MAKEUP BLOG

Янги йил – ўтган йилнинг энг яхши йўналишларини эслаш ва уларни байрам тантаналари учун образ яратишда рўёбга чиқариш учун аъло вақтдир. Биз 2016 йил мавсумининг уч асосий трендини эсладик ва уларни қандай қилиб такрорлаш мумкинлиги ҳақида – бугунги обзоримизда ҳикоя қиламиз.

Гажаклар

Ушбу тренд абсолют must-have-да ўта пишиқ тарзда мустаҳкамланиб олган, демак янги йил кечасида ундан фойдаланиш шунчаки зарурдир. Агар баҳор фаслида пляж турмаги руҳидаги юмшоқ тушиб кетмайдиган тўлқинлар трендда бўлган бўлса, энди эса янги йил тантаналари арафасида сиз ўзингизга бутун ўрамни бутунлай бўшатиб юборишингиз ва бутун узунлиги бўйича ҳажмли ва салобатли гажакларга урғу беришингиз мумкин.

Маслаҳат: гажаклар жингалак қилингандан сўнг узоқроқ вақт ушлаб туриши учун – стайлердан (плойка, қисқичлар, фен) фойдаланиб бўлганингиздан сўнг уларни бироз вақтга қолдиринг. Сочларингизнинг бутун узунлиги бўйлаб лак сепинг (биз сизларга Kallosдан FlexibleHairSpray – сочлар учун лакдан фойдаланишни тавсия қиламиз), сочларингизга беш дақиқагача «дам беринг» – бу сочларингиз қотириб қўйиш учун берилган шаклни эслаб қолиши учун жуда муҳимдар, ва шундан сўнггина сочларингизни ҳурпайтиришга ва тарашга киришишингиз мумкин.

Кокиллар

Ушбу йилнинг яна бир сўзсиз фаворити – кокиллар. Биз кокиллар ёрдамида энг трендли турмаклар ҳақида сўзлаган эдик, бироқ байрам образи ҳар кунги образлардан бирмунча фарқ қилиб туриши керак бўлганлиги сабабли – ўрим бош асосининг сатҳида тугайдиган тугалланмаган кокилларни синаб кўринг.

Маслаҳат: пешанангиздан ва қулоқлар атрофидан бошлаб ҳар томондан аждарҳоча, французча кокил ўринг, резинка билан бошнинг асосида қотиринг, бўш соч тутамларини эса фаол тарзда тараб, сўнгра бироз стайлердан сепинг. Ҳоҳишингизга қараб, бўш тутамларни жингалак қилиб қўйишингиз ва унга бироз миқдорда йирик ялтироқ сепишингиз мумкин.

Тутамлар

Қуббаларни ва тутамларни ёқтирадиганлар учун – янги йил образини яратишда шу турдаги турмаклар ўрин олишлари мумкин. Бироқ қуйидагиларни ёддан чиқарманг: қубба қаралмаган ифлос сочларнинг синоними дегани эмас. Сочларни «тўғри» тутамга йиғиб олиш учун,сочларингиз тоза ва саранжом тарзда порлаб туриши керак.

Маслаҳат: энса қисмида баланд думча ясанг, сочларингизни маҳкам қилиб йиғиб олинг, кичик-кичик кокилларга тақсимланг ва ҳар бирини шундай куч билан ўришингиз керак-ки, бунда эластик пружинкага ўхшаш нарса ҳосил бўлиши керак. Сочларингизни бироз совутиб, натижасини лак билан қотириб қўйинг. Орқага таралган олдинги тутамлар ялтираб туриши учун – уларни ўртача қотириб қўядиган гел билан таранг (биз Kallosдан FiberGumCream гель-кремини танладик) ва йирик ялтироқларни бироз тартибсизлик билан сепиб тақсимлаб чиқинг.

