҳалокатларга қандай қилиб йўл қўймаслик ҳақида сўзлашамиз.

Режа бўйича тажриба

Агар Янги йилни нишонлаш учун сиз ноодатий соч турмаги қилишни, макияж ёрдамида имижингизни янгиламоқчи ёки сочингизнинг рангини бутунлай ўзгартиришни режалаштираётган бўлсангиз – бунга олдиндан қилинг. Янги шпилькада синовли «югуриш» бўладими ёки кўздаги ноодатий стрелкаларми - ҳар қандай тажриба ҳам пухта ўйланган ва чамалаб кўрилган бўлиши лозим. Байрамни ҳеч нима бузмаслиги керак (бироқ образингизни ўз-ўзидан пайдо бўлмаганлигини ҳисобга олганда – бу мустасно эмас). Агар танланган соч турмаги, макияж ёки маникюр аввалдан адашганингизни билдирса – булар ҳақида бошқадан ўйлаб олиш ва нуқсонларни тўғирлаш учун сизда ҳали кўп вақт бўлади.

Маслаҳат: агар Янги йил оқшоми учун катта режаларингиз ва тонг отгунича базм қилишни ният қилиб қўйган бўлсангиз - унда ёнингизда лаб учун рангли ялтироқ (у байрам макияжини яратганингизда бўянгандек бўлиб туриши учун жавоб беради) ва соч учун лак (ундан фойдаланишни ошириб юбормаслик керак, бироқ эҳтимол бир неча мартта қўллашга тўғри келиб қолиши мумкин) олиб юринг.

Яхшилаб унутилган эски нарсалар – янгилик дегани

Тажовузкор кўз суртмаси ва тўқ қизил рангдаги лабни ўзингизнинг тажрибангиз деб ўйлайсизми? Балки, ўзингиз учун янги турдаги соч титмасини ўйлаб топишга ҳаракат қилаётгандирсиз? Сўнгги йил, икки йиллик, балки ўн йиллик тенденцияларни синчковлик билан мутолаа қилинг, ўзингизга яқинини топиб, ўз истакларингизга мос келадиган образларни қидиринг ва уларни таҳлил қилиб кўринг. «Айнан ўша» аутфитни танлаб - унинг учун тахминий тест ўтказиб кўринг.

Маслаҳат: баъзи мавсумлар тендецияларининг дадиллигига қарамай, сайқаллардаги образларни бутунлай кўчириб олмаслик керак. Макияжда биттадан ортиқ урғу қолдирмаслик керак эканлигини унутманг. Бироқ, бўрттирилган рангсизлик ҳақида ҳам унутинг.

Байрам репетицияси

Агар сиз Янги йил кечасида маълум бир косметикага ёрдамга мурожат қилишни орзу қилган бўлсангиз - уни эртароқ топишга харакат қилинг. Шаҳарда тақдим этилган барча тест-дескерларни ўриб чиқинг, керакли тусдаги лаб бўёқлари, тень ёки қаламларни топинг ва уларни ўзингизда текшириб кўринг. Агар танланган серия, бренд ва товар барча берилган планкаларга жавоб берса- дадиллик билан лаб бўёғини(ҳаттоки қора рангда бўлса ҳам), тушни (қизил рангда бўлишига қарамай) ёки ёғупа (ҳатто сўнувчан заррачаларга бой бўлса ҳам) сотиб олаверинг.

Маслаҳат: агарда сизнинг макияжингизда, ҳамманинг эътиборини ўзига жалб қила оладиган бирорта кучли ранг қатнашаётган бўлса – айнан шу рангдаги воситани ўз сумкачангизга солиб қўйинг, ҳамда макияжингиз янги ва ёрқин бўлиб туришини кузатиб боринг. Ва ниҳоят, бунда сизга макияжни мусттаҳкамловчи восита энг яқин ёрдамчи бўла олади.

Ўйнаб-кулинг ва синовлар ўтказишдан қўрқманг!