MAKEUP BLOG

Эрнест Куртвелиев – Тошкентлик машҳур фотограф, ўнлаб жаҳон юлдузлари билан ишлаган, бир қатор босма нашрлар, китоблар ва қўлланмаларга фотоиллюстрациялар муаллифи, ўз маҳорати ва билимлари билан кўп сонли мастер-классларда бўлишган. Эрнест портрет и пейзаж съемкасининг тан олинган устаси бизнинг блогимизга берган интервьюсида ўз сирларини очди.

Сиз кўп йиллар давомида одамлар билан ишлайсиз. Уларга кўп ҳолларда "тўғри позага туринг" дейишга тўғри келади, тўғрими? Шундай ҳолатларда қандай тушунтирасиз?

Албатта, фотограф ишида бундай ҳолатлар билан доим рўпара келасиз. Агар репортажли съемка бўлмаса, одамларни "керакли" позага турғазишга деярли ҳар доим тўғри келади. "Керакли" поза деганда мен инсоннинг нурга нисбатан тўғри жойлашишини назарда тутаяпман, масалан ойна ёки светильник ёрдамида. Инсон ўзининг позаси ҳам катта аҳамиятга эга, ҳар бир инсоннинг ўзигагина хос тўғри ракурси борлигини ҳаммамиз биламиз. Фотографнинг вазифаси, ўз навбатида, айнан ўша ракурсни топишдир. Масалан, кўп учрайдиган муаммолардан бири (ҳатто фараз ҳам қила олмайсиз!) фотосуратдаги иккинчи ияк тасвиридир. Инсон нотуғри позага туриши билан иякнинг иккинчиси пайдо бўлиб, кадрни бузади. Суратга тушаётган инсоннинг туришини айнан ўша "керакли" позани топиш учун ҳар хил томонга ўзгартиришга тўғри келади. Мен суратга олиш жараёнини ёруғлик ва нур нуқтаи назаридан мос келувчи жойни танлашдан бошлайман, кейин суратга тушаётган инсон кайфиятини озгина бўлса ҳам иш жараёнига мослашга, уни чалғитишга ҳаракат қиламан, менга кўникишига вақт бераман. Лекин энг муҳими - инсонни позага туришдан чалғитиш. Бадиий портрет съемкаси паспортга тушиш деган гап эмас. Демак, жараённинг "постановкаси" устида ишлашга тўғри келади. Иш бошида бир нечта кадрни олиб, натижа ёмон эмаслигига амин бўлши учун уларни суратга тушаётган инсонга кўрсатиш керак. Кейин суҳбат ва инсонни камерадан чалғитиш жараёнида бир нечта табиий ва спонтан кадрларни тушуриш мумкин. Бундай кадрлар жуда ажойиб чиқади. 

Сиз учун инсонни суратга тушуришда энг қийини нимада?

Менга, фотограф сифатида, идеал кадрни моделлаштириш эмас, балки унда инсон характери ва шахсиятини кўрсатиб бериш муҳим. Суратга қараганда ўша инсон шахсиятининг кучи ва ўзига хослиги сезилиб туриши керак. Ҳар фандай фотограф учун энг қийини - суратга тушаётган инсон фотографга ўзининг табиий ҳис-туйғуларини очиб бериши ва ишониши мумкин бўлган муҳитни яратишдир.

Сизнингча мўъжиза яратишга қодир косметик воситалар борми?

Суртага олиш жараёнида модель образини тўғри кўрсатиб бера оладиган, суратга тушаётган инсоннинг бир вақтнинг ўзида ҳам табиий, ҳам максимал даражада жозибали қилиб кўрсатиб бера оладиган стилист ва визажистга жуда кўп нарса боғлиқ. Масалан, машҳур косметик воситалар брендларидан бири MAC профессионал фотограф томонидан яратилган, чунки ўша фотографга моделлар билан бевосита ишлаш жараёнида муносиб косметик воситалар етишмаган. Ушбу косметика воситалари яратилаётгандан аввал уларнинг фото ва видео съемка жараёнида қандай кўриниши инобатга олинган.  