Янги йил арафасидаги беҳаловат дамларда рафиқаларимиз, оналаримиз, опа-сингилларимиз, севиклиларимиз, дугоналаримиз-у, қариндошларимиз учун совға танлаш масаласи - асосий муаммолардан бири бўлиб қолади. Бироқ, совға бир вақтнинг ўзида ҳам ёқимли, ҳам фойдали бўлишни истасак, унда нима қилиш керак? Биз совға танлаш бобидаги бу саволнинг ечими борасидаги кичкина сирларимиз билан бўлишамиз.

Опа-сингиллар, оналар, яқин дугоналар.

Агар сиз бирор бир яқин аёлингизга унинг кўнглига хуш ёқадиган совға ҳадя қилмоқчи бўлсангиз, унда асосий урғуни манзарали косметикага қаратганингиз маъқул. Сиз манзарали анжомларни танлаётганингизда уларни совға қиладиган аёлнинг яхши кўрган рангларини, макияждаги одатларини ва услубини ҳисобга олишингиз муҳим эканлигини тушунишингиз керак. Олдиндан қизиқиб кўринг, балки у аёлнинг севимли туши ёки тенлар палеткаси тугаб қолгандир? Балки у қандайдир бир ақлни оздирадиган лаб бўёғи ҳақида орзу қилиб юргандир? Балки қошларини янги восита билан бўягиси келаётгандир? Текширув ўтказиб, ташқи маълумотларни баҳолаб, алоҳида қисмлар ёки яхлит тўпламларни қидиришга отланинг. Шунингдек панд еб қолмаслик учун, бренд танлашдаги афзалликлар билан қизиқиб кўришни унутманг.

Рафиқа, севикли аёл, она, қариндош.

Сиз самимий ғамхўрлик билан муносабатда бўладиган аёлларга ёрдамчи косметика воситаларидан иборат бўлган тўплам жуда мос келади. Кўпинча парваришлаш воситалари аёллар учун шартсиз равишда керак ва бир неча мавсум давомида кетма-кет ёқиши мумкин бўлган, бироқ молиявий имконияти сотиб олишга йўл бермаётган товарлар тоифасига киради. Парваришлаш бўйича воситалар кўринишидаги совғалар учун сиз тери хусуисиятларини ва ёш бўғимини билишингиз талаб этилади. Масалан, қуруқ тери эгалари сутли восита, намлантирувчи крем, ёғлар кўринишидаги тўйинтирувчи воситаларсиз юра олмайдилар. Терисининг намлиги етарли бўлган аёллар учун эса тониклар ва спрейлар, маскалар ва бошқа йўналишдаги кремлар тўғри келади. Юз ва танани комплексли парваришлаш кўринишидаги совға ҳам аъло даражадаги ечим бўла олади.

Ҳамкасблар, дугоналар, қариндошлар.

Ҳаётини ойна олдида ҳар кунги маросимларсиз ўз ҳаётини тасаввур қила олмайдиган макияж иштиёқмандлари учун тикловчи воситалар жуда ас қотади. Косметикани тўғри суртиш – бу фақат айсбергнинг чўққисигина ҳолос, бироқ ундан қанчалик тўғри халос бўлиш эса бевосита терининг саломатлигига боғлиқ. Агар сизнинг таниш аёлларингиз орасида фаол макияж ишқивозлари бўлса – совғага мицелляр сув, лосьон, тоник ва сутли воситадан иборат бўлган демакияж воситаларни харид қилинг. Буларнинг ҳаммаси нафақат гўзаллик “броня”сидан қутулишга, балки чарчаган терининг ўзига келишида ҳам ёрдам беради.

Оп-сингиллар, дугоналар, ҳамкасблар ва барча қолганларга.

Қариндошлик даражасида, соч рангидан, қизиқишлари ва косметикани афзал кўришидан қатъий назар – сочларни парваришлаш воситаси аъло даражадаги совға бўла олади. Ўзингиз яхши кўрган қиз ва аёлларга қуюқ сочларни парваришлаш учун сифатли маҳсулот совға қилиб, уларни қувонтиришдан яхши нарса йўқ бўлса керак. Сочлари гажакдор ва қўнғироқ, қуюқ сочли ва етарли ҳажми бўлмаган бош эгалари учун Kallos косметологлари ва докторлари томонидан ҳар қандай ҳолат учун ишлаб чиқилган махсус линиялар – уларнинг кўнгилдагидек совға бўла олади. Бу ерда соч томиридан бошлаб то учигача, брча турдаги сочлар, ҳар қандай ҳамён билан ҳам ўз парваришини топиши мумкин. Ҳавола бўйича танланг.

