Бьюти-афсоналар: 10 та энг машҳур косметик воситалар
14.06.2017
Бир ўйлаб кўринг-а: ҳар йили бьюти-саноати 100 минглаб янги косметикаларни намойиш қилади. Дўкон токчалари танловларнинг бойлигидан тўлиб кетади, битта “революцион” восита эса уни тўлиқ ишлатиб бўлишга улгурмасингиздан, бошқасига ўрнини бўшатиб беради. Аслида гўзаллик дунёсидаги ҳақиқий революцияни машҳур брендларнинг бор-йўғи бир нечта самарали воситаларигина амалга оширган. Бугун биз сизларга барча даврларнинг энг машҳур бьюти-маҳсулотлари ҳақида маълумот берамиз.
Guerlain дан Météorites Perles “Метеоритлар”
Guerlain дан ушбу афсонавий шарчалар – упа ва хайлайтерга ўхшаш воситадир. Биринчи “метеоритлар” 1987 йилда пайдо бўлган, шундан бери улар ўзгармаган – фақатгина аллақачон коллекция қилинувчи нарсага айланган ажойиб металл банкачалар ўзгарган, холос. Бу восита юзда деярли кўринмас, ялтировчи қоплам ҳосил қилади ва бинафша гулидек ифор таратади. Шунинг учун ҳам биз Guerlain дан ушбу машҳур бестселлерни яхши кўрамиз.
YSL дан Touche Éclat корректори
“Ёруғликнинг тегиши” – дунёдаги модага риоя қилувчи ҳар иккинчи аёлнинг косметика сумкачасида бор бўлган ушбу машҳур корректор-чўтканинг номи шундай таржима қилинади. Восита шунчалик ажойибки, у кўп марта голливуд фильмларида “порлаган”, воситанинг ихчам ўрами эса мана неча йиллардан бери барчага таниш ва ўзгармас. Корректор кўз остидаги айланалар, қизаришлар ва кичик ҳуснбузарлардан халос этади, бир сўз билан айтганда, ҳақиқий маст-хевдир (ҳар бир аёлда, албатта, бўлиши керак нарса).
M.A.C дан Russian Red лаб бўёғи
“Рус қизили” - M.A.C нинг айнан ушбу бетакрор алвон рангли лаб бўёғи жуда машҳур ҳисобланади. Бунга фақатгина унинг аъло сифати ва ҳақиқий классик ранги сабаб бўлган эмас. Ушбу косметик воситани Мадонна ўзининг энг севимли воситаси, деб ҳисоблайди. Айтишларича, мана 20 йилдирки, хонанда Russian Red дан воз кечмайди.
Lancôme дан Dual Finish пудраси
Бундай упа совет даврларида яшаган онангизнинг ҳам пардоз-андоз сумкачасида мавжуд бўлган ва у ҳозир сизда ҳам бор. Чунки Lancôme дан Dual Finish упаси доимий классикадир. Даврлар алмашди, мода ва албатта, севимли воситанинг ўрами ҳам ўзгарди, аммо энг яхши косметик воситанинг асл моҳияти ўша-ўшалигича қолди – ёқимли ифорга эга, енгил, ялтирамайдиган пудра юзда ёғли ялтироқлик пайдо бўлганда, доимо ёрдамга келади.
Maybelline New York дан Great Lash Mascara туши
40 йиллар олдин, 1971 йилда Maybelline New York дан ушбу хит — Great Lash Mascara туши сотувга чиқарилди. Ўша вақтда у ҳар бир визажистнинг иш асбоблари қаторидан жой олган эди, 90-йилларнинг охирига келиб эса бу восита ҳар бир рус қизининг пардоз-андоз сумкачасидан ўрин эгаллади. Сиз ҳам уни эсласангиз керак! Тушь ҳозир ҳам ўз ўрнини йўқотгани йўқ. Сабаби оддий, яъни унинг ҳеч қандай алоҳида хусусияти мавжуд эмас. Аммо бу яхши маънода. Шунчаки бу восита – энг оддий тушь бўлиб, меъёрида узайтиради, бўяйди ва ўчиб кетмайди. Ҳеч қандай такрорланмас натижалар ва ҳайратланарли ҳажм ҳам бермайди, балки оддий, табиий қора киприкларни ҳосил қилади.
CND дан Shellac қоплами
Биз бугунги кунда ультрабинафша нурлари ёрдамида қотириладиган тирноқлар учун барча барқарор қопламларни шеллак деб атаймиз. Аслида Shellac — бу CND компаниясининг ноёб маҳсулоти бўлиб, у маникюр ҳақидаги тасаввурларимизни ўзгартириб юборган. Гель-лакни яратиш устида ишлар биринчи марта 1979 йилда бошланган. Аммо маҳсулотни тайёр ҳолатга келтиргунча, мутахассисларга яна 20 йил керак бўлди. Ва ниҳоят! Эндиликда биз лак кўчиб кетишидан хавотир олмасак ҳам бўлади, чунки у сиз ўчиришни хоҳламагунингизча, жойида тураверади.
Clinique дан ювиниш учун уч босқичли тизим
Ушбу мўъжизавий тизимни қўллаб кўрган бўлсангиз керак, у Clinique маркасининг ҳақиқий хити ва бу 1968 йилдан бери ўзгармай келмоқда! Мукаммаллик ҳеч қандай тузатишларни талаб қилмайдиган кўринади. Юзни тозалаш учун тўпламга юмшоқ совун, лосьон ва молочко киритилган. Бундан бошқа ҳеч нарса керак эмас!
Dior дан Diorshow туши
Бизнинг кузатувимиздаги яна бир машҳур тушь — Dior дан Diorshow тушидир. Хўш, унинг ўзига хослиги нимада? У киприкларга ҳайратланарли ҳажм берувчи катта чўткали биринчи тушь ҳисобланади. Ҳар қайси машҳур нарса каби Diorshow нинг ҳам ўз афсонаси бор. Пет Макграт исмли визажист намойишлардан бирида ҳеч ҳам ўзи хоҳлаган натижага эриша олмаган ва моделнинг киприкларини тиш чўткасида бўяган экан. Бу ғоя худди ҳавода айланиб юргандек, барчанинг тилига тушибди-да, шундан кейин Dior бренди супер қалин киприклар учун катта чўткали тушларни ишлаб чиқара бошлабди.
Carmex дан Original Lip Balm лаблар учун бальзами
Барча даврлар учун энг яхши ва машҳур лабларга мўлжалланган бальзамни 1937 йилда Carmex америка маркаси ўйлаб топган. Шундан бери парвариш бўйича ушбу косметика воситаси дунёдаги энг машҳур воситалардан бирига айланган. Бальзам аъло даражада намлантирибгина қолмай, лаблардаги кичик ёриқларни ҳам тиклайди. Агар ҳали сотиб олмаган бўлсангиз, дорихона томон югуринг!
Nivea дан универсал крем
Ностальгия… Nivea креми — ҳар бир уйда бўлган (бўлган эмас – ҳали ҳам бор!), болаликдан таниш кўк рангли тунука банкача. Анчагина ёғли крем барча тана аъзоларига мос – хоҳласангиз юзга суртасиз, хоҳласангиз оёқларга! Таъкидлаш керакки, оддийлиги ва универсаллиги билан бирга, маҳсулот жуда сифатли, ростан ҳам аъло даражада терини озиқлантиради ва намлантиради, ёғли қатламни ҳосил қилмайди.
Ушбу рўйхатга яна қандай энг яхши косметика воситаларини киритган бўлардингиз?
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.