Secret Key — Корея косметикаси бўлиб, у қадимий рецептлар ва замонавий технологиялар туташган жойда яратилган ҳамда улар фаол компонентларнинг терига чуқурроқ сингишини таъминлайди. Ушбу компания бутун дунё бўйича миллионлаб инсонларга гўзаллик ва ёшликнинг сирли калитини туҳфа қилган. Ҳали ёш Жанубий Корея косметик бренди “The key to uncover a beauty secret” (гўзаллик сирини очувчи калит) шиорига эга. Бренд фалсафасига кўра, истеъмолчилар барча тери турлари учун хавфсиз косметикани қўллаши лозим. Шунинг учун ишлаб чиқаришда асос ингредиентлар сифатида табиий ўсимлик экстрактлари ишлатилади.