2017 йилнинг баҳори ва ёзи учун асосий бьюти-трендлар
02.11.2016
Янги йил кириб келишига ҳам оз вақт қолди, ундан кейин эса янги мода мавсуми ҳам бошланади. 2017 йилнинг баҳорги ва ёзги мавсумида бьюти-индустриядан нималарни кутишимиз керак бўлади? Биз тайёргарлик кўришни бошлаш учун бир неча ғояларни тўплаб қўйганмиз.
Оммабоплик чўққисида нюд жанридаги макияж ва деярли кўринмай турадиган макияж қолади – юз худди уни бўямагандек кўриниб туриши керак. Ўз-ўзидан маълумки, ҳеч ким сизни уйғонар-уйғонмас уйдан кўчага чиқишга мажбурлаётгани йўқ, бироқ аъло даражадаги текис стрелкалар чиқармасдан, ойнанинг олдида ярим соат туришга энди эҳтиёж йўқ. Ёноқларга унчалик катта эътибор бермасдан текис қилиб тон бериш, ҳамда кўзлар атрофининг бироз оқартирилган зонаси – боқишингизга софлик бағишлайди.
Кўзлар макияжида тўхтайдиган бўлсак – бу ерда ҳаммаси мураккаб ва креатив. Асосий тренд – пастки қовоқларга суртма, айниқса – ранглилари. Бунинг учун нима қилишингиз керак? Зумрад, кўк ёки жигарранг қалам ёки лайнер. суртманинг классик қора рангини ҳам танлаш тақиқланмаган.
Баҳорги мавсумнинг яна бир дадил ечимларидан бири – “тўғри бурчакли” тенлар. Бу хаёлингизда ваҳималироқ туюлади, аслида эса буни уддалаш қийин эмас. Бир томондан иккинчи томонга зич қилиб бўялган юқоридаги қўзғалувчан қовоқ, ва ҳатто унчалик катта бўлмаган (иложи бўлса кенгроқ) стрелка чиқариб қўйиш - бундай макияжнинг асосий хусусиятларидан бири бўла олади. Буларнинг ҳаммаси кўзлар учун мўлжалланган рангли ва монохром тенлар билан бажарилади. Фаворада – кўк, ментол ранг ва денгиз тўлқини ранги.
Лаб макияжи шартли равишда икки йўналишга бўлинади – тотал, яъни умумий нюд (оддий ялтироқ ёки гигиеник лаб бўёғи ёрдамида бажариладиган) ёки вамп руҳидаги тўйинган лаблар (бу ерда тенденция ўзгармайди ва асосан маймунжон, мусаллас ва олхўри рангидаги тусларга таянилади. Иккала ҳолатда ҳам бир детал ўта ёқимли – лаблар контурини чизишнинг энди кераги йўқ. Энди эҳтиромда - “эркин бўялган” лаблар.