Танани тезкор парваришлаш
27.09.2016
Бизнинг ҳар биримиз йил давомида, ҳоҳ туғилган, ҳоҳ тўй бўлсин, ёки корпоратив кечалар ва бошқа тадбирларда ўзимиз учун муҳим саналарни нишонлаймиз. Ва мана шу кунларда жуда ҳам ўзимизга қарашни ва жозибали бўлишни истаймиз. Биз эса сизни ўз образингизни тезкор “тартибга келтириш” бўйича гид билан таништиришга тайёрмиз.
Ўзингиз учун аҳмиятга эга ҳисобланадиган тадбирга олдиндан тайёргарлик кўриш керак. Кутилаётган ушбу кундан бир ҳафта аввал тўйиб ухлаб олиш, овқатланиш тартибига риоя қилиш (ўткир, шири ва ёғли тамолар истеъмол қилмаслик), шунингдек кўпроқ пиёда юриб сайр қилишга ҳаракат қилиш керак.
Шунингдек, олдиндан терини намлантириб олиш керак, чунки бизнинг минтақамиздаги асосий муаммо – бу қуруқ теридир. Агар сиз ушбу муолажага аҳамият билан қарасангиз, будильникни қўйганингиз маъқул эканлигини эслатиб ўтамиз. Терини ва танани ёғлар (булар бодом ёки зайтуннинг табиий ёғлари бўлиши мумкин) ёки махсус тўйинтирувчи экстрактлар асосида тайёрланган косметик воситалар (терининг ҳолатига узум данаклари экстракти яхши таъсир кўрсатади) билан тўйинтириш керак. Ҳар сафар душ қабул қилгинингиздан сўнг, терингизга эҳтиёткорлик билан, сингдириб, яхшилаб ёғ суртинг.
Икс куни эрталабдан тайёргарликни бошланг. Биринчи ўринда юзингизга эътибор қаратинг. Унинг учун оддий, лекин янгилаш усули яхшироқ таъсир кўрсатади. Мойчечак, ялпиз ва жўка баргининг ўтли аралашмасини қайнатиб олиб, сузгичдан ўтказиб олганингиздан сўнг унга докали салфеткани ботиринг, ва салфеткани унчалик сиқмасдан, юзингизга суртинг. Уни 2-3 дақиқа давомида ушлаб туринг, сўнгра совуқ сув шимдирилган бошқа салфетка билан алмаштиринг. Маскани 3-4 марта алмаштиринг ва юзингизнинг териси янгиланиб, қанчалик тортилиб қолганини сезасиз.
Сизнинг танангиз юқори эътиборга лойиқ. Керакли кайфиятга эришиш ва тонусни сақлаб туриш учун, контрастли душ қабул қилиб, терини қаттиқ сочиқ билан артинг. Намлик қолдиқлари қуриб қолмаслиги учун – тана териси бўйлаб бир қават ёғ суртиб чиқинг, бу танангизни ялтиратиб, керакли намликни сақлаб қолади.