14-20 август ҳафтасига мунажимлар башорати
14.08.2017
Кимни бойлик кутмоқда? Кимни саёҳат? Кимнидир эса муҳаббат? Бу саволларга жавобларни бизнинг ҳафталик рубрикамиз – “Ҳафталик мунажжимлар башорати”дан топасиз.
Қўй
Биринчидан, қўй буржи остида туғилганларнинг чўнтаги йирик-йирик пуллар билан тўлади, иккинчидан, севгилингиз ўз муҳаббати ва туйғуларини қандайдир сизга жуда боғланиб қолгандек намоён эта бошлайди. Сизнинг кўнглингиз эса бутунлай бошқа – оддий-амалий нарсаларни хоҳлайди. Бойлик ва севгилингиз устидан ҳиссий ҳукмронлигингизни сезиш ўзингизни бўш қўйишингизга, шу билан бирга, ва ниҳоят, анча вақтдан бери қўлингиз тегмай турган ишлар – уй тозалаш, майда таъмирлаш, кийим жавонингиз учун муҳим янги нарсалар харид қилиш, автомобиль созлаш кабилар билан шуғулланишингизга сабаб бўлади. Умуман олганда, атроф муҳитнинг сиз билан уйғунлиги бутунлай романтик бўлмаган тарзда ўзгаради. Бир тарафдан, маиший масалаларни ҳал қилиш – мақтовга арзигулик, кейинги ҳафтада бундай ирода кучи йўқолиб, ўрнини ялқовликка бўшатиб беради. Бошқа тарафдан, севгилингиз сиз томонга бутун қалби билан талпиниб турганда, унга севги билан жавоб бериш керак. Агар пуллар ҳамённинг ёпилишига халақит берса, уларни ишлатиш ёки бирор нимага сарфлаш керак. Ҳеч бўлмаганда, ўзингиздан кичик ҳадяларни рад қилманг.
Сигир
Шундай шаҳар афсонаси борки, унга кўра, инсон ўз мияси имкониятларининг 10%нигина ишлатади. Баъзилар бу “чўққи”ни 5-7%гача ҳам туширади. Бу ҳафтада ушбу фактлар сиз учун ҳеч қандай аҳамиятга эга бўлмайди, чунки миянгиз худди Қуёш тизимидаги барча энергияни сўриб олаётганга ўхшайди. Агар бу даврда чет тиллари ёки хаттотликни, веб-сайт яратиш ёки ҳатто эҳтимоллар назариясини ўрганишни бошласангиз, уларни нафақат ўзлаштира олишингиз, балки ўрганишни дипломли мутахассис даражасида давом эттиришингиз мумкин. Ростан ҳам ўз-ўзингизни ривожлантириш устида ишлаганингиз маъқул, чунки бўш вақт ва ҳаракатга келтирилмаган миянгиз билан юзма-юз қолганингиз заҳоти ички заҳираларингизнинг “овчи”си топилади. Қариндош ва дўстларингиз, ўйламасдан ҳам, сизни ўз муаммолари доирасига жалб қилишади ва ягона тўғри ечимни топишни сизга юклашади. Уларда фақатгина қисман иштирок этишга рози бўлинг, сизга, ҳеч бўлмаса, озроқ алоқаси бўлган ишларгагина масъулиятни зиммангизга олинг. Учинчи шахслар ўртасида вужудга келадиган мунозарали масалаларда ҳам нейтрал бўлишга ҳаракат қилинг. Айтишганидек, жанжаллашувчилар охирида тил топишиб кетишади, сиз эса томонлардан бирини қўллаб-қувватлаганингиз учун айбдор бўлиб қоласиз.
