MAKEUP BLOG

Одатий шишларнинг пайдо бўлиши пайти келди. Яхши ҳамки, иссиқ об-ҳаво билан биргаликда, тез-тез салқин ҳаво ҳам бўлиб турибди. Аммо энг жазирама кунлар ҳали олдинда, бундай кунларда юз ва тана терисида шишлар пайдо бўлади. Юздаги шиш белгиларини қандай қилиб йўқотиш мумкин? Шу ҳақда сўз юритамиз.

Намлантириш

Бу босқичда озиқлантирувчи хусусиятга эга юз учун ниқоблардан тортиб, сифатли намлантирувчи кремгача – барча воситалар яхши. Garnier дан “Ҳаётбахш намлантириш” (“Живительное увлажнение” ), яъни ёғланишни камайтирувчи крем-сорбети теридаги заҳарли моддаларнинг чиқиб кетишига ёрдам беради. Таркибига антиоксидантлар киргани туфайли крем-сорбет формуласи юз ранги ва тери тузилишини бир зумда текислаб, софлик ҳиссини бахш этади.

Ёпиштирмалар

Кўз атрофидаги тери учун ҳақиқий ёрдамчи – ёпиштирмалар тўпламидир. Ушбу замонавий кўз ости “наклейка” лари иссиқ ҳаво қолдирган белгиларни бартараф қилади, кўз атрофидаги терини шишлардан халос этади ва мимика таъсирида пайдо бўладиган ажинларни тарқатади.

Лосьон / тоник

Тониклар – теридаги соф кўринишни яратиш ва табиий гўзалликни асрашда жуда яхши ёрдамчилардир. Тоникларнинг асосий вазифаси макияж остида теридаги софликни сақлаш ҳисобланади. Уларни танлашда универсал ечим L’Oreal Paris дан “Чексиз софлик” (“Бесконечная свежесть”) уч томонлама фаол тоник бўла олади. Биринчидан, тоник макияждан олдин юзни тозаловчи қўшимча восита бўлиб хизмат қилади, иккинчидан, терини озиқлантиради, учинчидан, софликни сақлайди.

Оқ қалам / консилер

Бу пардоз-андоз сумкасини шунчаки тўлдирувчи буюм эмас, балки ҳақиқий бьюти-ҳийладир. Оқ ёки маржонранг қалам туфайли кўзларга қўшимча жонлилик бағишлаган ҳолда уларнинг ички учларини ёрқинроқ кўринишга келтириш, шу билан бирга, нигоҳларга янада софлик бахш этиш мумкин. Шунингдек, айнан оқ қалам орқали теридаги камчиликларни ҳам яшириш мумкин.

Ёғупа / хайлайтер

Агар бирор жойга боришингиз учун озгина вақт қолган ва юзнинг шиш пайдо бўлган қисми сезилиб турган бўлса, ёғупа (румяна) ёки хайлайтерлардан фойдаланинг. Румяна юзга керакли ҳажм ва тозалик бағишлаб, ранг орқали шишларни яширади. Хайлайтер эса юзнинг шишган қисмини ёрқинлаштириб, унга янада хотиржамлик ва софлик бахш этади.

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Ўқиш даври билан хайрлашиш ва ёзни кутиб олиш учун бешта урфдаги маникюр ҳақида сўзлаб берамиз.

Нюд (табиийдек маникюр)

Минимал нюд маникюри аллақачон классикага айланди, демак, у кутилаётган муҳим тадбирлар учун ранг танлашда бир қарорга кела олмаётганларга энг мақбул ечим ҳисобланади. Мавсумнинг энг “хит” ранглари – ванилли, мокко (кофе нави), латте ва ёрқин – карамелдир. Бундай ранглар хоҳлаган қиёфани унга жозиба ва классика бахш этган ҳолда тўлдира олади.

