MAKEUP BLOG

Жингалак сочлар нима? Бу назокат, гўзаллик ва шижоат. Бироқ ҳақиқий жингалак сочлар эгаси бўлиш қандай кечади? Бу борадаги маслаҳатлар икки йўналишда берилади – биринчиси парваришлаш учун мўлжалланган махсус воситалар ёрдамида нафис гажакларни намоён қилишдан иборат бўлса, иккинчиси – инжиқ спиралчаларни тўғирлашдан иборатдир. Қўл остимиздаги косметик танлов билан ўртоқлашамиз.

Кокилларни батартиб ва чиройли қилиб бураб қўйиш вазифасини бир неча восита ёрдам беради. Биз чирмашиб жингалакланиб турадиган сочларни парваришлаш учун ва гажакларга аниқ контур ҳадя қилувчи, қуруқ ва таъсирчан сочлар учун мос келадиган L’orealнинг Curl Contour линиясининг тўйинтирувчи маскасига эътибор қаратдик.

Маскадан фойдаланиш - сочларнинг учларини ёпиштирмай, ва томирларни қуритиб қўймасдан парваришланган жингалак сочлар ҳақида ваъда беради. Масканинг таркибига эса UF-фильтрлар ёрдамида сочларни қуёш нурларидан ҳимоя қилувчи ёғлар киради.

Қўнғироқларнинг навбатдаги «скульптори» - Kallos томонидан чиқариладиган чирмашиб жингалакланиб турадиган сочлар учун мўлжалланган спрей-эссенция бўлди. профессионал косметика бўйича Венгриялик бренд, бир зумда сочлар тузилишига сингиб кетувчи, сочларни бўйсинувчан ва майин бўлишига ёрдам берувчи, ипак протеинларига асосланган эмульсияни ишлаб чиқди.

Профессионал парваришлаш бўйича ушбу воситадан уй шароитларда ҳам фойдаланиш мумкин. Бунинг учун бошни ювгандан сўнг эмульсияни нам сочларга суртиш ва бир мартадан оддий кўринишга кириб қоладиган турмак қилишга киришиш керак.

Garnier мутахассислари «Биз бошқа йўлдан борамиз» деган фикрга келдилар ва сочларни тўғирлаш ва силлиқлашга ёрдам берадиган косметик воситалар сериясини яратди. Garnier Fructisдан берилган «Куч ва ялтираш» линияси шампун таркибида ҳам, бальзам-чайгичлар сериясида ҳам ишлайди.

Унчалик мураккаб бўлмаган маска ёки бальзам-чайгични суртиш, сочларнинг учларида ва томирларида тўйинтириб, сочларни исталганча «тўғирланишага» олиб келади. Ушбу сериядаги воситалар тўғирланган сочларни қайд этиб турувчи сочларга ички куч ва бутун узунлиги бўйича ялтираш бағишлайди.

Чирмашиб жингалакланган сочларни парваришлаш бўйича 3та маслаҳат:

• Табиий жингалак сочлар учун асосий маслаҳат – шампунни тўғри танлаш. Таркибида юмшатувчи ва намлантирувчи компонентлар мавжуд бўлса чакки бўлмас эди. Бундай компонентларга турли табиий ёғларни, оқ нилуфар гулларининг экстрактини, бўтакўз гулининг, папаин ва мармарак экстрактини киритиш мумкин. Ҳеч қачон ҳажм берувчи шампунни танламанг – акс ҳолда чиройли қўнғироқлар шакл берилмаган ҳурпайган сочлар уюмига айланиб қолади.
• Сочлар ювилганидан сўнг, уларни тўғри қуритиш керак. Фен бу ишда сизга ёрдам бера олмайди! Яхшиси сочиқ билан қуролланган ва сочларни учларидан томирларга қаратиб батартиб қилиб артган маъқул. Қуритиш пайтида қўнғироқларга шакл бериш керак. Бунинг учун ҳар бир кокил учидан бош терисига қаратиб сиқиб борилади, ундан спиралчалар ясалади, ва шакл берувчи гель ёки крем суртилади.
• Стилистлар чирмашиб жингалакланган сочларни сийрак тишли ва антистатик таасуротига эга бўлган тароқлар билан тарашни тавсия этадилар. Сочларни учларидан бошлаб томирларга қаратиб тараш керак. Тарашни осонлаштириш учун махсус спрейлардан фойдаланиш ва ҳар 2-3 ойда сочларнинг учларини қирқиб туриш мумкин.