Эгизаклар
Ва ниҳоят, олдингидек ҳолдан тойдирувчи ишингиз ҳамда чарчоқ, стресс ва молиявий тартибсизлик сабаб хафа бўлган ёки тортишиб қолган яқин ҳамда севимли инсонларингиз билан муносабат ўртасида мувозанатни топишга эришасиз. Ҳаммасидан кўра, ҳаяжонли кучланиш ўз найзасини сочади ва ўз аҳамиятини йўқота бошлайди, чунки пул, мартаба, иззат – нафс ва “халқ ичида”ги обрў ортидан қувиб, бемаъниларча ва енгилгина иссиқ оила бағридан узоқлашиб қолганингизни ўзингиз ҳис қиласиз. Нима қилиш керак, уйга қайтиш лозим, айтганларидек, ҳеч қачон кеч бўлмайди. Айниқса, моддий ҳолатнинг яхшиланиши дам олишга туртки беради ва ёки яхши харид қилиш, ёхуд кейинчалик фойда олиш учун унча катта бўлмаган инвестицияни амалга ошириш лозим. Худди ақлнинг тиниқлиги каби жисмоний ва руҳий ҳолат тўлиқ нормада бўлади. Агар сиз яқинда қандайдир бирор хато қилган бўлсангиз, вақтни бой берманг ва уларни тўғрилашга ҳаракат қилинг. Бу ҳафтада сизда, муҳим ва энг асосийси, тўғри қарор қабул қилишингиз учун имконият бор. Бу ерда асосан имкониятни қўлдан бердим, деб ўйламаслик ва донишмандлар айтганидек, қандай келган бўлса, шундай кетади қабилида иш тутмаслик керак. Ҳаммаси фақат ва фақат сизнинг қўлингизда!
Қисқичбақа
Фойдали даромадингиз билан биргаликда ўз ташкилотингизда ўсиш бўлади, тўғри қарор қабул қилиш ва масъулият бунда жуда зарур. Эҳтимол, сизнинг “сеҳр-жоду қилингандек орқангиздан қолмайдиган”, бир неча ой ва йиллар давомида ечими топилмаган масала ва муаммоларингиз бўлса керак. Бу сафар сиз уларни ҳаётингизга киритмасликка қарор қиласиз ва сизнинг хаёлингиздан кетмаётган барча ишларингизни тартибга соласиз, балки бу пул борасида бўлиши ҳам мумкин. Масалан, кимдир гарчи шериги билан алоҳида – алоҳида иш олиб бораётган бўлса-да, расмий ажралишга қарор қилмаган ёки тескариси, кимдир севганининг қўлини ҳеч ҳам сўрай олмаган. Сизга “иложи йўқ” сўзи тааллуқли эмас. Сиз ҳаммасини ўзингиз бажарасиз, дўстларингиздан руҳий мадад беришини сўрайсиз. Ўтган муаммоларни ҳал қилишингиз биланоқ, маблағ сизга қараб йўл топади. Айнан мана шу ҳафтада фақат фаоллик шарти билан, сиз ҳар қандай ҳаракатингиз туфайли одатдагидек “раҳмат” сўзини эмас, балки айнан пул кўринишида рағбат оласиз.
Арслон
Ҳаммаси жуда таажжубли эшитилиши ва берилаётган маслаҳат ҳам бемаъни туюлиши мумкин, лекин бу ҳафтада Арслон буржи остидагилар жуда ҳам тинч ва сокин бўлганлари маъқул. Сиз қанчалик одамларга камроқ кўриниб, фикрларингизни баён қилмай, севги ёки нафратни кўрсатмай, рашк ёки бефарқликни билдирмасангиз – шунчалик юқорига кўтариласиз. Ҳеч нарса гапирманг, ўзингизни худди жуда банддек кўрсатинг – ё кундалик ишлар билан ёки стратегик режалар ва ўйлаб топилган учрашувларда юргандек. Ҳаётингизни яхшилашингиз ва имтиёзларга эга бўлишингиз, бу пайтда кўпроқ бошқа инсонларга боғлиқ бўлади. Шу боис ҳам бундай одамлар билан мулоқотингизни узоқ вақт давом эттирувчи ҳолатлардан қочишга ҳаракат қилинг. Хирапашша бўлманг, тилёғламалик қилманг ва ҳамма ютуқларга эришиш учун ўзингиз ҳақингизда тез – тез такрорлаш яхшимас. Фақатгина одамларнинг кўзига камроқ ташланиш орқали камтарлигингизни қадрлашлари мумкин.
