Қизил лаб бўёғи: эътибор марказида
04.08.2017
Кўпчилик нима сабабдандир қизил лаб бўёғи ўзида вулгаризм белгисини мужассам этади ва у ҳамма замонавий аёлларга ҳам мос келавермайди, деб ҳисоблайди. Аммо бундай эмас. Шунчаки қизил лаб бўёғи атрофдагилар учун оҳанрабо кабидир, шунинг учун бундай ёрқин рангли лаб бўёғи билан нимани мослаб кийиш, нимани эса қатъиян кийиш мумкин эмаслигини билиш лозим.
Биринчидан, қизил лаб бўёғининг турли тусларидан бирини танлаб олиш керак. Ранг тери туридан келиб чиқади. Оддий қоидага амал қилинг: терингиз қанчалик қорача рангда бўлса, ўзингизга шунчалик тўйинтирилган ва тўқ лаб бўёғини танлашингиз мумкин. Масалан, Sans Soucis дан Perfect Lips Every Day 14 Red Pleasure лаб бўёғини танланг. Агар сизнинг терингиз оч рангда бўлса, совуқ рангли лаб бўёқларидан танлаш ҳақида ўйлаш лозим: клюква рангли, қизил ёқут рангли, лавлаги тусли, тўқ қизил тусли. Терисида иссиқ пигментлар мавжуд бўлган қизларга эса томат рангли, қип-қизил, маржон каби қизил ва шу рангнинг турли иссиқ тусдагилари мос келади. Масалан, Sans Soucis дан маржон каби қизил тусли Perfect Lips Every Day 10 Intense Coral лаб бўёғини танлаш мумкин.
Иккинчидан, қиёфа учун либос ва аксессуарлар танлаш ҳақида ҳам ўйлаш лозим. Қизил лаб бўёғи рақобатни ёқтирмайди, буни доимо ёдда сақланг. Агар қиёфангизда учтадан ортиқ қизил ранг учраса, яхшиси, лаб бўёғини нейтралроқ, масалан, оч жигаррангга алмаштирганингиз маъқул. Қизил лаб бўёғи casual услубидаги либослар билан идеал даражада мос келади. Агар дресс-код имкон берса, ялтирамайдиган қизил лаб бўёғи идоравий костюмлар билан аъло даражада уйғунлашади. Масалан, оқ ёки кулранг идоравий костюмга ёрқин ранг билан урғу берилса, бу қиёфага ўзига хослик ва жиддийлик бағишлайди. Қизил ранг билан жигаррангнинг уйғунлашуви ёмон вариант эмас. Фақат ишга мос қиёфани аксессуарлар билан тўлдириб юборманг, лаблардаги битта урғунинг ўзи иш жойида сезиларли кўринишда бўлиш учун етарлидир.
Учинчидан, юқорида таъкидланганидек, қизил лаб бўёғи – қиёфанинг маликаси, рақобатни кўтара олмайди. Шунинг учун макияж бажарилаётганда, киприкларнинг учларини бўяш ва бироз ранг беришнинг ўзи етарли. Агар бироз хийла ишлатган ҳолда, қора тушь эмас, балки жигарранг тушьдан фойдалансангиз, қиёфа янада табиийроқ чиқади, қиёфадаги асосий ролни қизил лаб бўёғи ўйнайди. Оқшом макияжи учун ҳам ушбу қоида қўлланилади, аммо бунда чизиқлар чизиб, қош чегараларини янада аниқроқ қилиб бўяш мумкин. Кўзга бериладиган урғунинг камлигидан қўрқишга ҳожат йўқ: ишонаверинг, қизил лаб бўёғили қиз исталган кечада сезилмай қолиши мумкин эмас.
Қизил лаб бўёғи – ўзига ишонган, фаол қизларнинг танлови. Аммо баъзан ёрқин ранглар барчага намоён бўлишга ёрдам беради ва қувватни оширади, шунинг учун жиддий экспериментларни синаб кўришдан ва эътибор марказида бўлишдан қўрқиш керак эмас. Балки бу сизга ёқиб қолар?
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.