Кун саволи: Тошкентда косметикани қаерда сотиб олиш мумкин
25.10.2016
Жаҳондаги онлайн-савдо муваффақиятли олиб борилаётганлигига ва косметик маҳсулотлар таклиф қилаётган турли хил дўконларнинг сони ортиб боришига қарамай, Тошкентда сифатли косметикани “топиш” аввалгидек муаммо бўлиб қолмоқда. Биз Тошкентда сифатли косметикани қаерда сотиб олиш олиш мумкинлигини билиш учун, пойтахтда яшайдиган аёллар билан мулоқотда бўлдик.
Ксения Омарова, 23 ёшда, талаба
Мен Россияда бир йил ўқиб, Тошкентга қайтиб келганимдан сўнг дарҳол косметика танлаш муаммосига дучор бўлдим. Авваллари мен бизнинг шаҳримиздаги бу муаммога унчалик эътибор бермаган эканман, бироқ турли хил дўкончалардан ва салонлардан мўл-кўл нарса олиб юришга ўрганиб қолган одам, ҳоҳлайдими-ҳоҳламамайдими, жонажон шаҳригда ҳам худди шундай нарсаларни қидирар экан. Ўсмирлик давримда мен ҳеч қачон косметикани бозорларда сотиб олмаганман, бироқ кейинроқ аёл киши ўз терисининг саломатлигига ва аҳволига жуда катта эътибор билан қараши кераклигини тушуниб етдим. Афсуски, ўзим учун керакли бўлган косметиканинг катта қисмини мен Тошкентга учиб келишимдан аввал Россияда сотиб оламан.
Shadisha, 25 ёшда, қўшиқчи
Узоқ вақт давомида сифатли бренд косметикани мен турли мамлакатларда саёҳатда бўлган чоғимда сотиб оламан, чунки Тошкентда уларни танлаш имконияти унчалик катта эмас. Bobbi Brown, MAC ва NYX маҳсулотларини эса интернет-дўконларга буюртма бериб сотиб олишни давом эттириб келмоқдаман.
Эльвира М., 24 ёшда, флорист
Мен косметикани севаман ва уни суртишдан жуда завқланаман. Лекин мен учун Тошкентда сифатли косметиканинг ассортиментларини топиш асосий муаммо бўлиб қолмоқда. Бизда баъзи бир брендлар умуман тақдим этилмаган, ҳатто қиммат бренд косметикалари ва парфюмериялари салонларида ҳам. Кўпинча мени севимли брендларим, коллекцияларим ва тусларимни етказиб берувчи интернет-дўконлар қутқаради. Бироқ тўлов турлари мен истагандек эмас. Бизнинг тадбиркорларимиз ҳам Ўзбекистонда сифатли косметик маҳсулотларни арзонроқ нархларда етказиб берилишини ва брендларнинг кенг спектрини ташкил этиш даражасига эришадилар деган умиддаман.
Виктория Ницина, 23 ёшда, талаба, SMM-менеджер
Мен ёрқин макияж ва кўп косметика тарафдори эмасман, бироқ қандайдир даражада гигиеник ва косметик маҳсулотлар харид қилиб туришга тўғри келади. Бизнинг бозорларимиздаги асосий муаммо декоратив косметика ва бошқа турдаги косметик воситалар ассортиментларининг камлигидадир. Баъзан, масалан маълум тусдаги лаб бўёғи керак бўлиб қолса, нафақат (турли тоифадалардаги) косметика дўконларини, балки бозорларни ҳам “титкилаб” чиқишга тўғри келади. Лекин исталган нарсани топиш мушкул кечади.
Сиз-чи, сиз Тошкентда косметикани қандай танлайсиз ва қаерда сотиб оласиз? Биз изоҳларда ўқувчиларимизнинг фикрларини тинглашдан беҳад хурсанд бўламиз.