Кўпчилик фақат кийимлардаги трендларни кузатишга ўрганиб қолган, бироқ дунё бўйлаб мода подиумларида намоён қилинадиган бьюти-тенденцияларини эса уларнинг баъзиларигина кўра оладилар. Кузатиб борганлар ниҳоят мода қайтиб келган смоки айс - 2016 йил куз мавсумининг сўзсиз тренди бўлиб қолганини биладилар. Энди нима қилиш керак, қай тарзда долзарб бўлиш кераклиги ҳақида – бизнинг обзоримизда билиб олишингиз мумкин.

Смоки айс ёки сурма ранг кўзлар – кўз макияжининг бир тури бўлиб, унда устки қовоққа бир неча ранг-тусдаги тенлар суртилади, ва бу кўзларга кўпроқ ажиблик ва теранлик бахш этади. Анъанавий тарзда смоки айс кулранг (юқорида қайд этиб ўтилган сурмаранг) тонларда бажарилади, бироқ ҳар янги мавсум смоки палитраларига янги туслар ва ечимларни ҳам қўшиб туради.

Смокининг аввалги версиялари ўта эҳтиёткорлик ва тартиб билан бажарилар эди, лекин жорий мавсум тренди ҳақида бундай деб бўлмайди – кўзларингизнинг макияжи қанчалик пала-партиш бўлса, сиз ўзингизни шунчалик стилли ва жозибадор деб ҳисоблашингиз мумкин.

Смоки айснинг жозибалироқ ва оддий вариантларини амалга оширишда “қалин” стрелкани чиқариб бўялиб, сўнгра бироз туш суртилган кўзлар - энг фаолларидан бири бўлиб қолади. Бундай макияжни анъанавий қора тонларда ҳам, шунингдек жигарранг, кул ранг, кўк ва зумрад рангларда ҳам бажариш мумкин. 

Ўта довюрак хонимларга эса стилистлар қийшиқ ҳошия туширилган катта-катта смокиларни тавсия қиладилар. Макияж тугатилгандан сўнг юзда тўқ рангли бўёқдан қоладиган пала-партиш бўёқлар таасуроти пайдо бўлиши керак. Агар ҳаммаси шундай бўлса – демак сиз машҳурлик чўққисига чиққан бўласиз!

Ўта жозибали қизларга эса смокининг яна бир варианти – зарҳал ранг, мис ранг, металл ранг ёки бронза ранг тенлар билан бажарилган – милтиллаб турган смоки. Ўта ёрқин бўлиб кўринишдан қўрқманг – бундай макияжда қимматли металл шуъласи устки қовоқнинг марказига ва четларига қаратиб туш билан бироз пала-партишроқ қилиб бўялади.

Октябр ойининг 3-санасидан то 7-санасигача бўлган кунлар ичида пойтахтимиздаги Samarqand Darvoza савдо марказида ўзига хос тарзда биринчи марта A la Mode модалар ҳафталиги ўтказилди. 5 кун, 5 йўналиш, 5 очилган мавзу. Бу қандай бўлганлиги ҳақида ҳикоя қиламиз.

