Садаф Гафурова билан интервью
22.06.2017
Новатор ва одатий услубларнинг илғор кўринишларини севувчи, сартарошлик санъатининг иқтидорли усталаридан бири, стилист ва ўз ишининг устаси Садаф Гафурова 15 йилдан ортиқроқ вақт давомида пойтахтимиз аёлларининг қиёфаларини ўзгартириб келади. Таниқли мастернинг фаолияти қандай бошланган, Моника Белуччи нимаси билан яхши ва соч парваришида қандай лайфхакларга риоя қилиш керак? Булар ҳақида Садафнинг блогимизга берган эксклюзив интервьюси орқали билиб олинг.
Ўзингизнинг сочлар бўйича стилист бўлиб етишишингиз ҳақида гапириб берсангиз. Бу қандай ва қачон бошланган?
18 ёшимдан бошлаб аёллар сочлари бўйича мастер бўлиб ишлай бошладим. Ўшанда мен сменадаги энг ёш ишчи эдим. Буни истакларнинг амалга ошиши билан қиёслаш мумкин эди. 2002 йили мени довруғи кетган “Лазокат” салонига ишга олишганда жуда бахтиёр бўлдим. Шундан кейин менинг актив фаолиятим бошланди – доимий шоу ва конкурсларда иштирок этардик, чунки бу пайтларда салон одамлар орасида жуда ўз обрўйига эга эди.
Сартарошлик санъатига бутунлай киришиб кетдим ва сочларга тегишли бўлган барча маълумотларни батафсил ўргана бошладим. Ўзимнинг биринчи устозларим деб барча сартарошларни, ҳамкасбларимни ва салон раҳбарини ҳисоблайман, чунки улар бизнинг ўсишимизга катта имкониятлар яратиб беришганди.
Трендларни кузатиб борасизми ва сизнинг шу кундаги фаворитингиз қандай?
Албатта! Бусиз бизнинг соҳамизни тасаввур этиб бўлмайди. Мунтазам малакани ошириб бориш ва янгиликларни англаш – гўзаллик борасида бу ажралмас қисмдир. Долзарб ечимларни урфга киритувчилар орасида менинг фаворитим - L'Oréal , Schwarzkopf ва Wella, йиллар давомида синалган фирмалар ҳисобланади ва фикримча, уларда энг зўр мутахассислар жамланган.
Ўз ишингизда энг кўп нимани қадрлайсиз?
Одамлар билан ўзаро муносабатни.
Нима учун мижозоларингиз яна сизга қайтиб келишади? Бу ҳақда фикрингиз қандай?
Албатта, бу ҳақда яхшиси менинг мижозларимдан сўраган маъқул. Лекин, менимча, нимадир керак бўлса, бунга сабаб ҳам бўлади. Кимгадир менинг тез иш бажаришим, яна кимгадир – менинг меҳрим ва сочларга бўлган ғамхўрлигим ёқса керак. Менинг мақсадим битта – мижозларимни кўнгли мендан доим тўлиши.
Сизнинг сочларни парвариш қилишда севимли воситаларингиз борми? Бор бўлса, уларнинг номини айтиб ўтсангиз.
Аёлнинг гўзаллиги ўзини севиши ва парвариш қилишида. Бу борада кўпгина хилма – хил воситалар – уйда тайёрланган ниқоблардан бошлаб, профессионал воситаларгача бор. Мен ҳаммасидан фойдаланиб ва синаб кўраман. Ҳар бир инсон учун танлов индивидуал бўлади. Менинг чинакам яхши кўрганим бу ёғлар, улар барча косметик фирмаларда мавжуд. Айнан уларда сочлар гўзаллиги учун ҳамма нарса бор.
Қайси мастерларнинг ишини кузатиб бориш сиз учун қизиқарли?
Мен ҳар доим танишим ва иш бўйича мулоқотда бўлган ҳамкасбларимни кузатиб бораман. Ўзбекистонда жуда кўп ўз ишининг усталари бор. Шунингдек, афро – америкалик стилистларнинг ишини яхши кўраман – улар сочларни нималар қилишмайди? Улар ажойиб сеҳргарлар! Яна фэшн – саноатни кузатиб бориш ҳам мен учун жуда қизиқарли.
Сизга нима илҳом беради?
Асосий илҳом париларим – одамлар. Ташқи кўринишни ўзгартириш учун ўша қизни кўрмасдан олдин ҳеч нарса қилишни истамаслигим мумкин. Кейин эса албатта, кулгу ва табассумлар ҳам илҳом беради.
Сочлар билан асосан нима қилишни ёқтирасиз? Кесиш, турмаклаш ёки бўяшними? Ва нима сабабдан?
Энг яхши кўрганим – янги қиёфани яратиш. Бу жараёнга ҳамма нарса кириб кетади! Яхши кўрган ишингнинг моҳияти ҳам унга бошинг билан шўнғиб кетишингдир.
Сиз учун чиройли аёл ким?
Покиза ва фикри тоза бўлган аёл.
Сизнинг пардоз-андоз сумкангизда доим нима бўлади?
Кўп нарса бўлиши мумкин, агар битта нарса ҳақида гап кетса, албатта, BB-крем, бусиз мен уйдан кўчага чиқмайман. Бу крем ёрдамида тери қуёшдан ҳимояланади, чақнаб туради, енгил ранг беради, асосийси – нафас олдиради ва тери доимий намланиб туради. Garnier ва GiGi белгиси остидаги маҳсулотларни ёқтираман.
Сизнинг стиль жиҳатидан идеалингиз борми? У ким?
Улар доимо менинг “ўсиб бориш” им билан биргаликда алмашиб туради. Бугунги кунда етук шахслардан бири – Моника Белуччи ўзининг ёш бўйни билан, шунингдек, Кендал Женнер ўзининг эркин услуби билан жалб қилади.
Сочлар доимий яхши парваришда ва соғлом кўриниши учун ўзингизнинг учта маслаҳатингизни ўртоқлашсангиз.
Жоним билан!
1. Ёғ сочлар учини юмшатмайди, аксинча, қуритади! Уни соч охиригача сурманг, айниқса, энг учига, бўлмаса соч меъёридан ортиқ озиқлантирилади.
2. Сочларни иложи борича совуқроқ сув билан ювинг, ўшанда бўялган сочларнинг тезда ранги кетиб қолмайди. Сочлар анча ялтироқ ва мустаҳкамроқ бўлади. Чунки бунда бош қоплами ёпилган бўлади.
3. Бундай иссиқ об – ҳавода сочлар саранжомлигини сақлаш учун сочларни бошнинг энг тепасигача, пешонага яқинроқ ҳолда йиғинг. Сочнинг бутун ҳажмидан ярмини тўпланг – бу қулоқдан унисигача. Фаввора кўринишда сочнинг олд қисмини тепага йиғинг, орқа қисми эса ёйилган ҳолда бўлсин. Шундай қилиб ҳар қандай саранжомланган соч ўз шакли ва ҳажмини йўқотмайди.
Бизнинг ўқувчиларимизга тилакларингиз.
Ҳар бир аёлда такрорланмас гўзаллик бор, менинг тилагим сиз бошқаларга қараманг, ўз юрагингиз ва кўнглингизнинг чинакам гўзаллигига назар ташланг ва уни англанг.
instagram: https://www.instagram.com/sadulyalya/
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.