Идеал портретни яратишнинг қийинчилиги нимадан иборат?

Бу жараён, табиийки уч омилдан иборат. Булар техник, ижодий ва шахсиятга оид омиллардир. Биринчиси, айтиб ўтганимдек, моделни ўзингизга ўргатиш, унинг табиий ҳис-туйғулрини сизга ишонишига эришиш. Албатта, фотографиянинг техник билимларига ҳам эга бўлиш муҳим. Агар фотограф етарли даражадаги фототехникага эга бўлмаса, унда айнан "ўша" кадрни яратиш имкони бўлмайди. Техника кўзларингизнинг давоми бўлиши керак. Ва табиийки фотографиянинг устунларидан бири - тўғри танланган ёруғлик ва нур. Биз кўраётган барча нарса ёруғлик ва нурга асосланган. Ёритиш - фотографнинг асосий иш қуролидир.

Юлдузларнинг қайси бири билан ишлагансиз? Улар билан ишлаш жараёнида қизиқарли ва ажойиб ҳолатлар бўлганми?

Касбим шу йўналишда бўлганлиги сабабли ва журналдаги кўп йиллик фаолиятим жараёнида ватанимиз ва жаҳон юлдузлари билан ишлаганман.  Шу дамда бирга ишлаш бахтига сазовор бўлган инсонларни бирма-бир санаб ўтиш қийин. Эсимга тушган энг илиқ хотираларимдан бири қўшиқчи Ингрид билан ишлаш жараёнидир. У шунчалик киришимли ва у билан ишлаш шунчалик осон бўлганки, иш жараёнида ҳеч қандай тўсиққа учрамаганман. Ингриднинг ўша сафарида у билан бирга келган гуруҳнинг ўндан ортиқ аъзолари кўплаб продюсер, ёрдамчи ва таржимонлардан иборат эди. Табиийки, уларнинг ҳаммаси съемка жараёнида иштирок этишни хоҳлашди. Аммо, ишонасизми, шундай нозик қиз бу ҳолатни тўхтатиб, барчанинг студиядан чиқиб кетишини ва бизнинг ишлашимизга халақит бермасликни талаб қилган. Шунда ҳамма, ҳатто таржимон ҳам, студиядан чиқиб кетган. Камерага ишлаш катта актерлик маҳоратидир, бу маҳорат эса бегона кўзлардан узоқда ёрқин намоён бўлади. Биз ҳар хил тилларда гапирган, бир-биримизни умуман тушунмаган ва фақат имо-ишора орқали мулоқотда бўлган бўлишимизга қарамасдан съемка "хамирдан қил суғургандек" ўтган.

Энг қийин съемкангиз қайси съемка бўлган?

Менимча, бу PodiumItalia мультибрендли бутиги учун ўтказилган съемкалар сериясидир. Съемка жараёнида уйқуга фақат уч-тўрт соат вақт қоларди. Бу катта командамизнинг иссиқ ва совуқ ҳавода, эрталаб ва кечқурун бирдам бўлиб ишлаганидир. Бундай иш шароитида моделларни ўйлайсиз. Ахир уларни асраб-авайлашингиз, уларга иш жараёнида "очилиш" ларига ёрдам беришингиз керак. 

Сизга маҳаллий стилистлардан ким билан ишлаш осонроқ?

Ҳар бир стилистнинг ўз йўналиши, уни ажратиб турувчи услуби бор. Айнан кимнидир ажратиб кўрсатиш қийин. Менга стилист Сония, Дима Сакуринлар билан ишлаш ёқди. Бу иш ўзида шодлик ва ижодни жамлаган.

Сизнингча аёллар гўзаллиги нимада?

