Андрей Аракелян: фотосуратчи ва бадиий фотосуратлар муаллифи

25.08.2016

Андрей Аракелян – модалар бўйича фотосуратчи ва бадиий фотосуратлар муаллифи, фуд-тасвирлар ва текшириб чиқилган предметли кадрларнинг ишқибози, бизнинг блогимизда бўлиб ўтган ўз интервьюсида аёллар кўзларининг гўзаллиги ва идеал моделлар ҳақида сўзлаб берди.

 

Сиз кўпинча мода оламидаги тасвирларни оласиз ва одамлар билан ишлайсиз. Бу каби ишнинг асосий қийинчилиги нимада?

Асосий қийинчилик яхши жамоа, тасвирга олиш гуруҳини яратишда. Билимли мутахассислар ва визажистларни жалб қилиш, ретушер топишда. Шунингдек, мен кўпинча профессионал моделлар билан ишласамда, модел топиш ҳам қийин иш.

Тасвирга олиш чоғида профессионал модел ва оддий инсон ўртасидаги фарқи нимада?

Ким билан ишлашга тўғри келишига қараб, портретнинг асосий моҳияти – жанрли кадрдан иборат бўлади. Яъни, инсоннинг феъл-атворини очиб берадиган кадрдан иборат. Бу жуда муҳим. Баъзан ҳатто тасвирга олишдан айнан нимани кутаётганлигингизни тушуниш учун, суратга олмоқчи бўлган инсон билан аввалдан учрашишга тўғри келади. Баъзан эса инсонни шундай жараён банд қилиб оладики, бунда ҳар сафар зулфинни босганда унинг ўзи гавда ҳолатини ўзи иштиёқ билан ўзгартиради. Бу худди балиқ ови каби – ўтириб, инсоннинг ҳатти-ҳаракатларини кузатасан.

Тошкентда профессионал моделлар кўпми?

Бор. Масалан, мен Кристина Смолова, Мила Исаева билан ишлагни яхши кўраман. Уларни тасвирга олиш чоғида, ҳеч қандай ортиқча муҳокамалар ва саволлар тиуғилмайди – бу қизлар зарур натижа бериш учун нима қилиш кераклигини ўзлари яхши биладилар.

Сизни тасвирга олиш жанрларидан қаси бири кўпроқ қизиқтиради?

Бугунги кунда мени фуд-тасвир ва модали тасвир кўпроқ ўзига тортади.. Овқат еганда мукаммалликнинг чегараси деярли йўқ, шунинг учун бу муносабатда ўзини узоқ муддат давомида чарқлаш мумкин. Модада эса илҳомланиш муҳим ўрин тутади. Лекин иккала ҳолатда ҳам энг муҳими – яхши жамоа.

Фотосуратчилар орасида қайси бирининг ишлари сизга кўпроқ ёқади?

Ўзбек фотосуратчилари ичида менга Алихоннинг ишлари кўпроқ ёқади. Чет эл давлатларининг фуд-фотосуратчиларда тўхталадиган бўлсак, менга Александр Слядневнинг ижоди ёқади. Фэшн-суратчилар ҳозир жуда кўп, шунинг учун уларнинг орасидан биттасини ажратиш қийин.

Сиз ватанимизнинг ва чет эл давлатларининг машҳур инсонлари билан ишлагансиз. Сиз ҳозиргача эслаб турадиган кадр борми?

Бир марта, бренд Стефано Ричининг (Stefano Ricci) Тошкентдаги намойишидан сўнг, мен саҳна ортида маэстрони бир жуфт кадрини қилишим керак эди. Бироқ дизайнерга шунчалик одамлар кўп “ёпишиб” олган эдиларки, ва мен плинтуснинг устига чиқиб олиб, ўша ердан тасвирга олишдан бошқа иложим йўқ эди. Мен суратга олаётган вақтимда Стефано ўгирилиб қолди ва мени ўз боқиши билан бошимдан оёғимгача қаради. Мен буни ҳеч қачон унутмасан керак. Яна бир кулгили воқеа ватанимизнинг машҳур саксофонисти Юнус Гулзаров билан бўлиб ўтган. У жуда чиройли ва хушбичим ҳолда менинг олдимга студияга келиб, саксофонини олиб, расмга тушиш учун маълум вазиятда туришга шайланиб турган вақтида, тўсатдан жевак (брелок) ўлчамидаги кичик саксофон кўринишидаги сувенирни кўриб қолди. У тезгина ўзининг саксофонини ташлаб, кичкина саксофон билан суратга тушишга қарор қилди.

Ватанимизнинг қайси стилистлари билан ишлаш қизиқарли бўлган?

Полина Ненашева – ҳақиқий ўз ишининг устаси. Мени шунингдек Таисия Чурсина билан ишлаш ҳайратда қолдирган. У кийимлар бўйича дизайнер бўлишига қарамай, стилист сифатида ҳам аъло даражада ишлар экан.

Ватанимиздаги дизайнерлардан сизга кимлар кўпроқ ёқади?

Менга Зулфия Султон ва Таисия Чурсинанинг ижоди ёқади – иккала дизайне икки ҳил бўлишига қарамай, улар жозибали ва кўримли ҳисобланадилар. Елена Мильбергер ва унинг батик билан ишлари мени доим ҳайратга солади.

Кўп соатли тасвирга олиш вақтида овқатланиш тартиби сиз учун қандай кечади? Соғлом турмуш тарзи олиб бора олаяпсизми?

Албатта, тасвирга олиш майдонида кун давомида ўн беш соатгача вақтимни ўтказишимга тўғри келади. Бу жуда ҳориқтиради. Лекин ҳаммаси ишлар тўғри режалаштирилган бўлса – овқатланишга ва дам олишга доимо вақт етади. Мен ҳамма нарсани дақиқасигача режалаштиришга уринаман.

Сизнинг фикрингизча аёлларнинг ҳақиқий гўзаллиги нимада?

Кўзларда. Агар кўзлар дил ойнаси десак, бу балки сийқаси чиққан ибора бўлар, бироқ бу шандай. Кўзларда бахт ва қувончни ўқиса бўлади.

Ҳар бир тасвирни мукаммал чиқаришга ёрдам берадиган сиз қабул қилган универсал гавда ҳолатлари борми

Йўқ, бундай гавда ҳолатлари йўқ, ахир ҳар бир инсон ўзига яраша ўқиб чиқилиши, ўйлаб топилиши ва фақат шундан сўнггина фотосуратда “сўзлаб” беришга уриниш лозим бўлган ноёб китобдир.

Бизнинг ўқувчиларимизга қандай тилаклар билдирасиз?

Аёлларга доимо табассум қилиб юришларини тилайман, ахир аёл жилмайганда – у бахтли бўлади, у бахтли бўлганда эса - ўз атрофидагиларни ҳам бахтли қила олади. Асосийси- аёлларни бирор сабаб билан ёки сабабсиз ҳам суймоқ керак.