Ва ниҳоят, бизнинг барча тавсияларимизни ўқиб бўлганингиздан кейин ҳам якуний қарор қабул қила олмаган бўлсангиз, унда 100 000, 200 000 ва 300 000 сўмлик ваучерлар сотиб олинг, уларни ўз севиклиларингизга совға қилинг, ва улар нималарни танлашларини кузатинг.

Йил якунларини ясар эканмиз, биз турли тоифадаги гўзаллик индустриясининг энг юқори тан олинган товарларини ўрганишга қарор қилдик. Бутун йил давомида нима билан бўяндик ва кейинги йилда ўзимиз билан бирга нимани олиб юришимиз керак эканлиги ҳақида - обзоримизда ўқинг.

Юз

Garnierдан тозаловчи воситаси

«Тоза Фаол Тери»

Витаминлар ва абсорбцияловчи кўмир мажмуаси ғоваклардаги кирларни тортиб чиқариб ташлайди, ҳамда терини деярли ичидан тозалайди. Воситадан доимий равишда фойдаланилса, у юз териси номукаммалликлардан халос қилиб, ғовакларни сезиларли даражада тортиб қўяди. 

L'OrealParisдан юз учун маска

«Лой магияси. Тозалаш ва тиниқлаштириш»

Масканинг таркибида – 3 турдаги лой: терининг ялтираши билан фаол курашадиган каолин, минераллар билан тўйинтирувчи монтмориллонит, терининг номукаммалликларини яшириб турувчи гассул мавжуд. Лойли комплексда бир вақтнинг ўзида ҳам музлатиб ва иситиб, терини ортиқча ялтирашлардан халос қиладиган ва сезиларли даражада тортиб қўядиган эвкалипт ҳам мавжуд.

Сочлар

Сочлар учун лак Tecni.

L'Oréal Professionnelдан Art Fix Anti-Frizz

Голливуд юлдузлари соч турмакларининг сирлари нимада эканлигини биласизми? Сирнинг ҳамммаси сочлар учун лакни тўғр танлашдан иборатдир. Лак сочларни ёпиштириб қўймаслиги ва уларни сизнинг бошингиздан алоҳида яшайдиган шлемга айлантириб қўймаслиги керак. Тўғри сочиш ҳам муҳим аҳамият касб этади – сочларни 15-20 сантиметр масофадан қотириб, сўнгра тарашдан аввал шакл қабул қилиш учун икки дақиқача кутиб туриш керак.

Kallosдан сочлар учун кондиционер

Professional Repair Hair Conditioner with Chasmir Keratin 

Кондиционердан фойдаланиш учун асосий сигнал – бу фен, тўғирлагич ёки плойкадан доимий равишда фойдаланиш орқали эришиладиган сочларнинг синувчанлиги ва қуруқлигидир. Фаол кератин ёрдамида, кондиционер сочлар тузилмасига чуқур кириб бориб, уларни тўйинтиради ва бу билан сочларнинг таранглигини ва ялтираб туришини тиклайди.

Макияж

Maybelline New Yorkдан консилер

Instant Age Rewind

Мазкур консилер, одатий ҳуснбузарларни ҳам, кўзга ташланиб турадиган ёш ўзгаришларини ҳам маска билан яшириб, мўжизалар яратишга қодир. Қуюқ , бироқ нафас олувчи текстураси туфайли, консилер осон суртилади ва ғовакларни беркитиб қўймайди. Ҳа, айтгандай, айнан мана шу маҳсулот ўтаётган йилда бьюти-блоггерлар ичидаги хитлардан бири бўлиб қолди.