Аёлларнинг гўзаллиги, оддий қилиб айтганда, уларнинг аёллилигида. Шунингдек, менинг фикримча, аёларда ҳар доим қандайдир бир сир яширинган бўлиши керак. Айнан шу сир эркаклар фикрини ўғирлайди. Унинг ичидаги сир ва пинҳонлик, назокат ва яширинлик. Спорт билан шуғулланувчи қизлар ва аёлларни уларнинг қадди-қоматидан билса бўлади. Фикримни давом эттириб, шуни айтмоқчиманки, аёл киши пардозга берилиб кетмаслиги керак. Менинг фикримча, пардоз қанчалик табиий бўлса, шунчалик "тўғри" бўлади. Ўзингизни "қайта чизманг", табиий чиройингизни асранг. 

Мухлиса ўқувчиларимизга тилакларингиз.

Мухлиса ўқувчиларингизга ҳар доим ёрқин ва ҳаракатда бўлишларини тилайман. Купчилик сизнинг ташқи кўринишингизни кузатади, улар сизларнинг мафтункор, жозибали ва тароватли кўришни хоҳлайди. Бу омиллар ҳар доим сизнинг ҳам шахсий, ҳам касбий ҳаётингизга таъсир ўтказади.

Юзга тус берувчи крем суртишдан осон нарса йўқдек туюлади. Бироқ ҳатто мана шу оддий ҳаракатда ҳам сиздаги бьюти-дилетантни сотиб қўйиши мумкин бўлган муаммо юзага келтириши мумкин. Тус берувчи кремдан қандай қилиб фойдаланиш ва қандай хатоларга йўл қўймаслик кераклиги ҳақида - бизнинг обзоримизда.

Макияжда уйғунлашув мавужуд бўлиши керак. Унга қандай қилиб эришиш керак? Оддий. Лаб ва кўзни юз макияжи  тонида макияж қилмаслик керак – яъни кўзларни сўнувчан тенлар ва микрозаррачали ялтироқ билан бўяганда, юзга ялтироқ таасуротга эга бўлган тус берувчи крем  (ёки упа) суртмаслик керак. Бунда сиз яхши натижага эриша олмайсиз, шунчаки товадаги блин сизнинг юзингизнинг кўринишидан дурустроқ кўринишга эга бўлади.

Тус  берувчи кремни юзингизнинг рангига қараб танланг, бўлмаса юзингиз, бўйнингиз ва қулоқларингиз терисининг рангига мос келмайдиган  рангга бўяб, асосий хатоликка йўл  қўйишингиз мумкин. Бу жуда кулгили бўлиб кўринади. Шунинг учун тус берувчи кремни танлаётганингизда, уни пастки жағингизга суркаб кўринг ва юз ва бўйин тони билан таққосланг. Кўпинча бўйиннинг ранги юз терисининг рангига қараганда очроқ рангда бўлади, шунинг учун чегараловчи восита рангини танлаган маъқул.

Упани тус берувчи кремнинг устидан суртманг. Тус берувчи крем юзга қандайдир ҳайкалсимон кўринишни ҳадя этади, шунинг учун ушбу таасуротни упа ёрдамида “ёқиб” суртиб ташламаслик керак. Бундан ташқари, упани суртганингизда, сиз асосий тонни суркаб юбориш хатарини юзага келтиришингиз мумкин. Истасангиз ёки зарурат туғилганда упани  ишқалаб эмас, балки  уриб-уриб суркаш керак.

Аъло даражадаги юз тони яратилгандан сўнг ёғупани ҳам юмшоқ ҳажмдор мўйқалам ёрдамида суртиш керак, бироқ спонжча ёки бармоқлар билан суртманг, бўлмаса мавжуд тон шикастланиб қолиши мумкин.