3 октябр – гўзаллик куни. Ушбу кунда подиумга 2016 йил кузги мавсуми гўзаллик индустриясининг асосий тенденциялари намойиш этилган бьюти-гурулар ҳозир бўлдилар. Биринчи кун доирасида Essie Nail Bar, Express Beauty салонларининг, шунингдек Bellstore, Flormar, Yves Rocher дўконларининг очилиш маросимлари бўлиб ўтди. Полина Ненашева, Ольга Якупбаева, Дмитрий Сакурин ўзларининг ижодий маҳоратларини намойиш қилдилар. Биринчи куннинг мусиқий кайфияти учун саксофонист Саидмурад Муратов, DJ Sam ва Matin Band масъул бўлдилар.

4 октябр – болалар модаси ва аксессуарлар куни бўлди. Ушбу кун BHS, U.S. Polo Assn., Bata, Guess, Okaidi, Koton Kids, I Am, Red Tag ва Pablosky каби машҳур брендлар томонидан навбатма-навбат тақдим этилган энг ёқимли намойишлар билан эсда қоларли бўлди. Энг ёш мода вакиллари бўлган қизчалар ва ўғил болалар катта ёшли моделлардан қолишмасдан тантанавор юришлар қилишиб, ёрқин бренд кийимлар ва оёқ кийимларни намойиш қилдилар. Шунингдек, Erkatoy Group томонидан эса болаларга кутилмаган совға ҳадя этилди – болалар ўзлари севган мультфильм қаҳрамонларининг қиёфаларига киришга ва ҳатто ҳайвонлар костюмларини кийиб кўришга, подиум бўйлаб суперкарга миниб сайр қилишга, “Юлдузлар урушлари” қаҳрамонларининг костюмларини кийиб кўришга муяссар бўлдилар. Ёш моделларни қўллаб-қувватлашга анчагина меҳмонлар тўпландилар.

5 октябя – аёллар модаси куни бўлди. Кутилганидек, ушбу кун нафақат инсониятнинг гўзал яримталиги, балки ўзларининг севимли хонимлари учун асосий тенденциялар ҳақида билиб олишга қизиқиб келган эркакларнинг ҳам эътиборини тортди. Учинчи кун доирасида подиумда Pimkie, Jennyfer, Morgan, Red Tag, Koton, Colin’s, Selfie, Etam, BHS ва U.S.Polo Assn каби брендларнинг аёллар кийимлари бўйича коллекциялари намойиш этилди. Шунингдек, подиумда моделларда 2016-2017 йил куз-қиш мавсумининг асосий тенденцияларини намойиш этган мода шарҳловчиси Маргарита Урманцева ҳам чиқиш қилди.

6 октябр – эркаклар модаси куни. Ушбу кун ҳақиқатдан ҳам эркакча тусга эга бўлди, ахир подиумда Cacharel, Celio, Colin’s, U.S. Polo Assn., NCS, Red Tag, Koton ва Just каби брендлардан эркаклар образларининг ҳақиқий батальони пайдо бўлди. Мусиқавий муҳит учун “Жазда фақат боболар” жамоаси ва Di-Live Band мусиқачилари жавоб бердилар. Тадбирнинг асосий меҳмони ўз образлари мисолида эркаклар учун ҳақиқий касб маҳоратини намоён қилган таниқли ресторатор Сарвар Каратаев бўлди. Модалар куни Gastronomica лойиҳасидан эркаклар пазандачилиги бўйича касбий маҳоратлар намойиши билан якунланди.

7 октябр – миллий мода куни. Гулюз Умаровадан Lapin.uz маркас, Fratelli Casa, Zukhra, Komo Design, Нигора Хашимова, Нариман Григорян, Дилдора Касимова ва Артем Дробишев каби бир неча ватанимиз брендлари ушбу куннинг қаҳрамонларига айландилар. Миллий модалар кунининг асосий мақсади – ватанимиз брендлари билан танишиш, ҳамда трендлар ва этник элементларни қандай қилиб маҳорат билан бирлаштириш мумкин эканлигига ёрқин мисолни намойиш қилишдан иборат бўлди.

