Ёз мавсуми учун парвариш воситалари
13.06.2017
Биз ёзги парваришда йўл қўйиладиган асосий хатоларни аниқлаб, уларга қарши мавсум парвариши учун муҳим ёрдамчилар билан сизларни таништирмоқчимиз.
SPF мавжуд бўлган гигиеник лаб бўёғи
Бу ёрдамчи барчага бирдек манзур бўлади. Агарда сизнинг лабларингизга, одатда, кучли қуриш ёки ёрилиб кетиш хос бўлмаса ҳам, денгиз олди ёки бассейнда ўтказилган ҳордиқ дамлари барибир бу ҳолатни юзага келтиради. Шунингдек, таъкидлаш жоизки, гигиеник лаб бўёқлари ва бальзамларда SPF нинг бўлиши жуда ҳам зарур. Лаб териси юз соҳасидаги энг таъсирчан ва ҳимоясиз қисм ҳисобланади. Ҳаттоки пардоз-андозни жуда ёқтирмасангиз-да, ўзингизнинг кун тартибингизга ушбу “кичкинтой” ни қўшиб қўйганингиз маъқул.
Дезодорант
Омма орасидаги нотўғри фикрларга қарши айтиш керакки, дезодорантнинг асосий таъсир кучига кириши ундан кечки пайт фойдаланилганда амалга ошади! Кечки душдан совиган терига сепилган дезодорант тунги вақтда нофаол бўлади, аммо тонгда ўзининг “иккинчи нафас” ини жуда фаол тарзда ишга туширади.
Енгил шампунь
Ёзда шампуньни алмаштириш зарур. Бу “силлиқ ва енгил таралувчи сочлар учун” ёзувли шампуньларни ўзингизда синаб кўришингиз учун энг мос вақт. Сочларни оғирлаштириб, уларга ювилмаган кўриниш берувчи парвариш бальзамларидан фойдаланишни тўхтатиб туринг. Кундалик ҳаётингизга софлик эффектини берувчи шампуньларни қўшсангиз, улар сочларингизга қанчалик хуш ёқишига ўзингиз гувоҳ бўласиз.
Тональ крем
Зич тонал асосларга йўқ, йўқ, йўқ ва яна йўқ, денг. Чунки уларнинг ҳар қандай тури бизнинг жазирама кунларимизга икки соат ҳам чидай олмай, оқа бошлайди. Кўпроқ сувли асосдан ташкил топган кремлар, зич бўлмаган тузилишли сочилувчан упаларга эътибор қаратинг. Шунингдек, ўзингизга мос ВВ-крем ёки минерал упалардан танланг.
Тана учун намлантирувчи крем
Ёзда бундай “ширинлик” дан воз кечиб бўлмайди. Саёҳатларда дуч келинадиган кучли қуёш, сувсизлик ва иқлим ўзгариши ўз ишини бажармасдан қўймайди. Бундай пайтда ўзингизга фаол намлантирувчи молочко, крем ва ёғлардан танлаб олинг, шунда сизнинг терингиз эгилувчан, порлоқ, ялтироқ ва таранг кўринишга келади.
Асосий тенденцияларни makeup.uz билан бирга кузатинг. Бизни маслахатларимиз ва ечилиш улулларимизни бошкаларга курсатинг, ҳамда нашрларимзга ўзизни фикрингизни изоҳларда тўлдиринг! Телеграм-каналимизга, facebook ва instagram га аъзо бўлинг.