Умуман, тус берувчи асосни суртганда доимо бир неча асосий қоидаларга ҳисобга олган маъқул:  у гаммаси бўйича сиз терингизнинг номукаммалликларини яшириб қўйган консилерга мос келадими, маска таасуротини яратмаяптими ва ғоваклар ичига кириб олиб, уларни кўрсатиб қўймаяптими? Агар мана шу барча пунктларга қатъий тарзда “йўқ” деб жавоб бера олсангиз, унда сизнинг тонингиз деярли аъло даражада.

Шунингдек, тус берувчи крем суртаётганингизда, сочларингизнинг узунлик линияси ҳақида ҳам унунтманг. Макияж қилаётганда, қизлар кўпинча иккита асосий кенг тарқалган хатоликка йўл қўядилар: биринчидан, тус берувчи крем томирларга ҳар доим ҳам тушавермайди, иккинчидан эса, сочлар ва крем якуни орасида кўп жой қолдириб, юзда маска таасуротини яратиб қўядилар. Бундай ҳолатда нима қилиш керак?  Сочлар томирларидаги зонани тус берувчи крем ёки упа билан юз тонини ўзингиз ишлатадиган тондан икки баравар тўқроқ қилиб бўянг.

Ва ниҳоят, тус берувчи кремни суртиш тартиби батамом универсал қоида бўлиб қолади – кремни бармоқларингиз, шунингдек мўйқаламлар билан суртишдан воз кечинг (ушбу усулни профессионалларга қолдиринг). Бьюти-блендер ёки зич спонжча тон суртишда сизнинг энг яқин ёрдамчингиз бўла олади.

Ушбу ҳафта кичрайиб бораётган Ой даври. Бу ҳафтада бизнинг олдимизга жорий фаолият масаласи қўйилади. Биз ўзимизга ўзимиз савол берамиз: менга ўз ишим ёқадими, бошқа бирор янгиликни истамаяпманми? Агар ўз ҳаётингизда бирор нарсани ўзгартиришга қарор қилган бўлсангиз, ҳозир айни шунинг пайти. Юлдузлар сиз мукаммаллашишни нимадан бошлашингиз ҳақида ўйлаб кўришни тавсия этадилар. Энг оддийси – ташқи кўриниш. Уни ўзгартиришга уриниб кўринг, ва шундан сўнг сизнинг ҳаётингиз қандай ўзгаришини кўрасиз.

Қўй

Ушбу даврда ёлғиз қолмаслигингиз керак, бўлмаса кўнгилсиз фикрлар кела бошлайди. Вақтингизни дўстларингиз, ҳамкасбларингиз ва оилангиз билан бирга ўтказинг. СПАга дугонангизни таклиф қилишингиз мумкин.

Бузоқ

Сиз атрофдагиларингизга қандай муносабатда бўлсангиз, улар ҳам сизга шундай жавоб берадилар. Мазкур ҳафтанинг қонуни шундай. Айтгандай, ташқи кўринишингизда тўхталадиган бўлсак – бу ҳақида ҳам ўйлаб кўринг. Гўзаллик салонига ёзилинг. Бирор нимани тубдан ўзгартириш шарт эмас, вақтингизни севимли кишингизга бағишласангиз етарли.

Эгизаклар

Жорий ишлар билан шуғулланишга ва муҳим масалаларни ҳал қилишга бермаяпган дангасалик жиддий тарзда сизни эгаллаб олади. Кеч бўлмасдан, уларни бошқа бирор кимсага юклатинг. Ўз саломатлигингизга эътибор қаратинг. Балки сизга ўз организмингиз барча ишларингиз нима учун бетартиб эканлигини тушунишга ёрдам берар.

Қисқичбақа

Сизни авваллари ноҳак хафа қилишганмиди ёки қадрингизга етишмадими? Энди ҳаммаси бошқача бўлади. Муҳим учрашувларни белгилашингиз мумкин – улар сизга омад келтиради. Ёлғиз Қисқичбақалар ўз атрофидагиларга эътибор қаратишлари керак. Балки сизни  севиб қолган ошиғингизни сезмаётгандирсиз.

