Москвалик топ-визажист Ника Кисляк
01.11.2020
Ника Кисляк - москвалик топ-визажист. У Москва, Лондон ва Нью-Йоркдаги мэйкап бўйича энг зўр рассомларнинг қўлида таҳсил олган. Уч йил давомида Россиядаги L'Oreal Paris бош визажисти бўлган. Никининг ишлари туширилган тасвирланган тасвирлар VOGUE, GQ, Glamour, ELLE, Harper's Bazaar, Allure, Grazia, Cosmopolitanларда босиб чиқарилган.
Никининг ишлари билан ўз Instagram-аккаунтларида Пэт Мак Грат ва Вэл Гарланд каби макияж бўйича дунё гурулари бўлишишганлар.
Ника Ирина Шейк, Светлана Ходченкова, Рената Литвинова, Ингеборга Дапкунайте, Сати Спивакова, Равшана Куркова, Евгений Цыганов, шунингдек Екатерина Зингаревич, Настя Стен, Ирина Николаева, Настя Кусакина ва бошқа машҳур кишилар билан ҳамкорлик қилган.
Барчангизга салом! Сизлар билан танишганимдан ва сизнинг саволларингизга жавоб беришдан мумнунман!
Минг афсус, мен ҳали Ўзбекистонда бўлмаганман, бироқ мамлакатингизнинг тарихини, маданиятини ва санъатини ўз кўзларим билан кўриш орзусидаман. Мен рассмочилик маълумотига эгаман, амалий-декоратив факультетда таҳсил олганман, ва ҳозирги кунгача баъзан менинг ижодимда бу ўз таъсир кучини кўрсатиб қолади, илҳом париларини қидириб, бошқа мамлакатларнинг хусусиятларини ўрганиб, тез-тез саёҳат қилиб тураман. Ва бунда менинг хотирамда қандайдир қиёфалар кўриниб туради, менимча, Ўзбекистонда улар етарли даражада ёрқин бўлса керак. Юртингизда бўлсам, беҳад хурсанд бўлган бўлар эдим!
Сиз ёзда қандай бьюти-қарорлар изидан борасиз?
Таътилдан зўрға қайтиб келгандан сўнг, шахсий тажрибамдан келиб чиққан ҳолда, ёзда, айниқса иссиқ кунларда, одам камроқ бўянгиси келади. Мен фойдаланиш шарт бўлган маҳсулотлардан, енгил ишлатиладиган ва ҳар жиҳатдан қулай маҳсулот саналадиган мицеляр ва термал сувлардан фойдаланишни тавсия этаман. Мицеляр сув терини тозалайди ва намлантиради, юзда пленка ҳисини қолдирмайди, шунинг учун уни ювиш ҳам шарт эмас. Термал сувни эса музлатгичда сақлаш ёки ёнингизда олиб юришингиз мумкин, у терингизни янгилаб, ажойиб тарзда намлантиради, қизаришлар ёки қичишишларни йўқ қилади.
Макияж тагидаги асосга ўрганиб қолганлар нима қилишлари керак?
Макияжга келадиган бўлсак, жуда енгил, BB-кремлар вариантлари бўлиши мумкин, шунингдек фақат консилердан фойдаланиш мумкин, у терининг маҳаллий камчиликларини – кўзлар тагидаги кўкаришларни, доғларни, қизаришларни, йўқ қилади, лекин умуман олганда, юзга тегмаган маъқул.
Агар қиёфага бўёқлар қўшиш истаги туғилсачи?
Ёзда тери бироз офтобдан қораяди, шунинг учун макияждан минимум фойдаланиш керак. Агар бунда қошлар тўғирланган ва киприклар билан биргаликда кимёвий тарзда бўялган бўлса, ёки табиатан етарли даражада тўқ рангда бўлса, унда юз манзарали косметикасиз ҳам маънодор кўринади. Лабга бальзам суркаб, олға кетаверишингиз мумкин!
Машҳур шахслар билан ишлариннгиз ҳақида нималар дея оласиз?
Мен кўплаб машҳур моделлар, актрисалар ва қўшиқчилар билан ишлаганман, уларнинг медия шахслари, ўзларини айнан қандай кўришни, ва ўзларига нималар кўпроқ ярашишини биладилар. Ирина Шейк, Рената Литвинова, Светлана Ходченкова, Ингеборга Дапкунайте – уларнинг ҳар бири шаклланиб бўлган ўз образига, макияжи ёки соч турмагидаги таниш акцентларга эгадирлар – бу юлдузлар имиджининг бир қисмидир. Оддий аёллар каби, улар ҳам ўзларини ўзлари қандай ҳоҳлашсалар, шундай кўришга тўлиқ ҳақлидирлар. Уларнинг ҳар бири ўзининг бетакрор аёллик назокатига эга. Баъзан ниманидир алмаштиришни истаб, эҳтиётгина маслаҳат бераман, фарқини тушунтираман, ва улар баъзан профессионал сифатида қулоқ тутишсаларда, баъзида ўзларининг айтганларида туриб оладилар.
Аёллик гўзаллиги ва уни парваришлашнинг асоси нимада?