Ялтироқлик

 L’oreal стилистлари ўзларининг баҳор – ёзги оёқлар учун лак коллекциясида ажойиб нимранг тилла, кумуш ва бронза рангларни ишлатиб, дунёга бу тренд ҳақида “сўз очишди”. Мода–экспертлари фикрига кўра, ялтироқсиз бу фаслни тасаввур қилиб бўлмайди. Асосан, нюд ва ялтироқ битта маникюрда яхши уйғунлашувни ҳосил қила олади. Бунда ялтироқ ва база (тирноқ юзасини текисловчи восита) тирноқ пластинаси ва бармоқлар кетма-кетлиги бўйича галма-гал келиши мумкин. Шунингдек, тирноқларда ялтироқ безак элементларини ҳам қўллаган маъқул.

Қоронғилик

Ғарқ пишган реза мевалар ва ярим қимматбаҳо тошларнинг тўқ ранглари нигоҳларни ўзига жалб қилади. Бундай ранглар, айниқса, енгил квадрат ва бодомсимон овал шаклдаги текис, калта тирноқлар учун яхши ечим бўла олади. Кўпроқ тўқ ва тўйинган ранглар, масалан, турмалин (қора рангли тош) ва аквамарин (яшил, ҳаворанг тош), зумрад ва маймунжон, олхўри ва топаз (ҳаворанг, кўк рангли тош) рангларини танлашга ҳаракат қилинг.

Санъат

Импрессионизм ва умуман санъатга қаттиқ қизиқиш тирноқлар учун лак танлашга таъсир кўрсатади. Агар сизда тантанавор қиёфангиз қандай бўлиши борасида аниқ тасаввурларингиз бўлса, унда ушбу мавсум танланган ранглар палитрасини тирноқларда меъёрига етказиб акс эттиришнинг айни вақти. Нозик чизиқлар ва бўёқларни чизишда рангларни худди нўхат ва чизиқ кўринишида аралаштириб қўлланг. Бундай маникюр – тортдаги ҳақиқий ширин олча кабидир.

Френч

Бу услуб маникюр модасини қўриқлаётгандек, ҳеч ҳам ўз ўрнини беришни истамаётган кўринади. Одатий “француз маникюри” нинг янгича кўринишларидан бири – ранг-баранг тирноқ учларидир. Рангли ечимлар шунчаки ёрқин бўлиб қолмасдан, бир нечта бўлиши ҳам мумкин. Ҳар бир тирноқнинг учини турли рангларда бўяшга ҳаракат қилинг. Бунда кўк ва сариқ, қизил ва сиёҳрангларнинг уйғунлигини қўллаш мумкин. Нюд услубига хос асос туфайли ушбу ёрқин деталлар ёқимли ва камтарона кўриниш ҳосил қилади (френч-қопламнинг минимал кенглиги туфайли). Ранглар палитраси эса базм учун либос танлашни енгиллаштиради.

Бизнинг танловимизда иштирок этишни унутманг, чунки тез орада Bourjois дан лаклар тўплами соҳибасига айланувчи ғолибамизни эълон қиламиз. 

Танловимиз шу ерда ўтмоқда.

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Ёш ва иштиёқи баланд Асал нафақат жозибали қиз ва таниқли фотограф, балки янги тизимли чек-пойнт - Studio 314 профессионал фотостудияси асосчисидир. Студиянинг расмий очилиши ва Хоссейн Фармани билан биргаликда фото-клубнинг ишга туширилишидан сўнг Асал бизнинг блогимизга эксклюзив интервью берди.

Қанча вақтдан бери фотография соҳасида меҳнат қиляпсиз?

Фотография билан анча олдин, 14 ёшимдан бери шуғулланиб келаман. Аммо университетни тугатгачгина, бу соҳада профессионал фаолият юритишни хоҳлашимни англаб етганман ва шундай кейин ўзгача иштиёқ билан ушбу касбни эгаллашга киришганман.

Фотограф бўлиб ишлаш давомида ўзингиз учун қандай асосий хулоса чиқардингиз?

Ўйлайманки, суратга олиш ишлари ҳеч қачон режалаштирилганидек ўтмайди. Доимо ўзгарувчан шароит, вазиятларга мослашишга тайёр туриш керак.

Севимли фотография жанрингиз қайси?