Арслон

Уйингизга ва оилангизга кўпроқ эътибор қаратинг, чунки ҳозир сиз яқинларингизга етишмаяпсиз. Ишдаги масалаларнинг ҳал қилинишини кейинга суриб туриш мумкин. Дам олиш кунлариниа оила аъзоларингиз билан бирга ўтказишга ҳаракат қилинг, кечқурунлари эса ҳаммангиз бирга дам олинг – бу оилавий давр бўлгани маъқул.

Паризод

Ушбу давр даволаниш ва тиббий муолажаларни ўтказиш учун қулай даврдир. Кйим-кечакларингизни ва ташқи кўринишингизни янгилаш учун яхши вақт. Дугоналарингиз билан бирга шоппинглар ташкил қилинг. Косметологга ташриф буюринг.

Тарози

Кузги тозалаш вақти келди! Уйингиздаги ва бошингиздаги кераксиз нарсаларни ташлаб юборинг! Сизга қувонч келтирмайдиган муносабатларни узиб ташланг, ва сизга даромад келтирмайдиган ишдан кетинг. Юлдузлар сизга кескин танаффуслардан сўнг ҳаётингиз яхшиланишига ваъда бермоқдалар.

Чаён

Юлдузлар спорт билан шуғулланишингизни тавсия қилади. Айниқса бу озишни истаганлар учун долзарб ҳисобланади. Янги йил яқинлашмоқда, ва агар сиз ушбу тунда порлаб туришни истасангиз, ҳозир терлаб-пишишингизга тўғри келади.

Ўқотар

Ушбу даврда жиддий масалалар билан шуғулланиш тавсия этилмайди. У тинчлик ва хотиржамлик учун мўлжалланган. Ҳатто бирорта шошилинч иш қилишингиз керак бўлса ҳам, кучингизни камроқ ишлатишга ҳаракат қилинг.

Тоғ эчкиси

Бу давр, бу ҳоҳ диета бошлаш бўлсин ёки янги муносабатлар ўрнатиш бўлсин – ҳар қандай бошланишлар учун мос даврдир. Ҳа, айтгандай, ўз севгиларини учратмаган Тоғ эчкиларига ниҳоят фаол қидирувга киришиш чоғидир. Ижтимоий тармоқда жой олиб қўйинг, югуриш йўлакчасида югураётганингизда, атрофингизга боқинг.

Қовға

Сизнинг бошингизда юзага келадиган салбий фикрлар дарҳол ҳақиқатга айланади. Ўз фикрларингизни диққат билан кузатинг! Позитивроқ бўлинг, ва барча яхши нарсалар сизнинг ҳаётингизга ўзи кириб келади.

Балиқ

Кўпроқ дам олишга ва зўриқмасликка ҳаракат қилинг. Шунингдек, стрессли ва ташвишга солувчи вазиятлардан ўзингизни сақланг.

Maybelline «Make it happen» компаниясининг слогани билан ҳамма таниш. У баъзан асосий рекламага айланиб қолади. Компаниянинг вакиллари бутун ҳаёти бўйлаб у билан бирга боради. Бироқ, ушбу жумлани том маънода тушуниш керак эмас. Ахир у етарли даражада кўп қирралидир. Келинг, яхшиси унинг асл маъносини англаб олганимиз маъқул.

МАРИЯ НОВОСАД, бьюти-блогер у ҳақида шундай дейди: «Make it happen — кўпроқ ишлашга, камроқ орзу қилишга чақириқдир. Агар орзуинг бўлса, уни амалга ошириш учун қўлингдан келган ҳамма нарсани  қил».

Maybelline – ёш, замонавий, ўзига ишонган қизлар учун бренддир.

ЮРИЙ СТОЛЯРОВ, Maybelline NY Россиядаги расмий визажисти ўзининг фикрини бизга билдиради: «Make it Happen мен учун —  эришилган нарсада тўхтаб қолмай, ҳар куни яхшиланиб бормоқда, бу билан ўз орзуингга қараб олға интилишга ундайди». 

