Косметика воситаларидан фойдаланиш ҳақидаги мифлар
03.11.2017
Косметика воситаларидан фойдаланиш афсоналарида унинг аянчли оқибатлари ҳақида кўп айтилган. Аксарият ҳолатларда уларни муайян крем, лосьон, пудра ўзига мос келмаган аёллар ўйлаб топишган. Аммо энг аянчлиси қолганлар бундай гап-сўзларга ишонишади!
Афсона 1. Кўпчилик ёшликдаёқ қарилик ташвишини қилса, ажинлар камроқ бўлади, деб ҳисоблайди. 20 ёшдан ўз терингизга пилинг, лифтинг ва бошқа процедуралар билан зарар беришни бошласангиз, терининг ҳаётий фаоллигини бутунлай йўқотишга эришишингиз мумкин. Бундай ёшда фақатгина мос парвариш лозим.
Афсона 2. Терини ҳуснбузар ва бошқа муаммолардан бир неча дақиқада халос қилувчи воситаларни, баъзи кишиларнинг сўзларига кўра, кундалик равишда ишлатиш мумкин. Асло! Ахир кучли таъсир кучига эга воситалар терига салбий таъсир кўрсатади, натижада, терида янада кўпроқ муаммолар юзага келади.
Афсона 3. Бунда парвариш воситасини алмаштириш тавсия этилади. Агар терини парваришлашга мўлжалланган маълум бир воситадан мунтазам фойдаланилса, у камроқ натижа беради, деган гапларга ишониш керак эмас. Косметик воситаларни улар шунчаки жонга теккани учун эмас, балки бошқа муаммолар билан курашишга тўғри келгандагина алмаштириш мақсадга мувофиқ. Аксинча, битта воситани мунтазам қўллаш кўпроқ самара беради.
Афсона 4 ёки “инкор қилиш синдроми”. Косметик воситалар, масалан, крем ёки лосьонларни ҳеч қачон қўлламаган ва бундан кейин ҳам қўлламайдиган маълум бир фоиздаги қизлар бор. Агар бундай воситаларни ишлатишни бошлаб, кейин тўхтатиб қўйилса, терига зарар етади, деган қўрқув уларнинг онг остига сингиб қолган. “Инкор қилиш синдроми” наркотик, гормонал, антидепрессант ва бошқа фаол воситаларни қўллайдиганларга хос. Косметикада бундай синдром мавжуд эмас. Бир неча кун ичида косметик воситалар туфайли 20 ёшга қариш ҳам фақатгина фотошоп орқали бўлиши мумкин, бошқа ҳолларда эмас.
Афсона 5 – мўъжизавий. Кўпчиликни қўрқитувчи хавфли гормонал косметика аслида БАД ларнинг таркибида мавжуд бўлган бир хил қўшимчалардир, улар самарали таъсир кучига эга эмасс.
Афсона 6. Турли фирма ва йўналишдаги косметикаларни аралаштириб ишлатиш мумкинлигига ҳеч қачон ишонмаслик керак. Битта сериядагиларни қўллаш ҳолатининг рекламаси – тўғри. Аралаштириш эса аллергияга олиб келиши мумкин.
Афсона 7. Терининг коллагенга ўрганиб қолиши – миф, миф, миф! Коллаген – бу органик элемент бўлиб, у суяк, тирноқ, соч ва инсон ҳамда жониворлар териси таркибида бўлади. Ягона эҳтиёткорлик – бу коллагенли воситани танлашда амалга оширилиши керак, буни эса мутахассис тавсияси асосида қилган маъқул.
Афсона 8. Глицерин терини қуритиб юбориши мумкин эмас, айниқса, косметик воситалар таркибидаги. Албатта, агар глицериннинг ўзи ишлатилса, тери қурийди, аммо кимдир бундай ишни қилмаса керак?
Афсона 9. Тунги кремни ётишдан олдин ишлатиш мумкин эмас. Уни уйқудан бир неча соат олдин қўлласа, тўғри бўлади. Шунда уни ишлатишнинг самарали таъсири сезилади.
Афсона 10. Ёғли кремларни совуқ пайтларда ишлатиш мумкин, аммо айнан кўчага чиқиш олдидан эмас. Бундай кремлардан одатдаги тартибда фойдаланиш мақсадга мувофиқ.
Афсона 11. Пудра ва тонал асос бугунги кунда тешикчаларни ёпиб қўймайди ва улар нафас олади. Авваллари тешикларни ёпиб қўйиш ҳақидаги фикрлар адолатли эди. Олдинлари, 20 йил аввал.
Афсона 12. Бир неча тери турларига мос келувчи битта воситанинг бўлиши ҳам мумкин эмас. Ўз-ўзидан тери бир неча турларга эга экан, универсал воситани яратишнинг имкони ҳам йўқ.
Бошқаларнинг хатосини қайтармаган маъқул. Индивидуал эҳтиёжларга, тери ва ёшнинг ўзига хос хусусиятларига идеал равишда мос келувчи косметика воситаларини қўллаган мақсадга мувофиқ.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.