Сунбула
Сиз ўзингизга ишонмаслик ҳиссини туйишингиз ва ўзингизга ўзингиз чуқур чоҳ қазишингиз мумкин. Бизнингча, китоб дўкони ёки кутубхонага бориб, фалсафий – психологик трактатларнинг янги партиясини излашингиз шарт эмас. Таниқли китоблар муаллифлари сиз ҳақда ўзингиздан кўра яхшироқ билишади. Айтишганларидек, пона понани уриб туширади. Агар сиз ҳар бир қадамингиз ва ҳаракатларингизни лупа остидан қарасангиз ва эришаётган ютуқларингиздан норози бўлсангиз, унда ўзингизни бошқа тарафдан, яъни одамлар билан мулоқот орқали кузатинг. Агар муаммо айнан фикр алмашишда бўлса, унда омма ичига боринг ва мулоқотда бўлинг. Ўзингизни виждон азобидан халос қилинг ва ижтимоий синов ўтказинг. Дўстларингиз ёки ҳамкасбларингиздан сиз ҳақидаги қарашларини сўранг, ўзгариш учун сиз ўргана оладиган томонларни, айнан қайси хислатларингизни улар қадрлашади, айнан қайсиларига эътибор беришмайди, чунки уларга бу жиҳатларни намоён қилмагансиз. Тез орада тушунасизки, атрофингиздаги одамлар сизни қадрлашади ва ўзгаришингизга ҳеч ҳам ҳожат қолмайди.
Тарози
Сиз куч – қувватингизни тўлдиришингиз ва табиат ато этган қобилият орқали фикрларингизни мужассамлаштиришингиз ҳамда бу импульсни кўнгилдаги истакларни амалга оширишга йўналтиришингиз лозим. Ҳаммасини душанбаданоқ бошланг. Ўзингизга вақт ажратинг, сизнинг диққатингизни ҳеч ким бўлмаслиги учун қулай жой топинг. У ердаги шароит сиз доимо интилаётган ажойиб ва ҳаётингиздаги энг зўр тўйғуларни бера олсин. Сиз айни шу пайтда ҳаммадан кўра нимани хоҳлашингизни ва бошқа томондан эса истаганингизга эришиш учун нима етмаётганини англаб олинг. Режалар тузинг ва дадиллик билан ҳаракатни бошланг. Агарда сиз янги иш топишни хоҳласангиз ёки ўз ишингизни бошламоқчи бўлсангиз, унда ҳамма нарсани ишга солинг: телефон китобингиздаги барча танишларингизга қўнғироқ қилинг ва қандай хизматларни таклиф қилишингизни сўзлаб беринг, ўзингиз учун сайт очинг, ижтимоий тармоқларда ўзингизни тарғибот қилинг. Бу ҳафтада нимага қўл урсангиз, ютуқларингиз учун жуда катта имконият бор.
Чаён
Бу вақт дам олиш ва турли хил байрамлар ўтказиш учун жуда қулай фурсат. Агар сиз анчадан бери қариндошларингиз билан учрашмаган бўлсангиз, уларни бемалол меҳмонга чақиришингиз мумкин. Учрашувлар ҳеч қандай мажбурлашларсиз ўтади, меҳмонларни бир мунча вақт хонадонингизда қолдиришингиз ҳам мумкин, бундай қўшничилик ҳеч кимга халақит бермайди, аксинча, кайфиятни кўтариб, ўзингизни керакли ҳис қилишингизга ёрдам беради. Чаён буржидагилар муносабатларда ўзини бахтиёр ҳис қилишади. Ниҳоят, шундай ҳисни туясизки, севгилингиздан ҳамма нарсани эшитасиз ва анчадан бери сўраб ҳамда талаб қилаётган нарсани оласиз. Лекин бўшашиш керакмас, бундай муносабатлар аввалгиларидек, тезда унутилиши мумкин, шу боис ҳам севгилингизни доимо назорат қилиб туринг. Кимнидир севгиси ҳиссиётларни юзага чиқаришни талаб қилса, яна кимдир эса аксинча, тинч Европа шаҳарларида романтик сайр қилишни орзу қилади. Шунинг учун ҳам имкониятингизга қараб икковингиз учун саёҳат уюштиринг ва таътилда бир – бирингизга ғамхўрлик қилинг.
