Беш ташла: калта сочлар учун ёзги турмаклар
21.06.2017
Бу мавсумнинг энг муҳим турмаклари табиий жингалаклар, ўрилган ва ярим йиғилган сочлар ҳисобланади. Сиз ўзингизда қайси турмакни синаб кўрасиз? Сочларни турмаклашнинг энг долзарб услублари ҳақида батафсил тўхталамиз.
Тартибсиз жингалаклар ва пляжга хос турмакларнинг исталган бошқа кўринишлари – энг юқори поғонада турибди. Гап шундаки, бошингизда ҳосил қилинган тартибсизлик қанчалик аниқроқ бўлса, ўзингиз ҳам шунчалик замонавий кўринасиз. Жингалак сочларга эътибор қаратинг ва сочларингизнинг табиий тўлқинсимонлигини “тортавериш” ни бас қилинг. Ахир айнан катта ҳажм, сўзсиз, сизга берилган баҳони оширади.
Ўримлар – доимо долзарб ва ажойиб. Биз турли кўринишдаги ўримлар билан сочларни турмак қилиш бўйича бир неча бор тўлиқ йўл-йўриқларни бериб ўтганмиз. Агар ушбу мавсум тенденцияларига эътибор қаратадиган бўлсак, улар орасидан сочнинг умумий юзасида камроқ кўзга ташланиб турадиган кичик ўримлар тенденцияси олдинга чиқади. Бу турмак доимо романтик ва озроқ хиппи (турли этник жиҳатларни уйғунлаштирадиган услуб) руҳини бериб туради.
Яна бир оммабоп ечим сифатида боғламга ярим йиғилган соч турмагини кўрсатиш мумкин. Бунинг учун бошнинг энса қисмида сочларни тўплаш ва боғлаш, аммо сўнгги боғлашда сочнинг умумий массасини ташқарига чиқармаслик керак (худди одатий боғламдек). Уни айлана шаклдаги боғлам сифатида қолдириш лозим. Турмакдан ажралиб, тушиб қолувчи сочларни текислаш тавсия қилинади. Қарабсизки, ёз учун футуристик (ортиқча безаклардан холи услуб) турмак тайёр!
Агар сизга янгиликлар бегона бўлмаса, унда навбатдаги турмакни синаб кўришни тавсия қиламиз. Узунлик бўйича сочларнинг тўртдан уч қисмини қисқич дазмол билан текислаб, қолган тўртинчи қисмни жингалак қилинг. Бундай турмак ҳаттоки оқшом тадбирларида ҳам долзарб кўринади, сиз эса it-girl (ўзининг яшаш, турмуш тарзи билан машҳур бўлган қиз) сифатида машҳурликка эришасиз.
Ширинлик сифатида мавсумнинг энг “жасур” турмагини тақдим қиламиз. Агар сизга ҳар қандай синов ва тажрибалар бегона бўлмаса, сочларни деярли уларнинг ҳажмидан маҳрум қилган ҳолда, орқа тарафга зич қилиб тараб кўринг. Албатта, бундай қадам қалтис бўлади, аммо гўзаллик қурбонлик талаб қилади, деб бежиз айтишмайди! Синаб кўринг ва энг юқори поғонада бўлинг!
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг , ҳамда нашрларимзга ўзизни фикрингизни изоҳларда тўлдиринг! Телеграм-каналимизга , facebook ва instagram га аъзо бўлинг.