Скрабни қандай мустақил равишда қилиш мумкин
16.08.2016
Биз ўзимизнинг севикли инсонимиз учун вақт ажратишни ҳоҳлаймиз, лекин қасдма-қасд қилгандек, қўл остимизда керакли косметик воситалар бўлмай қолади, яқин орадаги дўконга югуриб бориб келишга эса эринамиз, ёки бизнинг шаҳримизда эса косметика етказиб бериш кўзда тутилмаган бўлади. Айнан шундай ҳодисалар учун уй шароитларида ўз қўлимиз билан тайёрлашимиз мумкин бўлган скрабларнинг уч рецепти ҳақида сўз юритамиз.
Қанчалик оғир ботмасин, лекин асосий оммабоп скраблардан бири – бу целлюлитга қарши курашиш. Биз ушбу курашда қанчалик ғалаба қозонишни истамайлики, бироқ бунинг ўзи бўлмайди. Лекин биз керакли восита ҳақида биламиз. Кофе қуйқаси (тахминан уч чой қошиқ миқдорида), бир ош қошик қуюқ асал, бир қошиқ денгиз тузи ва бир неча томчи ёғдан (зайтун ёғи ёки Johnson’s Baby каби косметик ёғ жуда мос келади) тайёрланган скраб бу масалани аъло даражада ҳал қилишга ёрдам беради. Уларнинг ҳаммасини яхшилаб аралаштириб олиб, уқалаган ҳолда тананинг муаммоли жойларига суртилади, ва у ерда тахминан 20-40 дақиқа давомида ушлаб турилади.
Юз терисини сезиларли даражада тортиш учун, ёруғликка чиқишдан аввал қуйидаги аъло даражадаги ечимдан фойдаланишингиз мумкин. Буғли ҳаммомда зайтун ёғини (бир чой қошик) қайнатиб олинг, сўнгра ёғни бироз совутинг. Ёғга бутун лимон шарбатини сиқинг, суюқликни аралаштиринг ва уни уқаловчи ҳаракатлар билан юзингизга суртинг. Скрабни 30 дақиқага қолдиринг, сўнгра юзингизни иссиқ ва совуқ сув билан навбатма-навбат тартибда ювинг. Терингиз сезиларли даражада яхшиланади ва текисланиб қолади.
Десертга эса товонлар учун “ширин” скраб сири билан бўлишамиз. Уни тайёрлаш учун бир ош қошиқ асал, икки ош қошиқ денгиз тузи ва уч ош қошиқ зайтун ёғи талаб этилади. Яхшилаб аралаштирилган аралашмани товонларингизга 3-5 дақиқага суртинг, сўнгра ювиб ташланг ва унга аямасдан тўйинтирувчи крем суртинг. Дарзлар, дағаллик ва чарчоқ – ўз-ўзидан йўқолади.
Агар бизнинг рецептларимиз сизга ёққан бўлса, ёки ўз рецептларингизга эга бўлсангиз – изоҳларда ёзинг ва саволлар беринг. Биз саволларингизга албатта жавоб берамиз!