Maybelline нафақат  ўз маҳсулотларини таклиф қилади. Maybelline  қизларга, аёлларга олға ҳаракатланишга ва буни муваффақиятли бажаришга асослар яратиб беради.

МАРИЯ ИВАКОВА, Россиядаги MAYBELLINE NY қиз, бренд ихлосмандлари учун тайёрлаган ўз видеосида шундай дейди: «Шахсан мен учун Make It Happen — бу ўзига ва ўз кучига ишонч дегани. Ўзини қўлга олиб, «Сен ҳаммасини уддалайсан, ва шунда барча орзуларинг ушалади» деб айтиш керак бўлган вақтлар бўлади.

Чиройли аёл – ўзига ишонади, демак у муваффақиятли аёл. Доимо юқорида бўлинг, кўзга ташланиб туринг ва шунда сиз ҳаммасига эриша оласиз.  

Катерина Санкт-Петербургда туғилиб ўсган. Бу қиз оналар ва бошқалар учун қизиқарли интер-фаол машғулотларни ташкил қилишни билганлиги туфайли питер ҳамжамиятидаги кўзга ташланган,оммабоп персонаж саналади.  Мана, масалан, Катерина Тайландда аёлларга ортиқча вазндан қутулишга ёрдам берадиган “Қутурган тешиккулча” шоу оромгоҳига раҳбарлик қилади, оналар учун оромгоҳлар ташкил этади, қизининг тарбияси билан шуғулланади ва Instagramда ўзининг фойдали маслаҳатлари билан бўлишиб, саёҳатлар қилади. Бир ҳафта аввал эса Катерина мамлакатимизда биринчи марта ўтказилган блог-тур доирасида Ўзбекистонда бўлди, ва Самарқанд, Бухоро, Навоий шаҳарларига, Қизилқум чўлига ва Айдаркул кўлида бўлди, шунингдек Тошкенти Instagramидаги ўзбек блоггерлари билан учрашди. Бизнинг блогимизга берган ўз интервьюсида Катерина оналик, гўзаллик ва ўзбек аёллари ҳақидаги асосий саволларга жавоб берди.

- Сиз ёш оналар ичидаги анча ёш блоггерсиз. Нима деб ўйлайсиз, сизнинг хусусиятингиз  нимадан иборат?

Тақдир тақозоси билан, мен қизимни туққанимдан кейин бир ўзим бегона мамлакатда, Тайландда қолиб кетдим.  Мустақил равишда оёққа туришдан ва кичкинамни оёққа турғазишда бошқа иложим қолмади. Менинг шахсий бизнесим шундан бошланган.  Ҳамма ҳам ёлғиз онанинг ҳаётини “ички томони”ни кўрсатавермайди, мен эса барча бесаранжомликлар ҳақида гапиришга ҳаракат қиламан.

- Фарзандингизни  туғиб бўлганингиздан сўнг ўз қоматингизни қандай қилиб қайта тиклаб олгансиз?

Ҳомладорлик вақтимда ўттиз килограммга семирдим. Бу мендек табиатан  хушбичим ва кичкина қиз  учун  мисли кўрилмаган вазн. Ҳомладорлигимдаги менинг биринчи қарорим - бола билан сайр қилаётганда “навбатчи” машқларни бажаришдан иборат бўлди – аравачани ғилдиратиб ҳамла билан ташланишлар, тўхтаганда эса – ўтириб туриш, шунингдек бола ухлаётган пайтда тез қадамлар билан юриш мумкин. Бу зўр иш беради! Ва мен Тайландда яшаганим учун, албатта йога билан шуғулландим – бу тана учун ҳақиқий роҳат.

- Спортнинг яна бошқа бирор тури билан ҳам шуғуланиб турасизми?