Ўқотар
Агар сизда соғлиғингиз ҳақида ўйлаш фикри келган бўлса, унда ҳозир айни вақти, текширувлардан ўтишингизни маслаҳат берамиз. Юлдузлар сизга бу борада малакали мутахассис учрашини ваъда қилишмоқда. Бундан ташқари, кўпроқ вақтингизни уйдаги ишлар ва маиший муаммоларни ечиш билан ўтказинг. Балким, қандайдир юридик ҳужжатларни расмийлаштиришни бошлаш керакдир. Бу борадаги ҳар қандай саволларни тезда ечасиз ва ҳаммаси сизнинг фойдангизга ҳал бўлади. Яқинларингиз сизга ёрдам беришдан қочишлари мумкин, шу боис ҳам ишлаш, ҳам уй ва оила ҳақида қайғуриш фақат ўзингизга қолишига тайёрланинг. Молиявий борада шунчалик яхши бўладики, ҳаттоки июль ойидаги ҳисобингиздан кўпроқ бўлади. Бу ҳафтада сиз билан амалга оширилган лойиҳа натижалари олиб борилади, мукофот пули берилади ва қарзларингизни тўлашади. Бу пайт ҳар қандай саволларга жавоб топиш мумкин, айниқса расмий ишларга. Масалан, банкда сизга кредит ажратиш ҳақидаги қарор тасдиқланиши ёки агар суҳбатга кирган бўлсангиз, сизга ижобий жавоб беришлари ҳамда бу янги ишга киришингиз билан якунланиши мумкин.
Тоғ эчкиси
Тоғ эчкиси буржи остидагилар бутун ҳафта давомида севги, эҳтирос ва романтик кечалар “байроғи” остида юриши кутилмоқда. Ушбу бурждаги ёлғизлар ўзларига муносиб номзод топишади, бу қарорни улар сизда қабул қилинганидек, ақл билан эмас, балки ёнаётган юраклари билан танлашади. Кимнингдир ҳозирда муносабатлари мавжуд бўлса, улар ёлғизликни бутунлай йўқотишлари мумкин. Сиз ёки севгилингиз “ишқий муносабатлар”ни расмий изга солишни таклиф қилади. Ҳаттоки, никоҳ ҳақида сўз бормаса-да, унаштириш, битта хонадонда яшаш ёки жиддий оила қуриш, албатта, рўй беради. Бу ҳафтада иш ва моддий томонлар сизни умуман қизиқтирмайди. Шахсий ҳаётингиз ҳақида гап кетганда, сизни тушуниш мумкин, ёрқин ва икки тарафлама ҳислар бўлганда пул ҳақида ўйламайсиз ҳам.
Қовға
Қовғаларни оиласи ўз ёнига чақирмоқда, чунки сизнинг ёрдамингизга яқинларингиз муҳтож. Эҳтимол, хола ёки аммангиз, амакиваччалар ва бувиларни йўқлаш керакдир. Ҳаттоки, улар туфайли режалаштирилмаган таътил ҳам олиш лозим бўлиб қолади. Қолган барча масалаларда ҳаётингиз позитив ва атрофдагилар билан бир – бирингизни тушунишга бой бўлади. Асосан ўзингизни энг севган инсонингиз билан қулай ҳис қиласиз. Муносабатларингиз қанчалик яқин ва жиддий бўлса, жуфт танлашда адашмаганлигингизга шунчалик амин бўласиз. Юлдузлар романтик оқшом ва кутилмаган кеча уюштиришингизни маслаҳат беришмоқда.
Балиқлар
Сизлар учун бу ҳафта моддий нарсалар билан эмас, балки романтик ва маънавий жиҳатларга бой бўлади. Бошқа томондан эса бунинг ёмон тарафи йўқ, чунки моддий йўқотишлар кутилмайди. Ҳафта бошида ўзингизни эркин қўясиз. Янги танишувлар ва ёрқин таассуротларни истай бошлайсиз. Чамаси, сизнинг ички ҳисларингизга жавобан юлдузлар сизга янги ишқий муносабатлар учун ажойиб номзод йўлламоқда. Аммо сизнинг кайфиятингиз ўзгарувчан бўлиб тургани боис, худди тезда топилганидек, дарров тугаши мумкин. Ўшанда англайсизки, ўз вақтингиз ва қувватингизни бошқа одамга сарфлашга тайёр эмассиз, чунки анчадан бери ўзингизга вақт ажратмагансиз. Шунингдек, бу ҳолат никоҳда бўлган Балиқларга ҳам таааллуқли. Душанбадан бошлаб, ҳамкорликдаги саргузаштлар учун кўплаб режалар тузасиз, пайшанбада эса жадвалингиздаги барча романтик режаларингиз ўрнини иш ва ўз-ўзингизни ривожлантириш бўйича машғулотлар эгаллайди.
Манба: http://www.stoloto.ru/
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.