Рената Искандарова: стилист, визажист ва гример
18.08.2016
Рената Искандарова – Шахзода, Амира Алибекова, Шахзода Матчанова, Рашид Халиков, Нилуфар Усманова ва бошқа ўзбек юлдузлари билан ишлайдиган стилист, визажист ва гример. Бизнинг блогимизга берган интервьюсида Рената ўзининг беками-кўст териси ва ҳақиқий аёл гзаллиги рецептлари ҳақида сўзлаб берди.
Рената, айтингчи, юлдузлар билан муваффақиятли ишлашингизнинг сири нимада?
Бунинг ҳеч қандай сири йўқ. Тажрибамдан ташқари, ўз ишимга бўлган улкан муҳаббатим ёрдам беради ва буни одамлар сезадилар. Шунинг учун бўлса керак, улар менга осонгина ишониб қўя қоладилар. Мен гўзалликни ўзимча кўраман. “Штампланган” макияжни ёки соч турмагини ёқтирмайман, ва ҳар бир инсонга индивидуал тарзда ёндошаман.
Ўз касбингизга қандай қилиб келиб қолгансиз?
Мен стилист, визажист грим бўйича рассомман. Тўрғисини айтсам, у менинг касбим бўлиб қолади деб ҳеч қачон режалаштирмаганман ва ўйламаганман . Ҳаммаси тасодифан юз берган. Мен ўз ишимни кинода гример бўлиб ишлашдан бошлаганман. Сўнгра клиплар, фотосессиялар, концертлар бўла бошлади. Мен ҳеч қачон салонда ҳам ишламаган бўлсам ҳам, “сарафанли радио” ўз ишини қилиб қўйди.
“Юлдузлар” ва “оддий одамлар” билан ишлаганда улар ўртасида фарқ борми?
Бор. Фарқи кимдир юлдуз бўлишида эмас, балки қандайдир одамлигидадир. Гап шундаки, агар артист учун грим ва ёрқин мэйк-ап – одатий ҳар кунги муолажа бўлса, оддий одамлар учун ушбу ҳолат бирор тадбир муносабати билан кучли таасурот уйғотади. Қизлар ҳар доим ҳам нимани исташаётганларини билмаганликлари учун, улар кўпинча инжиқлик қила бошлайдилар. Ҳамма фарқ шунда.
Сиз ўзингизнинг ташқи кўринишингизни қандай қилиб беками-кўст қилиб сақлай оласиз?
Ишонасизми йўқми, менинг ёшим 30да ва ҳеч қачон косметолог қабулида бўлмаганман. Кўпчилик “энди борсанг ҳам бўлаверади” дейди, лекин мен бунга эътибор бермайман. Бунинг сири жуда оддий: яхши кайфият – гўзаллик гаровидир! Шунингдек, спорт, соғлом овқатланиш ва тўйиб ухлаш - чиройли ва соғлом ташқи кўринишнинг уч арконидир.
Терингиз ҳақида қандай қайғурасиз? Ахир сиз соғлом турмуш тарзини олиб борасиз, шундайми?
Ҳа, албатта. Мен соғлом турмуш тарафдориман! Тренажер залидаги вақт - бўш вақтимни вақтичоғлиқ билан ўтказадиган севимли вақтим. Йога ва сузиш билан шуғулланишни жуда яхши кўраман. Тери таранг ва силлиқ бўлиши учун, мен бир ҳафтада бир марта денгиз тузи ва бир неча томчи эфир ёғи қўшилган содали ванна қабул қиламан. Ва ҳаммага шундай қилишни маслаҳат бераман.
Косметика қутингизда нималарни олиб юришни хуш кўрасиз?
Қаламларни! Мен қаламли мэйк-апни яхши кўраман! Ҳозир гўзаллик дунёсида нархи албатта анча юқори бўлган хира лаб бўёқлари трендда. Беками-кўст макияж қилиш учун, лаблар учун исталган тусдаги ира қаламни танлаш керак, ва у билан лабларни нафақат контурлаш, балки тўлиқ бўяса ҳам бўлади. Арзон ва ғазабли!
Сиз “Биз – нимани истеъмол қилсак, ўша нарсамиз” деган ибора билан келиши оласизми?
Ҳа, бу жуда муҳим. Нима билан овқатлансангиз, бу нафақат сизнинг қоматингизда, балки юзингиздан ҳам билиниб туради. Соғлом овқатланиш сизнинг гўзаллигингизнинг аломатидир. Мен ўзим, бошқа кўплаб аёллар каби шоколадни жуда яхши кўраман. Бу менинг заиф томонимдир.
Ўзига қарайдиган аёллар нимага эга бўлишлари керак?
Вақтга. Ҳар бир аёлда ўзига синчковлик билан қараши учун вақт бўлиши керак. Ўзига қараб юриш аёлларда ўзига ишонч уйғотади.
Гўзаллигингизнинг сири нимада?
Менинг сирим оддий – севиш ва севикли бўлиш. Севувчи аёлнинг кўзлари доим порлаб туради.
Сизнингча нима ҳеч қачон модадан чиқмайди?
Биласизми, мода жуда ривожлантиради, моданинг ортидан қувиб етиб бўлмади. Чиройли табассумга эга бўлган бахтли аёл - ҳеч қачон модадан чиқмайди!
Блогимиз ўқувчиларига қандай тилакларингиз бор?
Азиз қизлар ва аёллар, ўзингиз учун вақтингизни ҳам, пулингизни ҳам аяманг. Ўз ҳаёлларингизни салбий нарсаларни тозаланг ва ҳар қандай майда-чуйдаларга ҳам қувонинг. Ахир сизнинг ташқи гўзаллигингиз ички гўзаллигингизга боғлиқ. Буни тажрибата синаб кўринг, кўзларингизда доимо севги ва бахт порлаб турсин.