Ҳафталикни «Вячеслав Евгенич» ижодий дуэти олиб борди, мусиқий безак DJ Sam-га ишониб топширилди, товушлар сифатини эса «Ястреб» (“Қирғий”) жамоасининг йигитлари ҳушёрлик билан кузатиб бердилар.

Таисия Чурсина – Тошкентда яшайдиган ва ишлайдиган машҳур дизайнер бўлиб, у ўзбек этникасига нисбатан ўз қарашларига эга ва одатий буюмларга ўзининг дадил ёндошуви билан оммани доимий тарзда ҳайратга солиб келмоқда. Ўз дизайнерлик карьерасига эга бўлган бу қиз стайлинг бўйича таълим олиб, энди ўзининг лукбуклари ва мода намойишлари учун моделлар яратиш устида мустақил ишламоқда.

Маълумотингиз бўйича сиз дизайнерсиз, ўзингизнинг фотосессияларингиз ва дефиленгиз учун стилист бўлишга сизни нима ундаган?

Аслида образни яхлит кўра оладиганларгина дизайнер бўла олади. Мен стайлинг бўйича маълум касбий кўникмаларга эга бўлганлигим сабабли, қандай натижа олишни истаётганлигимни бошқа бировга тушунтиргандан кўра, буни ўзим қилганим осонроқ.

Ўқиш вақтида сизнинг ривожланишингизга нима ундади?

2012 йилда мен К. Бекзод номидаги Миллий Санъат ва Дизайн институтини бакалавриат йўналиши бўйича, 2014 йилда эса худди ўша институтни магистратура йўналиши бўйича тугатдим. Лекин ҳар куни ўзимнинг касбий маҳоратимни ошириш устида ишлашни ҳеч қачон тўхтатмаганман.

Гўзаллик индустриясининг мода тенденциялари устида ишлаганмисиз? Бу сизнинг моделларингизнинг образларида қандай намоён бўлмоқда?

Ҳа, мен тенденцияларни кузатиб бораман, бироқ бу деярли менинг моделларимда намоён бўлмайди, чунки мен яратаётган образлар бьюти тенденцияларга эмас, балки коллекцияларнинг умумий моҳиятига боғлиқ.

Сиз ўзингиз учун қандай макияжни танлайсиз?

Кундалик турмуш учун мен енгил макияжни маъқул кўраман – бу тон, киприклар, ёғупа ва лаб учун ялтироқ. Баъзан ўз образимга ёрқинлик бахш этгим келади, ноодатий лаб бўёғидан фойдаланиб лабларимга алоҳида эътибор қаратаман.

Косметика қутичангизда доимо нималарни олиб юрасиз?

Косметика қутичамда доимо упа ва лаб учун ялтироқни топиш мумкин.

Сизнинг назарингизда ҳақиқий аёллик гўзаллиги нимадан иборат?

Менинг назаримда, ҳақиқий аёллик гўзаллиги аёлнинг индивидуаллигидан ва табиийлигидан иборат, (ТАБИИЙЛИК деганда мен ўзига қарамасликни назарда тутаётганим йўқ).

Стилингизнинг маъбудалари кимлар?

Менимча, доимо образларини кузатиб юрадиган инсон номини айта олмайман. Менинг учун маъбуда стили ҳисобланган бирор кимсанинг номини алоҳида айта олмайман, мен йиғма образларни афзал кўраман.

Сизнинг фикрингизча ушбу мода мавсумидаги асосий тенденциялар нималардан иборат?

Кийимлардаги минимализм ҳар мавсумда такрорланиб келмоқда. Серҳашам дабдаба ва ортиқча кийимлардан воз кечиб, ихчам, классик линиялардаги ва тўйинган ранглар гаммасини таклиф қилган бўлар эдим. Ушбу стил чегараланишларга эга эмас, бироқ минималистик ижродаги кузги ва қишки кийимлар ёрқин декор ва пардозларнинг йўқлиги билан, сифатли фактуравий матолар, силуэтларнинг ўзига хос соддалиги билан ажралиб туради.

Ижодий йўлингиз қандай бошланган?