Maybelline New Yorkдан Great Lash Mascara туши

Great Lash Mascara туши гўзаллик индустриясида пайдо бўлганига қирқ йилдан ошди! Бутун дунё бўйлаб бозори чаққон бўлган ушбу туш, ўзининг классик кўриниши билан гавдаланиб, йилдан йилга ўз томошабинларини топишда давом этмоқда. Ушбу бьюти-хитнинг асосий плюс томони шундан иборат-ки, туш ихчам узунлик ва максимал даражадаги табиий ҳажмнигина қўшиб, фейк киприклар таасуротини яратмайди.

Maybelline New Yorkдан суюқ лаб бўёғи

Vivid Matte

Лаб бўёғи суюқ бўлишига қарамай, бу лабларни қоплаш сифатида ва қатламнинг бир текислигига умуман таъсир кўрсатмайди. Силлиқ аппликато­р билан контурни чизиш қулай, ҳар бир янги қатлам эса рангга ёрқинлик бағишлайди. Суртилган қатламларнинг сонидан қатъий назар, лаб бўёғи оқиб кетмайди.

Maybelline New Yorkдан қошлар учун қалам-бўёқ

Brow Drama Pomade Crayon

Нима учун визажистлар қошлар учун тенлар ва қаламлардан воз кечадилар? Ҳаммаси оддий. Қош учун бўёқ уларнинг шаклини ҳақиқатдан ҳам мукаммал қилиб қўяди, суртиш эса – осон ва қулай. Таркибида мум мавжуд бўлганлиши сабабли, биринчи марта штрихланган пайтидан бошлаб қошлардаги туклар дарҳол ётқизилади.

Бирин-кетин келадиган корпоратив кечалар, ўтиришлар ва байрам оқшомлари олдинда эканлигини тан олиб, биз Bloom гуруҳида бьюти-экспериментлар ишқибозлари учун танлов эълон қилдик, ва уч хил ёш тоифасига мансуб бўлган уч иштирокчи аёлларимизни танлаб олдик ва уларни бьюти-тасвирларга таклиф этдик. Натижада нима ҳосил бўлгани ва ёшга қараб қандай макияж танлаш кераклиги ҳақидаги саволга DjaliMakeUp мобил макияж студиясининг асосчиси Сабина Джалилова жавоб берди.

20+ ёш тоифасидаги бизнинг биринчи моделимиз Асал исмли қиз бўлди. Моделнинг ёшида ҳали ўзгаришлар бўлмаганлиги сабаб, териси эса ёш, ва ҳақиқатдан ҳам яхши бўлганлиги туфайли, унинг макияжини яратишда Make Up Forever HD фотосуратлари учун ишлаб чиқилган профессионал тус берувчи асос, макияж тагидан суртиладиган, жилолантирувчи асосдан (исталганда уни Bourjois чиқарадиган Happy Light 32 Illuminatrice тус берувчи кремига алмаштириш мумкин), бироз табиий ҳайкалтарошлик, Inglot ялтироқли енгил смоки-айздан ва Color Tattoo Maybelline New York ва албатта образнинг якуни сифатида – лаб бўёғидан фойдаланилди. Мен олхўри тусли DiorRouge танлаб олдим, ва унга бироз ялтироқ тенлар қўшдим, истак бўлганда бу тенларнинг муқобили сифатида Maybelline NewYork дан Hydra Extreme “Шафақ ранг ёқут” хизмат қилиши мумкин.

Бизнинг навбатдаги иштирокчимиз - Анора исмли модел бўлди. Танловимизнинг 30+ тоифасига кирувчи иккинчи иштирокчимиз учун, биз кўзлар учун садаф ранг макияжни танлаб олдик. Дастлаб биз барча номукаммалликларини яшириб, бироз ёш билан боғлиқ бўлган тери ўзгаришлари устида ишладик. Сўнгра тус берувчи асосни суртдик ва Maybelline New Yorkдан Master Contour контурлаш қалами ёрдамида ҳайкалтарошликни қўшиб қўйдик. Сўнгра, юзга софлик бағиишлаш учун, енгил ёғупа қўшилди. Кўзларга эса товланиб турувчи тенлар суртдик, лабларни эса унчалик ёрқин қилмадик, бироқ кўзга ташланиб турадиган қилиб бўядик.

