Тошкентлик фотосуратчи Светлана Астахова
29.09.2016
Фотосуратчи бўлиб ишлаётган йилларингиз давомида қандай асосий сабоқлар олишга улгурдингиз?
Ҳаммадан яхши эканлигим ҳақида ҳеч қачон ўйламаслик, эришилган нарсада тўхтаб қолмаслик ва ҳар тарафга қарайвермаслик - мен учун асосий сабоқлар ҳисобланади. Кимга қараб йўналиш олиш керак? Албатта, катта ютуқларга эришган кишиларга. Ҳар куни ривожланиш ва яхши нарсаларга ишониш муҳим саналади.
Суратга олишда сизнинг севимли жанрингиз?
Шак-шубҳаси, портрет. Эҳтимол, ҳатто руҳий портрет ҳам. Инсон ўз гавдасини бирор қиёфада ўзгартирмасдан, самимий туйғуларини очиб, ўз олдига бўлиб турган ҳолат. Булар, шубҳасиз, инсонни ва унинг ҳаётини тушуниш мумкин бўлган суратлардир. Ва энг оддий портрет ҳар доим энг қимматбаҳо портрет бўлиб қолади.
Сизнинг энг яхши портрет суратларингизнинг муваффақияти нимадан иборат?
Биринчидан, албатта фотосуратчининг маҳоратидан. Нозик психолог бўлиб, инсонни очиб беришни билишдан. Менинг назаримда, буларнинг ҳаммасига тажриба орттириб эришиш мумкин. Мен фотосуратларни картинага яқинлаштирадиган ҳажмли ва манзарали портретларни ёқтираман.
Суратнинг яхши чиқиши нимага боғлиқ?
Мен фотосуратчи модел билан мулоқот қилмасдан туриб суратни яхши чиқариши қийин деб ҳисоблайман. Бу - муваффақиятларнинг асосий таркибий қисми ҳисобланади. Мулоқот излашга ўн дақиқадан бошлаб бир неча соатгача вақт кетказишим мумкин. Бироқ, агар фотосуратчи инсонни ушбу мулоқотга “чиқара” олмаса, унда паспорт учунгина сурат олинади.
Косметик қутичангизда доимо нималар бўлади?
Лаб учун ялтироқ, туш ва қизил рангдаги лаб бўёғи.
Мукаммал образнинг сири нимада?
Бунинг асосий сири - сени қандай бўлсанг, шундайлигингча севишларидан иборат. Агар ўз ишининг устасига мурожаат қилган бўлсанг, унга ишлашни ўргатишнинг ҳам кераги йўқ. Бу жарроҳ шифокор қандай операция қилишини изоҳлаш билан баравар нарсадир. Агар сен фотосуратчига ишонсанг, унда унга юз фоиз ишониш керак, бу дегани бўшашиб, унга ёрдам бериш - очилиш, қисилиб қолмаслик ва ўз олдига бўлиш керак дегани, ахир бегона маскани кийиб олиб, сен ўзинг ҳисобланмайдиган бошқа одамга айланиб олишнинг нима кераги бор.
Сиз нимасиз ҳеч қачон уйдан чиқмайсиз?
Камерасиз, телефонсиз ва қуёшдан ҳимоя қилувчи кўзойнаксиз.
Макияждаги трендларни кузатиб борасизми? Уларни ўз образингизда мослаштирасизми?
Мен табиийлик ва натуралликни ёқтираман. Ҳа, трендларни кузатиб бораман, бироқ мен макияжнинг ёрқин мода турларини эмас, балки ҳақиқий, табиий гўзаллик тарафдориман. Макияждаги сўнгги интилишларни таҳлил қила туриб, менга нюд яқин эканлигини англаб етдим.
Тасвирларга олиш вақтида стилист ролини бажаришга кўпроқ тўғри келадими?
Ҳа, шундай бўлиб туради. Стилист, ҳатто декоратор бўлишимга ҳам тўғри келиб туради. Мен менинг фотосессиямда тасвирга тушишга келган одамларнинг режаларини амалга оширишда кўмаклашишга доимо тайёрман. Мен ҳар доим образларни, кийимларни ва декорацияларни ўйлаб олиб, барча суратга олиш тафсилотларини олдиндан муҳокама қилиб олишга ҳаракат қиламан. Мен кейинчалик кадрлар билан фотошопда соатлаб шуғулланмаслик учун, суратга олиш чоғида ҳамма мукаммал ишлаши лозим эканлиги тарафдориман.
Нимадан илҳом оласиз?
Мени ўраб турган ва менинг ҳаётимга бирор янгилик олиб кирган одамлардан. Шунингдек, саёҳатлардан, мусиқадан ва филмлардан. Менимча саёҳатлар муҳим, чунки умуман бегона жойга мослашаётганда, инсонинг ичида уйга қайтиб келаётган дақиқаларда ҳам сақланиб қоладиган бироз силжиш содир бўлади. Ўйлайманки, бундай маданий силжиш илҳомга айланади. Шунингдек сифатли кино кўриш, сифатли мусиқа тинглаш ва санъат асарларини томоша қилиш ҳам муҳим саналади.
Фотосессия учун аёлларга учта асосий маслаҳат берсангиз.
Биринчиси – ўзингизни қандай бўлсангиз, шундайлигингизча севинг. Иккинчиси – фотосессия ўтказишга қарор қилган фотосуратчига ишонинг – сиз билан унинг ўртасида албатта мулоқот бўлиши керак. Суратга олиш жараёнидаги “дўстлашув” ҳам жуда катта ёрдам беради. Учинчиси эса, қанчалик сийқаси чиққан бўлмасин, суратга олиш вақтида кайфият аъло даражада бўлиши керак.
https://www.instagram.com/sveta_astakhova/