Ҳа, мен вэйкда учаман.  Бу қўл билан катерга маҳкамланган чиғирни ушлаб бажариладиган, сувли сноубордга ўхшаган  спорт  тури..

Бу  вестибуляр аппарат учун, мувозанатни ва барча мушаклар гуруҳлари учун жуда фойдали бўлган спорт тури ва мен у билан фақат Таиландда ўуғулланаман.

- Ўзингизнинг ташқи кўринишингизни қандай қилиб кузатиб борасиз? Ўзингизнинг қандайдир гўзаллик сирларингиз борми?

Мен кунига бир марта ҳаммомга боришна ҳаракат қиламан – бу терини аъло даражада тозалайди ва таранглаштиради. Шунингдек намлантришиз ҳам юриб бўлмайди – доимий равишда ўзимга тўйинтирувчи маскалар қилиб тураман. Яна, ҳар куни тонгни лимон қўшилган бир стакан сув билан бошлайман.

Косметика қутичангизда доимо нималарни олиб юрасиз?

Упа, ёғупа ва қошлар учун тенларни.

- Сизнинг  назарингизда аёллик гўзаллиги нимадан иборат?

Аёлларнинг хотиржамлиги ва ўзига ишончидан. Нима кийиб олганингиз эмас, балки сиз буни қандай қилиб кийиб юрганингиз муҳим саналади. Аёл муҳаббатсиз чиройли бўла олмайди. Афсуски, бизнинг замонамизда аёлларнинг мажбуриятлари шунчалик кўпки, улар ўзларини, ҳаётни, атроф борлиқни  севишга улгурмай қолмоқдалар. Буни ўрганиш ва бутун умр давомида сақлаб ўтиш лозим.

- Қизингизга қандай тарзда ўрнак кўрсата оласиз?

Ҳозир мен Соникани тоза кийим кийиб юришга ўргатмоқдаман.  Ҳамда мен унга ойнанниг олдида туришни ўргатяпман – ўз вақтида менга буни ҳеч ким ўргатмаган, бироқ ўз қизимни бундай аёллик хусусиятидан маҳрум қилишни истамайман. Шунингдек мен унга уйдан чиқишдан аввал гигиена лаб бўёғи билан лабини бўяшни ва мустақил равишда тирноқ олишни ўргатдим (у 4 ёшда). Шу билан бирга мен унга меҳрибон бўлишни ўргатяпман.

- Стилингизнинг санами борми?

Менда ҳеч қандай стилимнинг санамлари йўқ. Лекин мен ҳаммага ва атрофдагиларнинг барчасига табассум билан боқиб, дунёни кўтариб турадиган аёлларга тан бераман. Бу мен учун жуда ажойиб. Шунингдек маълум стилда, шу билан бирга бежирим ва  қулай кийинишни биладиган аёлларни жуда қадрлайман.

- Ўзбекистон аёлларини кўриб қандай таасуротларга эга бўлдингиз?

Сизлар жуда ҳам гўзалсизлар. Улар ўзларига жуда яхши қарайдилар, шу билан бирга ўзига хос стилда юрадилар (балки бу сизнинг менталлигингизнинг акс садосидир, лекин бу чиройли). Шунингдек мени сизларнинг қизларингиз ва аёлларингизнинг образларидаги, нигоҳларидаги қандайдир беозорлик, мўминлик ҳам лол қолдирди –  бу инсонни ўзига мафтун этади. Сизларнинг аёлларингиз – ҳақиқий аёллар, Россияда эса бундайларни сўнги вақтларда учратиб бўлмай қолди.

- Бизнинг ўқувчиларимизга қандай тилаклар билдирасиз?

Ўларида аёлликни с ақлаб қолишингизни, ва аёл – бу тўхтатиб, эгар-жабдуқ осиб юрса бўладиган  от эмас, балки меҳрибон, нурафшон, нозик ва севувчи инсон эканлигини унутмасликларини тилайман.