Портретларни суратга туширишни жуда яхши кўраман. Мен учун айнан ушбу жанр бениҳоя қизиқ. Чунки стиль, гавданинг ҳолати, қиёфалар ва бошқаларнинг кўпгина ўзгарувчан кўринишлари бор.

Яхши портретларнинг муваффақияти нимага боғлиқ?

Суратнинг қандай чиқишига кўпгина турли омиллар таъсир кўрсатади. Аммо суратга олиш учун қулай муҳитни яратган ҳолда модельни ихтиёримга бўйсундирган пайтларимда фотосуратларим муваффақиятли чиқишини кузатаман. Инсон ўзини хотиржам қўйиб, жараёнга ишонч билдирса, унинг характери ва кайфиятини тутиб қолиш мумкин, натижада ҳосил қилинган кадр, шубҳасиз, бошқа суратлардан ўзининг атмосферавийлиги билан ажралиб туради.

Нимасиз суратга олиш яхши чиқмайди?

Олдиндан тайёргарликсиз, қиёфалар устида ишламасдан яхши сурат олиб бўлмайди. Тасодифий суратлар ҳам муваффақиятли чиқиши мумкин, буни инкор қилиб бўлмайди. Аммо кўпинча ҳар бир суратга олиш жараёни олдиндан ўйлаб қўйилиши лозим бўлган майда-чуйда деталларни ҳам эътиборга олишни талаб қилади.

Пардоз-андоз сумкачангизда нима, албатта, бор?

Мен соғлом, ёрқин тери эффектига эришиш учун Magic Lumi праймери (пардоз остидан суртиладиган восита) ни L’Oreal Paris дан сувни қочирувчи заррачалар ва SPF Alliance Perfect қуруқ тери учун тонал крем (у ҳам L’Oreal Paris дан) билан биргаликда ишлатаман. Кўз атрофи учун Farmasi дан BB-кремни ишлатаман. Менга Bourjois дан лаб бўёқларининг икки рангини аралаштириб қўллашни яхши кўраман. Шунингдек, менинг яна бир севимли воситам – бу Maybelline дан гелли сурма (подводка) дир. Агар оқшом пардозини яратмоқчи бўлсам, унда Naked турли тенлари тўплами, хайлайтер ва ABH дан контур тўпламидан фойдаланаман.

Фотосуратга олиш пайтида аёлнинг мукаммал образини яратиш сир-асрорлари нимада?

Мукаммал қиёфа – бу аёл ўзига максимал даражада ишончни ҳис қила оладиган образдир. Мен агар қизнинг ўзини ноқулай сезаётганини кўрсам, унга ўзимнинг фикримни сингдирмасликка ўрганганман.

Ишга нимасиз ҳеч қачон бормайсиз?

Телефонсиз. Менг доим ва ҳар жойда алоқада бўлиб туришим керак.

Макияж трендларини кузатиб борасизми?

Мен ижтимоий тармоқларга аъзо бўлганман ва кўпгина бьюти-блоггерларни доимий кузатиб бораман. Буни фаолият соҳам ҳам талаб қилади. Кўпчилик трендлар даврий бўлади, бу эса ортиқча ҳаракатларсиз барча нарсалардан хабардор бўлиш имкониятини яратади.

Уларни ўзингизда тез-тез қўллаб турасизми?

Мен ҳар доим қаллиғимни лол қолдирган ҳолда макияж бўйича барча янгиликлар ва уларнинг яхши томонларини ўзимда мамнуният билан синаб кўраман. У менинг экспериментларимга ҳеч ҳам кўника олмайди.

Суратга олиш пайтида стилист бўлишга ҳам тўғри келадими?

Карьерамнинг илк даврларида суратга олишдан олдин мен ўзим қизларнинг сочларини турмаклаб, уларни бўянтириб қўяр эдим ва кичик деталларгача қиёфаларни яратар эдим. Мен жараённинг ўзидан чексиз завқ олардим. Чунки ўзим истаган натижага эришиш учун нима қилиш ва қандай қилиш кераклигини тасаввур қилардим. Вақтлар ўтиб, суратга олишнинг кўпроқ техник тайёргарлигига эътибор қила бошладим ва бошқа омилларни ўз ишининг усталарига ишониб топширдим.