50+ ёш тоифасига кирувчи энг ёши катта иштирокчимиз бўлган Инна, ўз макияжида шартсиз тренд саналадиган тилласимон рангни - ёноқларда енгил глитер билан бирлаштирди. Енгил, ярим шаффоф фактурали консилердан фойдаланиш - ёши каттароқ аёллар учун макияж яратишда асосий сир саналади. Сўнгра Clinique гипоаллерген тус берувчи асос суртилди (унинг ўрнига шунингдек L’Oreal Parisдан Alliance Perfect тус берувчи кремидан ҳам фойдаланиш мумкин), енгил ёғупа ва ёноқлар чўққисида милтираб туриш ва тантанаворлик таасуротини яратувчи порлаб турувчи тенлар билан бўялди. Кўз макияжи учун биз моделнинг кўзларини энг ажойиб тарзда ажратиб турувчи ранг типига биноан, Color Tattoo от Maybelline New York тенларининг ичидан бинафша рангини танлаб олдик. Лабларни эса L’Oreal Parisдан Color Riche қизил рангли лаб бўёғи билан бўядик, қоқ марказда биз бироз Inglot олтинсимон пигментини қўшиб қўйдик (ўрнига Bourjoisдан Ombre a paupieres 10 Beige Paillettes фойдаланиш мумкин).

Тасвирга олиш жараёни тугагач, Сабина мукаммал макияж учун “уч аркон”ни эълон қилди, улар орасида тўғри туш (визажистнинг ўзи L’Oreal Parisдан «Миллион киприклар ҳажми» Feline киприклар учун туши, тилласимон хайлайтер ёки шампан виноси рангидек ва текширилган лаб бўёғидан фойдаланилди.

Агар якунловчи танловда иштирок эта олмаган бўлсангиз, қайғурманг. Facebook ва Instagram да бизнинг саҳифаларимизни кузатиб боринг ва сиз кўп Мakeup.uz кўплаб сонли совринлари ва олқишларининг соҳибасига айланасиз!

Янги йилгача бир ойдан камроқ вақт қолди. Ривоятларга кўра, Янги йилни қандай кутсанг, уни шундай ўтказасан деган гап бор. Шунинг учун биз уни ортиқча юксиз, соғлом тана ва соғлом руҳият билан кутиб олишни тавсия қиламиз. Икки ҳафта мобайнида ўзингизни қандай қилиб керакли кўринишга келтириш ҳақида бизнинг обзоримизда ўқинг.

Уч жуфтгина сантиметрга озиш, қуриш ёки “тортилиш”  биз ўйлаганимиздагига қараганда анча мураккаб механизм ҳисобланади. Масалан, озиш, умуман ўзингизни фақат овқатланишдан тийишдангина иборат эмас. Бу диетани ҳам, мураккаб машқлар мажмуасини ҳам, косметика муолажаларини ва кўриниши ўзгартирилган турмуш тарзини ҳам ўз ичига оладиган ортиқча граммлар ва сантиметрлар билан курашиш чоралар мажмуасидир.

Турмуш тарзи.

Ўз танангизни янгилашга киришган бўлсангиз, тўғри турмуш турзи бўлиши сизнинг устувор вазифангиз бўлиб қолиши кераклигидан бошлаймиз. Зарарли одатларнинг организмга таъсири ҳақида чекланмаган ҳолда баҳслашиш мумкин, бироқ аслида организмда никотин ва алкогол кўринишидаги токсинлар бўлмаса, организм ўз кучини уларни чиқаришга  сарфламашга эмас, балки “муаммоли” жойларга ўрнашиб олади ва углеводлар ва ёғлар билан “ишлашни” бошлайди.  Бунга яна (кўчада қиш, деб вайсамасдан),  иссиқроқ кийиниб олиб, танангизни кислород билан тўйинтирувчи ва мушакларни тонусга келтирувчи ярим соатлик пиёда сайрларни, уйқу ва тўғри овқатланиш режимини қўшиш мумкин.