Ўзингиз ва ўз терингиз учун ҳеч бўлмаса минимум муолажалар қилиб туриш –терини тозалаш ва намлантириш, доимо уйқудан аввал макияжни олиб ташлаш ва кўзлар атрофига кўз атрофи учун мўлжалланган кремдан фойдаланиш керак, ахир айнан шу зонадаги тери энг юпқа ва тез қарийди. Шунингдек, декольте зонаси, бўйин ва қўллар ҳақида ҳам унутмаслик керак – булар вақт ўтган сари қариётганлигингизни кўрсатиб турувчи учаксткалар ҳисобланади, ва ўзига юздан кам бўлмаган эътиборни талаб қиладиган участкалардир. Шунингдек, офтобдан қорайган жойларга “қўполлик” қилиб бўлмайди, эрта қаришдан, пигмент доғлардан сақланиш, шунингдек онкологик касалликларнинг ривожланиш имкониятларига йўл қўймаслик учун, доимо қуёшдан сақловчи воситалардан фойдаланган маъқул.
Гўзалликнинг энг оддий воситаларидан бири – бу сув! Ҳар куни тахминан икки литр оддий ичимлик сувини ичиб туришни унутманг. Ҳатто эксперимент ўтказиб кўришингиз мумкин – бир ой мобайнида шунчаки етарли миқдордаги сув истеъмол қилинг, натижаси сизни нафақат терингиз ҳолатида, балки кайфиятингизда ҳам ҳайратга солади.
Манзарали косметик воситаларни қандай қилиб тўғри танлаш керак? Уларнинг сири нимада?
Манзарали косметикада тўхталадиган бўлсак, зарур минимумга эга бўлиш муҳимдир. Терингиз тиниқ ва соғлом, юзингиз эса табиий кўриниши керак. Бундай самарага қандай қилиб эришиш мумкин? Жуда осон! Ёрқин тасвирлантирувчи заррачали тус, хайлайтер, лаб ва лунжлар учун ёғли текстурали тинт кифоя – сиз ёш ва дам олгандек кўринасиз. Бироз туш, киприк контури, бармоқ учлари билан лаб бўёғини қўшиб қўйсангиз – сиз кўз узиб бўлмайдиган даражада ўзгарасиз! Ва бундаги мақтовлар сиз чиройли бўянганигиз ҳақида эмас, балки сизнинг ўзингиз қанчалик гўзал кўринаётганлигингиз ҳақида бўлади, ушбу икки фикр ўртасида эса катта фарқ бор!
Тус берувчи асосни танлаш учун йўл олганлар нима қилишлари керак?
Тусни танлаш бўйича жуда оддий маслаҳат: тозаланган юзингизга ўзингизга мос келади деб ўйлайдиган тус берувчи кремнинг бир неча рангларини сурканг, бундай суркамаларни юз контури яқинига ҳам суртинг, ранг тана билан қанчалик уйғунлашганлигини кўриш учун уни бироз бўйинга ҳам суртинг. Бир неча вариантини суртганингиздан сўнг, уларнинг оқарган ёки тўқ рангда эканлигини кўрасиз, лекин уларнинг бири юзингизга мос тушади ва умуман кўринмай қолади – мана шу сизнинг тус берувчи кремингизнинг ранги бўлади. Тус берувчи кремнинг пушти ранги ҳеч кимга мос тушмаслигини қайд этиб ўтишни истар эдим. Ундан кўра, иссиқ ва сариқ томонга қараб кетаётган пигментлар афзалроқ. Упанинг эса рангсизидан фойдаланишни тавсия этаман, у ялтироқ ёғларни беркитиб туради, ҳар қандай рангдаги терига мос тушади.
Аёллар 2016 йил куз-қиш мавсумининг мода мавсумидан нималарни кутишлари керак? Нима деб ўйлайсиз, кузда нима ўта оммабоп бўлади?
Тажриба шуни кўрсатмоқда-ки, куз-қиш мавсумида одатда бўғиқ тусдаги лаб бўёқлари модага киради, деярли ҳар доим қизил ва вино ранги мавжуд бўлади, бироқ бу билан ҳеч кимни ҳайратга солиб бўлмайди. Менга лабдаги жигар рангнинг мураккаб туслари – сарғиш, ғишт ранглар, қизғиш-жигар ранг ёқади – ушбу рангларни кўплаб дизайнерларнинг куз-қишги коллекцияларида кўриш мумкин (мен нафақат макияжни, балки кийимни ҳам назарда тутяпман).
Ўқувчиларимизга берадиган энг асосий маслаҳатимиз нимадан иборат?
Гўзалликка ўта жиддий эътибор берманг, ахир табассумингиз ва кўзларингизнинг чақнагинини ҳеч нимага алмаштириб бўлмайди! Ҳар жиҳатдан беками-кўст, лекин совуқ ва носамимий аёлларни кўп кўраман, бу камчиликлар уларни нафақат жозибадоргина қилади, балки ўзларидан итаради. Гўзаллик уйғунликда, кўп ҳолларда – шахснинг умумий монандлигида эканлигини билган ҳолда, ўзингизни, ўз услубингизни қидиришдан қўрқманг!
Ўзингизга келадиган бўлсак, сиз уйғунликка эришиш учун энг зарур нарса нима деб ҳисоблайсиз?
Кўплаб одамлар ўзларини яхши кўрмайдилар. Менимча, ўзини қабул қилиш ва яхши кўриш, ўз ички дунёсини эшитиш, аслида нима қизиқ, нимани истайсиз, нима куч беради, ўзгаларни эмас, балки ўзини эшитиш ва тинглаш – жуда муҳим ҳисобланади. Мен нозиктаъблик ҳақида эмас, қабул қилиш ҳақида сўзлаяпман. Соғ-саломат ва бахтли бўлинг!
https://www.instagram.com/nikakislyak/
https://www.facebook.com/nika.kislyak/