Style.uz 2009 мода ҳафталигидаги биринчи Undeground намойишида иштирокимдан бошланган.

Аёл кишига ҳақиқий ўзига хос услубга эга бўлиши учун нима керак?

Аёлга яхши услуб туйғуси керак. Бундай нарса бўлмаса – ёнида профессионал стилист бўлиши керак.

Бизни ўқувчи аёлларимизга қандай тилакларингиз бор?

Доимо ўзларига ва ўз нуқтаи назарларига содиқ қолишларини тилаб қоламан.

https://www.instagram.com/taisiya_chursina/
https://www.facebook.com/TasChursina/?fref=ts

Куз – нафақат ёмғирлар вақти. Куз – янги мавсум ва тажрибалар фурсати. Бош кийимга ҳали узоқ, бироқ янги стилдаги соч турмаклари порцияси бутун дунё бўйлаб машҳур. Нair-моданинг бешта асосий трендлари ҳақида алифбо тартибида сўзлаб берамиз.

Нам сочлар шу ёз трендига айланди ва силлани қуритувчи мавсумий иссиққа мувофиқ тарзда мослашиб олди. Бироқ стилистлар ҳам эришилган нарсада тўхтаб қолмасдан, трендни кузги мавсумга ҳам мослаштириб олдилар. Бу анча дадилона ва ноодатий бўлиб чиқди. Нам пешанасоч ёки соч турмагининг олдинги кокиллари услубнинг энг юксак поғонаси ҳисобланади.

Гофре – Тошкентлик мода ишқивозларининг юрагини бундан икки йил аввал, унчалик қийин бўлмаган ушбу техника ёрдамида сочларга ҳажм бағишлаш сири бутун дунёга машҳур бўлган пайтдаёқ забт этган. Мода ишқивозлари, завқланинг! Энди гофрени сочлар тагига, илдизнинг ўзида яширишга ҳожат қолмади (ҳа-ҳа, шу вақтгача соч турмагини айнан шундай қилиш керак бўлган). Гофре оммавийлик чўққисига чиққан вақт келди, демак сочларнинг ҳаммасини - илдизидан бошлаб то учларигача гофре қилиш мумкин. Бундай кўринишдаги сочлар йиғилган ҳолида ҳам, ёйилган ҳолида ҳам юриш мумкин.

Орқага таралган сочлар – дадил аёллар учун дадил тренд. Гангстерлик ҳашами орқага силлиқ қилиб таралган кокилларга порлаб турувчи порлаш бағишлайди. Бунда сочларни бошидан охиригача тўлиқ қилиб эмас, балки соч турмагининг олдинги қисмини “силлиқ” қилиб тараб олиш долзарб эканлигини ўзлаштириб олиш керак. Сочларни тепа қисмидан бошлаб то охиригача сиз ўзингиз қандай қолишини истасангиз, худди шундай кўринишда қолдиришингиз мумкин.

Ён томондан фарқ очиш мода ишқибозларининг туйғуларини бир неча мавсум аввал ҳаяжонга солган эди. Энди эса ушбу тренд бироз бўрттирилган кўринишда қайтиб келди – ҳақиқий must-have бу қулоқдан бироз юқорироқда фарқ очиш. Бунда ҳашамдор ҳажм ҳам кафолатланган. Асосий шарти - мукаммал тоза сочлар, жозибадор зираклар ва геометрик текис очилган фарқ.

Боғламлар ўзининг ҳар қандай ижросида севимлидир. Ушбу мавсумда балда бетартиб, гўё тўзғиган, тутамлар, энса соҳаси тагидаги тутамлар, балерина тутамлари ва мазкур номураккаб соч турмагининг бошқа варинатлари ҳукмронлиқ қиладилар. Бироқ сунъий бепарволикни сочларнинг пала-партишлиги ва кирлиги билан аралаштириб юбормаслик керак. Ўзингизга қараб юринг, трендлар эса – бу бор йўғи трендлар.