Овқатланиш.

Бу ўринда риоя қилиниши лозим бўлган бир қатор қоидалар мавжуд. Масалан, дунёнинг етакчи диетологларидан бири Филип Гоглия ўз маслаҳатларида сут ва унли маҳсулотлардан воз кечишни тавсия қилади. Унинг сўзларига қараганда, сутли маҳсулот, қоринни шишириб ва бижғитиб, умуман овқат хазм қилиш  жараёнига салбий таъсир кўрсатар экан (айниқса, агар булар ширинликлар бўлса). Ёғсизлантирилган маҳулотларга ҳам ишонманг – улар таркибидаги ортиқча алмаштиргичлар ва таъм берувчи хушбўйликларнинг ортиқча миқдори туфайли сизнинг куч бойлигингизни тўплаб олади. Эътиборингизни доимий тарзда(чой, шарбат ва қаҳва эмас)  сув истеъмол қилишга қаратинг, барча тамаддилар борасида ёнғоқларга ўтинг – улар мияни аъло  даражада рағбатлантириб, тез тўйиб қолиш ҳиссини беради. Сабзавотлар, балиқ ва қайнатилган ва буғда пиширилган гўшт истеъмол қилинг, ахир буларнинг ҳаммаси жуда осон.

Бьюти-муолажалар.

Уқалаш ва унга йўлдош муолажалар - озишда шошилинч ечим бўла олади. Pounds Спорт  кубининг уқаловчиси Анастасия Чавкина ўз тавсияларини берди:

Целлюлитга қарши ва лимфо-дренажли уқалашлар мажмуаси аъло даражадаги ечим бўла олади. Биринчи турдаги уқалаш терини тортади, унга таранглик бағишлайди,  целлюлитни текислайди ва қоматни тўғирлайди. Иккинчи турдагиси эса танани ёлғон шишлардан дарҳол қутқариб, лимфа орқали организмдан суюқликларни чиқариб ташлайди. Озишга тўхтайдиган бўлсак, мен 7-10 мартали курс ўтишни тавсия қилган бўлар эдим (исталган самарага қараб). Терининг қайта ўзгарганлигини биринчи кундан сўнг дарҳол кузатса бўлади. Самарали натижага эришиш ва қоматни сақлаш учун, тўлиқ уқалаш курсини олишни, сўнгра ҳафтасига бир марта уқалашга бориб туриш билан мустаҳкамлашни  тавсия қиламан. Бироқ, максимал натижага фақат машғулотлар ва тўғри оқатланиш билан биргаликда эришиш мумкин эканлиги ҳақида унутмаслик керак. Умуман олганда, ҳар қандай уқалаш метаболизмга, қоннинг микроциркуляциясига ва моддаларнинг яхши алмашинувига ёрдам беради. Уқалаш курси натижасида ҳажмда 2смдан 6см.гача йўқотиш мумкин. Шунингдек, ўраб-чирмашлар, скраблар ва терини махсус кремлар ёрдамида тўйинтириш каби бьюти-муолажалар ҳам сизнинг аъло даражадаги ёрдамчиларингиз бўлиши мумкин.

Машқлар.

Бирданига залга югуриб бориб, қўлингизда юзлаб килограммлар билан ўтириб-туришга уриниб, орқангизни узиб олишингиз шарт эмас.  Яхшиси, пилатес, йога, шейпинг, фитнес и зумбага урғу беринг. Доимий равшда машғулотлар билан шуғулланиш ва уларга тўғри ёндошиш, бир ҳафталик машғулотлардан сўнг ўз натижасини бериши мумкин – сиз мушакларингизнинг фаоллик даражасини ва терингизнинг тортилиб қолганини сезасиз.