Таътилга косметичка еғмоқ: нима олишингиз лозим?
28.06.2017
Ва ниҳоят, узоқ кутилган дам олиш вақти ҳам келди. Ҳойнаҳой, сиз аллақачон дам олиш жойларини белгилаб, керакли ҳужжатларни расмийлаштириб, чамадонга кийимларни жойлаб ҳам бўлгандирсиз. Энди фақат сафарда қандай косметика воситалари зарур бўлишини аниқлаб олиш қолди. Олдиндан келишиб олайлик: бутун анжомлар билан “қуролланиб” олиш маъқул эмас. Бундан ташқари, ўзингиз билан сафарга олиб борган воситаларингизнинг ярмидан кўпи сизга шунчаки керак бўлмаслиги ҳам мумкин. Ҳақиқатан зарур бўлганлари эса косметика сумкангизда мавжуд бўлмай қолади. Дам олиш учун сафарга қайси косметик воситаларни олиб бориш кераклигини қандай аниқлаш мумкинлиги ҳақида қуйидаги маълумотлардан билиб олинг.
Қуёшдан ҳимояловчи воситалар
Агар сиз иссиқ иқлимли мамлакатга боришга қарор қилган бўлсангиз, тана учун қуёшдан ҳимояловчи крем ва лосьонларни унутманг. Агарда сиз дам олиш сафарида бир ҳафтадан узоқроқ вақт бўлишни режалаштирган бўлсангиз, турли ҳимоя даражали 2-3 та воситаларни захира қилиб олинг. Офтобда қорайиш даражасига қараб, ҳимояни мунтазам камайтириб бориш мумкин.
Жанубдан тушувчи иссиқ қуёш нурларидан нафақат тайёр бўлмаган тери, балки сочлар ҳам зарар кўриши мумкин. Кундалик ишлатиш учун мос келувчи енгил шампунь, шунингдек, сочлар учун намлантирувчи спрейлар ва бальзамлардан сотиб олинг.
Тозаловчи воситалар
Чанг ва қум – исталган пляжнинг табиий ҳамроҳларидир. Шунинг учун тозаловчи воситаларни, албатта, ўзингиз билан олиб юринг. Ювиниш учун гель, тоник, лосьон, кундалик фойдаланиш учун майда донадор қисмлардан ташкил топган скраблар – таъбингизга қараб танлаб олаверинг. Асосийси, улар олдингизда бўлса, кифоя. Шунингдек, бактерияларга қарши нам салфеткалар ҳам ортиқчалик қилмайди.
Намлантирувчи воситалар
Қуёш нурлари иссиқлик билан биргаликда, тери юзасидаги намликнинг одатдагидан тезроқ йўқолишига сабаб бўлади. Шунинг учун ўзингиз билан, албатта, намлантирувчи крем олинг. Аслида бу қоида терингизнинг қандай турдалигига боғлиқ эмас. Крем танлашда витаминлаштирилган воситалардан танланг.
Агар сиз крем суртиш натижасида юзда ёғли ялтироқлик пайдо бўлиши муаммосига кўп дуч келсангиз, юз тешикларини қисқартирувчи ва яллиғланишни қуритувчи гелли текстурага эга воситалардан танланг. Крем тешикларни беркитиб қўймаслиги учун эса уни сургач, 5-7 дақиқа ўтгандан сўнг юзни газламали салфетка билан енгилгина қуритиш лозим.
Жазирама жанубий қуёш остида алоҳида озиқлантириш ва намлантиришга фақатгина юз териси муҳтож эмас. Бутун тана териси ҳақида ҳам ғамхўрлик қилишга тўғри келади. Бунда сизга нафақат кремлар, балки ҳар сузишдан сўнг суртиш лозим бўлган турли ёғлар, лосьон ва намлантирувчи молочко ҳам ёрдамга келади.
Декоратив косметика
Шубҳасиз, ҳар бир аёл дам олиш вақтида бетакрор кўринишни истайди. Айниқса, дам олиш сафарида. Аммо сафарга отланиш чоғида декоратив косметика воситаларидан камроқ олишга ҳаракат қилинг. Масалан, пляжга бориш учун улар деярли керак эмас. Юзга қуёшдан ҳимояловчи крем суртилса, лабларга эса spf-ҳимояли стик қўлланса, кифоя.
Оқшом макияжини яратиш учун ўзингиз билан турли рангдаги бир нечта ялтироқ лаб бўёқлари, сувга чидамли тушь, сурма-қалам ва тенларнинг кичик палитрасини олинг.
Тонал кремлардан дам олишда фойдаланмаганингиз маъқул. Ундан кўра, уларни макияж ости учун енгил база ва пудрага алмаштиринг.
Ишингизни осонлаштириш учун сафардан олдинроқ қошларингиз ва киприкларингизни бўяб ёки узоқ вақт турувчи макияж қилиб олишингиз мумкин.
Мана, ҳар қандай дам олишда зарур бўладиган косметика воситаларининг рўйхати ҳам тайёр. Дам олиш сафарига қандай косметикани олиш ҳақида ўйлаганда, ўзингизнинг шахсий фикрингиз ва организмингизнинг ўзига хос хусусиятларига ҳам эътибор қаратинг.
Косметика воситалари солинган катта чамадонларни олиб юрмаслик учун маҳсулотларни кичик идишдагиларидан танланг. Бундан ташқари, бугунги кунда косметика воситаларининг кўпгина турли сафар учун тўпламлари мавжудки, бу сизнинг багажингизни сезиларли даражада енгиллаштиради.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.