Etude House - 1985-yili "Etude" nomi bilan asos solingan Koreya brendi. 1990-yili kompaniya Amore Pacific Group multibrend korporatsiyasiga qo'shildi, 1997-yilda esa kompaniya rebrending qilindi va shu vaqtdan boshlab to'q nafis pushti ranglarda ishlangan "Etude House" deya bizga tanildi. Etude House koreys kosmetikasi ancha oldingi vaqtlardan beri butun dunyoga mashhur. Ayniqsa, uning romantik dizayni va yuqori sifatli mahsulotlari jalb qiladi. Kompaniya shiori "Har bir qizda malika yashaydi" bo'lib, u ajoyib brend mahsulotlari dizayni bilan ushbu shiorni oqladi. 30 yildan ortiqroq vaqtdan beri koreys markasi ko'pgina mukofotlarga sazovor bo'lgan. Ular orasida yovvoyi tabiatga yordam va iqtisodiy taraqqiyotga qo'shgan hissasi uchun olingan mukofot ham bor. 2010-yili Etude House Koreyada xaridorlar tomonidan "Chakana savdodagi kosmetik brend" kategoriyasida yil brendi deb topildi. Kompaniya o'zining kosmetikasini to'rtta asosiy tamoyil asosida yaratadi: mahsulotlarning yuqori sifati, hamyonbop narxi, maftunkor dizayn, keng tanlov imkoniyati. Kompaniyaning maqsadli auditoriyasi yosh qizlar va sportchi ayollardir.