Нимадан илҳомланасиз?

Мен одамларга фотосуратларим қанчалик қувонч ва ҳайрат бағишлаётганини кўрсам, жуда руҳланиб кетаман. Бу одамга янада энергия бағишлаб, куч беради.

Пардоз-андоз воситаларини қандай танлайсиз?

Одатда, мулоҳазаларни ўқийман ёки визажистлик билан шуғулланувчи дугонамдан сўрайман ҳамда ўзимга хос хусусиятлар ва дидимга эътибор бераман.

Ким сиз учун стиль ва аёллик гўзаллигининг эталони ҳисобланади?

Онам.

Фотосессиядаги аёлларга учта асосий тавсия берсангиз.

Ўзлигингизни сақланг. Эгилманг. Кўзларингиз кулсин.

facebook:https://www.facebook.com/asaldjuraevaphotography/

instagram:https://www.instagram.com/asalyadjuraeva/

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Бу ёз мавсумида нима сабабдан орқага боғлаб йиғилган сочлар оммалашади ва такрорланмас қиёфани қандай яратиш мумкин? Ҳозир шулар ҳақда сўз юритамиз.

Бошнинг орқа қисмига йиғилган соч ҳар кун учун ечим эмас. Образ яратишга бундай ёндашув оқшом либосларида бирор жойга бориш учун жуда мос. Бу каби соч турмагини Джей Ло ва Рози Хантингтон афзал кўришади.

Бундай соч турмагини яратиш учун яхшилаб текисланган сочга унинг жилваланишини кучайтирувчи спрей сепиш лозим. Соч боғлами бошнинг энса қисмидан юқорироққа йиғилади, тушиб турган сочлар эса таралади ва лак билан қотирилади. Соч резинкасини ингичка кокил билан беркитиш мумкин. Узун сочларни укладка қилиш чиройли кўринади.

Унга қарама-қарши ечим ҳам бор. Бу силлиқ таралган ва учлари жингалак қилинган сочлардир. Одатда, уларни аввал боғламга йиғиб, кейин жингалак қилган маъқул. Бундай услубни ёқтирувчилардан бири Холли Берридир.

Ушбу турмакни ҳосил қилиш учун сочлар исталган баландликда йиғилгандан сўнг, улар кичик қисмларга ажратилади ва термо-ҳимоя воситаси пуркалади. Ингичка кокилларни оламиз ва уларни плойка ёки қисқичлар билан ўраймиз. Барча жингалаклар тайёр бўлгач, уларнинг совишини кутиш лозим. 5-10 дақиқа ўтгач, олдинга эгилиш ва сочларни силкитиш орқали жингалакларга янада қалинроқ, ҳурпайган кўриниш бағишлаш мумкин.

Голливуд руҳидаги турмак сочларни боғлам қилиб йиғишнинг гўзал талқинларидан биридир. Бундай укладкани Бриджит Бардо яхши кўрар эди, ҳозирда эса Сиара ундан тез-тез фойдаланади. Ушбу турмак узун чёлка соҳибаларига мосдир.

Уни яратиш учун нима қилиш керак? Фарқингиз бўйича сочларни қисмларга ажратинг, бунда чёлкани ҳам алоҳида ажратиш керак. Сочни боғлам қилиб йиғинг ва уни асос қисмидан яхшилаб титиб таранг. Боғламда ҳосил қилинган ҳурпайган сочга ўртача фиксациядаги лакни сепинг. Бунда кокилларни енгил бураб туриш ҳам лозим. Чёлкани енгилгина титиб таранг ва қулоқ томонга олиб борган ҳолда юзнинг ён тарафига ётқизинг. Уни ҳам лак билан қотиринг.

Соч ўримидан ҳосил қилинган боғлам учрашув ёки бирор жойга бориш учун ўзига хос ечим бўла олади. Озгина хиппи (эркинликка урғу берувчи стиль) кайфияти қиёфага романтика ва ўзгачалик бағишлайди.

Бунинг учун нима қилиш керак? Сочингизни яхшилаб таранг, кейин иккитадан бештагача кокилларни ажратиб олинг. Улар иложи борича ингичка бўлиши керак. Ингичка кокилларни соч узунлиги бўйича ўринг, кейин уни боғлам қилиб йиғинг.

Боғич билан йиғилган сочлар – ҳаётдаги ҳамма ҳолатлар учун мос бўлган замонавий ечимдир. Бундай турмакни расмий, иш учун мўлжалланган кийимлар билан ҳам, оқшом либослари билан ҳам уйғунлаштириш мумкин.

Нима қилмоқ керак? Чакка тепасидаги ўрта кокилларни ажратинг ва уларни боғичга боғланг. Кейин сочни боғич билан бирга йиғинг. Боғичлар маҳкам туриши учун уларни соч тўғноғичлар билан мустаҳкамланг. Бу турмак кун давомида сизнинг ҳамроҳингизга айланади.

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.

Ёз – шахсий образни яратишда ижодкорлик ва тажриба вақти эканлигини таъкидлашнинг ҳожати бўлмаса керак. Айнан шундай жазирама пайтларда чинакамига хурсандчилик қилиш мумкин. Ушбу мавсум учун муҳим бўлган беш хилдаги кўз пардозини тавсия этамиз.

Ҳар бир ўзини қадрлайдиган аёлнинг пардоз-андоз сумкачасида, албатта, турли хил тусдаги рангли тенлар бўлиши керак. Бу мавсум учун, айниқса, қизил ва оловранг, пушти-тилла ва оч қизил ранглар хос. Ҳаттоки мис ва олтинранг уйғунлашувидан ҳосил бўлган ранг энди одатдагидан камроқ жозибали кўринади. Феникс рангининг барча хилларини (айнан улар мавсумнинг урфдаги пардозларида афзал кўрилмоқда) Maybelline New York дан Color Tattoo тенларида учратиш мумкин.

Чизилган пастки қовоқ – яна бир ўзига хос тренд. Аммо айтиш керакки, бунда кўзларга мўлжалланган одатий қора қалам эмас, балки рангли, масалан, яшил, мовий, тўқ кўк, лазурит, яъни кўк ва сиёҳрангнинг турли туслари назарда тутилмоқда. Танланган қаламнинг ранги қанчалик ёрқин бўлса, кўзлар ҳам шунчалик жалб қилувчи кўриниш ҳосил қилади.

Ёрқин подводка (суюқ бўёқ ва қаламли кўз учун восита) ҳам оммалашиб бормоқда. Кўк, кумушранг, яшил, кулранг ва ҳаттоки оқ тусли чизиқларни ўзингизда синаб кўринг. Шунда пардозингиз қанчалик хилма-хил бўлиши мумкинлигини англайсиз. Киприклар ўсувчи чизиққа маҳкам туташиб турадиган батартиб ингичка чизиқлардан фойдаланган маъқул. Бунда сиз жимжимадорликдан қочиб, киприклар қалинлигини ажратиб кўрсатасиз ва шу билан бирга, рангларни қанчалик ҳис қила олишингизни намойиш этасиз.

Минимал киприклар барча табиий нарсалар каби пардоздаги энг долзарб ечимга айланиб бормоқда. Биринчидан, катта елпиғичдек киприклар ўзларининг аввалги долзарблигини йўқотди, демак уларнинг табиий гўзаллигини қайтаришнинг айни вақти. Тараш ва бураш орқали ҳар бир киприкни ажратувчи ҳамда унга шакл берувчи тушьлардан фойдаланинг.

Кўзларнинг тартибсиз пардози – мунозарали, аммо қизиқарли тренд. Турли сурмалар билан кўзни бўяшга энди ҳожат йўқ. Тенни ҳаракатчан юқори қовоққа енгил тартибсиз ҳаракатлар билан суртинг ва киприкларингизни тушь билан бўянг. Бундай пардозни сарғиш тусли яшил, кўкимтир ёки кулранг тенлар билан бажарган маъқул. Синаб кўринг!

Асосий тенденцияларни makeup.uz билан  бирга кузатинг. Бизни маслахатларимиз ва ечилиш улулларимизни бошкаларга курсатинг  , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.